AEBetan Chicagoko poliziak Pantera Beltzen Alderdiko Fred Hampton eta Mark Clark hil zituen sarekada batean. Beste lau kide ere zauritu zituzten, gauez etxera indarrez sartu ostean.

Fred Hampton alderdiaren sortzaile eta buruetako bat zen eta 21 urte besterik ez zituen erail zutenean.

FBIk Pantera Beltzen mugimendua deuseztatzeko erabili zuen jardueraren adibideetako bat besterik ez zen izan hau. Estatu terrorismoa baliatu zuten mehatxu gisa ikusten zuten mugimendu iraultzaile honen aurka.