Bederatzi abade bizkaitar atxilotu eta espetxeratu zituzten. Ordaindu gabeko isun bat zela medio, Zamorako apaiz-kartzelan sartu zituzten. Egun batzuetara, Bizkaiko gotzainak komunikatua argitaratu zuen euren defentsan, eta haietarik zortzi berehala askatu zituzten. Bederatzigarrenak hilabete osoa igaro zuen han. Frankismo betean asko izan ziren Euskal Herriaren zapalkuntza salatzen hasi ziren elizgizonak, sermoi, itxialdi eta gose-greben bitartez. Espainiar Estatuak, Elizaren oniritziarekin, beren eragina moztu nahian jazarri zituen, eta asko Zamorako apaiz-kartzelan sartu zituzten, soilik apaizentzat prestatutako munduko espetxe bakarra.