Balmasedan sorginkeriaren aurka gauero kanpaiak jotzea agindu zuten. Sorginkeria egotzita preso zeudenek ardoa eta ogia suntsitzeko asmoa zutela sinetsita, Jaurerriaren beste hainbat herritan hartutako neurri bera hartu zuten Balmasedan ere. Ustearen arabera, elizako ezkilak jotzen zituzten bitartean sorginkeriaren boterea deuseztatzen zuten. Agindua ez betetzeak mila marabedi eta hamar eguneko espetxe zigorra zekarren. Euskal Herrian, dokumentatua dagoen inkisizioaren lehen exekuziotik (1329) azkenera (1610), 200 eta 323 pertsona artean hil zituzten, gehienak emakumezkoak eta denak "legez".