Joséphine Baker hil zen Parisen, munduko lehen super-izar beltza. 1906an AEBetako Missourin jaioa, dantzari eta abeslaria izan zen eta Parisen lortu zuen arrakasta 1920ko hamarkadan, dantza ikuskizun exotikoekin. Arrazismoaren aurka borrokatu zuen beltzen eskubide zibilen aldeko mugimenduan. Bere utopia kulturanitza gorpuzteko, arraza ezberdinetako hamabi haur adoptatuta osatu zuen familia, eta Ortzadarraren Tribua izendatu. II. Mundu Gerra piztu zenean, Frantziako Erresistentzian sartu zen, eta Ohorezko Legioaren domina jaso zuen horregatik.