AEBek bonba atomikoarekin lehen proba egin zuten Mexiko Berrian. Hura sortzeko AEB, Kanada eta Erresuma Batuak elkarrekin bultzatu zuten Manhattan proiektuan 130.000 enplegatu egin zuten lan White Sands izeneko poligonoan, eta garaiko 2.000 milioi dolarreko kostua izan zuen. Inoizko armarik indartsuena Hiroshima eta Nagasakin erabili zituzten lehen aldiz gerra ekintzan. Oraindik eztabaidagai da AEBek Japoniaren aurka zergatik erabili zuten halako arma, eta ehunka milaka pertsona hil, Japonia, gerra galdutzat emanda, errenditzeko prest baitzegoen. Historialari ugarik interpretatzen du, AEBek, Sobietar Batasunaren aurrean bere boterea erakutsi nahi izan zuela eta Gerra Hotzerako prestatu.