Bakterioen propietate batzuk, ezagunak izanagatik, harrigarriak ere badira. Ezaguna zen bakterio batzuek propietate magnetikoak dituztela, hau da, kristal magnetikoak eraikitzeko ahalmena dutela. Berriki, eta lehenbiziko aldiz, nazioarteko ikerlari talde batek lortu du greigita (Fe3S4) eta magnetitaren (Fe3O4) nano-imanak sortzen dituen bakterio talde bat laborategian haztea, Kaliforniako Heriotzaren Haranean bildutako laginei esker.

Ikerketa honek medikuntzako tresnerian izango ditu aplikaziorik garrantzitsuenak.