Itxialdia hasi zuten Iruñeko Eaton Ibérica enpresako langileek. Produkzioaren etenaldi partziala eragotzi eta soldata hobekuntzak eskatu zituzten eta barnean era guztietako asanbladak eta hitzaldiak antolatu zituzten, besteren artean. 625 langileetatik 495 kaleratu zituen orduan patronalak, baina elkartasun uholdea Nafarroa osoan hedatu zen. Langileek gogor eutsi zioten, eta zuzendaritzak langileak berronartu behar izan zituen. Lege frankistek ahalbidetzen zituzten mekanismoetatik at antolatu ziren langileak, era ilegal baina publikoan, eta patronalak ez zuen haiekin negoziatzea onartu beste erremediorik izan.