250 emakumek blokeatu zuten 24 orduz Greenham Commongo base militarra lehen aldiz, Ingalaterran. NATOk bertan zituen arma nuklearren aurkako martxak hasiak zituzten hilabete batzuk lehenago, baina blokeoak eta kanpaldiak egitea erabaki zuten. Bertan emakumeak soilik egoteko erabakia hartu zuten eta Bakearen aldeko Emakumeen Kanpamenduak egiten jarraitu zuten 2000. urtera arte.