“Aiaraldea Egunkaria” eta Tolosaldeko Ataria komunikazio proiektu berriak jaio dira
Aiaraldea Egunkaria Bizkaiko eta Arabako bederatzi herritan (Amurrio, Arakaldo, Arrankudiaga, Artziniega, Aiara, Laudio, Okondo, Orozko eta Urduña) banatzen da joan den ostegunaz geroztik. Hamabostekaria izango da, 16 orrikoa eta erdiak koloretan. 10.000 ale banatuko dituzte doan.
Aiaraldea Komunikazio Leihoa elkartearen erronka bat gehiago da. Elkarte horrek 2010ean aiaraldea.com ataria jarri zuen abian eta 2012ko abenduan, irratia. Elkarteko kideek badakite Aiaraldeko hainbat herritarrek ez dutela internet erabiltzen edo ez behintzat egunerokoan eta horregatik erabaki dute paperari heltzea.
Aiaraldea Egunkaria bederatzi herrietako tabernetan, ileapaindegietan, osasun zentroetan eta gainerako salmenta guneetan banatuko dute. Dena dela, arreta berezia jarriko dute ikastetxeetan eta euskaltegietan.
Aiaraldean 41.253 herritar bizi dira eta %58,55 dira gai euskara ulertu eta euskaraz aritzeko. Erabilera aldiz, askoz murritzagoa da. Kale neurketak dioenez, %5era ez da iristen. Elkartearen ustez, beharrezkoa da euskaraz aritzeko espazio berriak zabaltzea eta horietako bat izango da Aiaraldea Egunkaria.
Hiru egitasmo bat eginda
Tolosaldeko Hitzak, Galtzaundi Aldizkariak eta Txolarre irratiak bat egin dute, eta erredakzio bakarrean arituko dira lanean. Egitasmo berriak Tolosaldeko Ataria izena hartu du. Papereko Tolosaldeko Hitzak eta Galtzaundi Aldizkariak bat egin dute eta hemendik aurrera Hitzaren argitalpen egunak mantenduko ditu Ataria agerkari berriak, alegia, astearteak, asteazkenak, ostegunak eta ostiralak. Bi hedabide digitalak ere batu dituzte eta egitasmo osoak bezala Tolosaldeko Ataria (ataria.info) du izena. Txolarre irratiak berriz, Ataria izena hartuko du hemendik aurrera. Hiru egitasmoek hamar urtetik gorako ibilbidea izan dute gaur arte.
Ainhoa Oiartzabal Atariko arduradunak adierazi duenez, indarrak batu, baliabideak optimizatu eta eraginkorragoak izateko ahalegina egingo dute.
Martxoaren 29an ospatuko dute irratiaren 40. urteurrena, musika, literatura eta tailerrak bilduko dituen Txapa Egunarekin.
"Ipar Euskal Herria gaztez odolusten ari da". Sail berriak sortu goi-mailako ikasketetan, etxebizitza sozialak egin gazteentzat edo aisialdia euskaraz bermatu… Hamabost proposamen konkretu egin ditu Xuti Gazte ezker abertzaleko gazte antolakundeak.
Uribe Kosta BHI institutuko hainbat ikaslek salatu duenez, mezu "iraingarriak, matxistak eta homofoboak" jaso dituzte Batxilergoko beste ikaskide batzuengandik. Horrez gain, gaineratu dute mezuak irakasle bati ere bidali dizkiotela eta beste ikasle batzuen... [+]
Urruña, 1750eko martxoaren 1a. Herriko hainbat emakumek kaleak hartu zituzten Frantziako Gobernuak ezarritako tabakoaren gaineko zergaren aurka protesta egiteko. Gobernuak matxinada itzaltzeko armada bidaltzea erabaki zuen, zehazki, Arloneko destakamentu bat. Militarrek... [+]
Aiaraldeko hainbat irakaslek mezua igorri diete ikasleen guraso eta familiei, dagoen informazio zurrunbiloan, grebarako arrazoiak modu pertsonalean azaltzeak euren borroka eta lanuztea hobeto ulertzeko balioko dielakoan.
Biologian doktorea, CESIC Zientzia Ikerketen Kontseilu Nagusiko ikerlaria eta Madrilgo Rey Juan Carlos unibertsitateko irakaslea, Fernando Valladares (Mar del Plata, 1965) klima aldaketa eta ingurumen gaietan Espainiako Estatuko ahots kritiko ezagunenetako bat da. Urteak... [+]
Ezpatak, labanak, kaskoak, fusilak, pistolak, kanoiak, munizioak, lehergailuak, uniformeak, armadurak, ezkutuak, babesak, zaldunak, hegazkinak eta tankeak. Han eta hemen, bada jende klase bat historia militarrarekin liluratuta dagoena. Gehien-gehienak, historia-zaleak izaten... [+]
Martxoaren 8a hurbiltzen ari zaigu, eta urtero bezala, instituzioek haien diskurtsoak berdintasun politika eta feminismoz josten dituzte, eta enpresek borroka egun hau “emazteen egunera” murrizten dute, emakumeei bideratutako merkatu estereotipatu oso bati bidea... [+]
Euskal hezkuntza sistemaren itunpeko eskolen gainkontzertazioa eta zentro pribatuen umeak hartzeko gaitasuna beherakada demografikoari eta biztanleriaren klase osaketari egokitu behar dira.
Bilboko Udalak zerbitzu publikoak pribatizatzen jarraitzen duela salatu du Bilboko Liburuzainen kolektiboak, besteak beste, kulturari loturiko zerbitzuak. Horren harira, mahai-ingurua antolatu dute martxoaren 3an Bidebarrieta liburutegian, Kulturaren pribatizazioa izenburupean.
Martxoaren 1ean ospatuko du NNPEK-k urteurrena argazki erakusketa eta txalaparta ikuskizun batekin.
Trumpen itzulera pizgarri izan da sendotuz doan eskuin muturreko erreakzionarioen mugimenduarentzat. Izan ere, historikoki, faxismoaren gorakada krisi ekonomikoekin lotuta egon da, baita sistemaren zilegitasun politiko eta ideologikoaren krisiarekin ere. Gaur egun, geldialdi... [+]
Batzuendako, dirutza izatea ez da nahikoa, eta euren ego hauskorrek diruaren txintxina ez ezik, protagonismoa ere eskatzen dute. Aberats okituak izatea nahikoa izango ez balitz bezala. Beti gehiago behar dute, anbizioa deritzote antsia horri, baina botere gosea eta nabarmendu... [+]
Bi neska komisarian, urduri, hiru urtetik gora luzatu den jazarpen egoera salatzen. Izendatzen. Tipo berbera agertzen zaielako nonahi. Presentzia arraro berbera neskek parte hartzen duten ekitaldi kulturaletako atarietan, bietako baten amaren etxepean, bestea korrika egitera... [+]
Iragan urtarrilaren hondarrean, Bretainiako lurraldeko bi hizkuntza gutxituei buruzko azken inkesta soziolinguistikoaren emaitzak publiko egin zituzten bertako arduradunek. Haiek berek aitortu zuten harriturik gertatu zirela emaitzak ikustean. Hain zuzen ere, egoerak eta... [+]