Bizkaiko meatzarien greba amaitu zen langileen garaipenarekin. Urriaren amaieratik zeramaten greban meatzariek, mugimendu sozialistaren babesarekin. Beren eskaerak: soldata astero kobratzea eta elikagaiak nahi zuten tokietan erosteko eskubidea izatea. Ordura arte, ugazabek behartutako ekonomatoetan egin behar zituzten erosketak eta prezioak garestiago ziren hor. Lau hilabetetan zehar istilu handiak izan ziren, batez ere Bilbon, eta gerra-egoera ere ezarri zuen Espainiako Gobernuak.