Emakumeen Mundu Martxa abiatu zen lehen aldiz, Genevatik eta Quebecetik aldi berean. Urriaren 17an amaitu zuten New Yorkeko NBEren egoitzaren aurrean, mundu osoko jendeak bilduta, pobrezia erauzteko nazioarteko egunean. Martxa abian izan zen zazpi hilabeteetan zehar, kontzentrazio, mobilizazio eta kultur ekitaldiak egin ziren mundu osoko txoko ugaritan. Lehen Martxa hartan adostu zuten ekimena bost urtean behin errepikatzea. Pobrezia- eta indarkeria-egoerak salatu eta horiek deuseztatzeko konpromisoa hartzea dira Emakumeen Mundu Martxaren helburuak.