Rosa Parks hil zen Detroiten, AEBetan. 1913an Tuskegeen jaioa (Alabama), AEBetako beltzen eskubide zibilen aldeko ekintzaile garrantzitsua izan zen, eta Alabamako Montgomery hiriko autobus konpainiaren aurkako boikota bultzatu zuen 1955ean autobus segregatu batean bere eserlekua emakume zuri bati uzteari uko egin zionean. 1940ko hamarkadan sartu zen Montgomeryko beltzen eskubideen aldeko mugimenduan, eta 1960ko hamarkadan beltzen eskubideen aldeko borroka feminismoarekin uztartu zuen. Jeanne Theoharis historialariak jaso duenez, bere erreferente nagusia Malcolm X zen. Martin Luther King-ekiko errespetu handia zuen, baina berak esaten zuen, bere heroi pertsonala Malcolm X zela, iparraldeko liberalismoa eta hipokrisia salatzen zituelako, Vietnamgo gerraren aurka hasieratik kokatu zelako eta gauza horiek bere ikuspegi politikoarekiko oso gertukoak zirelako.