Egin ARGIAkoa

Gizartea Ingurumena Politika Ekonomia Kultura Euskara Feminismoa Hezkuntza Nazioartea Iritzia

astelehena 2024ko azaroaren 25ean

Gazteak Lanerako Gogoz

2021eko uztailaren 28an

Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

"Jarrai" taldeari elkarrizketa

"Jarrai"koek kongresua egin dute
Gazteak Lanerako Gogoz
«Poz haundiaren garaian» gazte erakundeek indar haundia izan bazuten, talde eta sigla ugari sortuz, ondo bakanak geratu dira. Azkenaldian «Jarrai» taldea entzuten da puska bat, EGI ere berriz aditzen hasiak direlarik.
Nolanahi, gazte batzuk erakunde bat egiten eta beste gazte guztiengan inzidentzia bat eduki nahiz... ongi baloratzeko errealitatea da. Jarraikoekin erabat ados ez datorren hainbatek ere arretaz erreparatuko die. Kontsumoak bere olagarro-besoak gehiago eta hobeto luzatzen dituenean, gazteek badute meriturik.
Hegoaldeko lau herrialdetako delegatuak bildu gara. DeLateetan parte hartze bat egon da, eta garbi geratu da militantziak bazuela horrelako zerbaiten gogoa. Jendea lan egiteko gogoz aritu da, ordu asko hartu dituzten eztabaidetan.
ARGIA.–Zuen arteko edadea non jarriko genuke, hogeiren bat urtetan edo?
JARRAI.–Ez dakit, hemeretzi batean? Hamasei urtetatik hasi eta inguru horretarainokoak.
A.–Zergatik galdetzen nizuen hori, halako erreflejo bat badago gure artean, alegia "Juventudes Socialistas" eta horrelakoetan askotan idazkariak eta 25 urtetakoak igoal izaten direla.
J.–Gehienek hemezortzi eta hemeretzi urtetakoak, hogei urtetik gorakoren batzuk ere izan arren.
A.–Eta zer moduzko giroan egin duzue kongresoa. Ea enmienda asko izan diren ala gutxi edo...
J.–Izan dira enmiendak, bai, batez ere drogaren arazoaren inguruan eta delinkuentziarenean. Linea politikoaren sarrerari ere jarri zitzaizkion batzuk, baina ponentearen argitasunen ondoren erretiratu egin zituzten. Ez... eztabaida interesgarriak izan ziren, adibidez ponentzia politikoaren kasuan gauza garrantzizkoak diskutitu, nazio eta sozial askatasunaren inguruan-eta.
A.–Zuek KASen barrnan kokatzen zarete argi eta garbi.
J.–Bai, orain Jarrai mugimenduan gabiltzanotatik batzu garai bateko Euskadiko gazteria Abertzalearen Mugimendutik (EGAM) edo Gazteria Abertzale Iraultzailetik (GAI) gatoz. Beste batzuk berriz «Club Juvenil>> eta horrelakoetan ibiliak dira. Klarifikazio bat behar zen eta hori KASek ematen digu, horrela gazteen problematika Euskal Herriaren zapalkuntzaren barruan globalizatzen bait da.
A.–Eta kokatzen zareten inguru horretan klandestino edo erdi-klandestino zabiltzatela konturatuko zarete noski.
J.-- Dena dela. piskanaka konfiantza hartu dugu. Baina beti daukazu errepresioaren zera hori. Beldurra galtzen joango gara gazte mailan indarra hartzen dugun neurrian, organizazioa sendotzen dugun neurrian.
A.–Kongresuan eztabsidotu dituzuen ponentziei helduko diegu besterik gabe, ezta? Lehenengoa Ocio edo Aisia eta denbora librearen arazoa aztertzen duena zen.
J.–Hor ikusten dugu burgesia espainolak nahi duena gazte euskalduna desnazionalizatzea dela, gure nortasun eta kultura propioak gal ditzagula. Ozio kontsumistak gaur egun lortu nahi duena da gure kultura propioa kendu eta beste bat ezartzea. Hori beste alde batzutan ere zertzen da, gazteari kreatibitatea kentzean, neurri guztietan, parte hartzca galerazten zaio, kapitalak era berean kristoren benefizioak ateratzen dituen bitartean gaztearen kontura. Gazteen asoziazionismoa bultzatu nahi genuke.
A.–Aisiaren gora behera hori ez zen lehen hainbeste eztabsidetzen gazte mugimenduan. Zer gertatu da, langabeziak indartu al du behar bada arazo hori?
J.–Langabezian daudenen kasu zehatza ere aztertu da, ordu libre gehiago delako eta abar. Baina ideologikoki ere aztertu dugu, desnazionalizatzearen aldetik, ea nola ulertu behar dugun ozio hori, irtenbide kreatibo bezala. Eztabaidak izan dira gizarte sozialista batean denbora librea nola enfokatuko denaz-eta, lanaren balorapena ere orduan ez dela berdina izango, gizakia libre izango denean... baina puntu horiek estrategiko mailan geratzen dira.
A.–Baina Jarraiko militanteentzat nola erlazionatzen dira desnazionalizatzea eta denbora librearen problematika?
J.–Ordu libre horietarako, aste guztiko tentsioa arintzeko, gauza oso zehatzak eskaintzen dizkigu sistemak, diskotekak kasu baterako. kontsumismoa alde guztietatik... eta irtenbide horiek ez dira gure kultura bultzatuko dutenak. alderantziz, askotan ebaki egiten dute.
Hori drogaren arazoan ere ikusten da. Droga berriek kultura berri bat dakarte, eta iraultzaren prozesuan muga bat ezartzen dute, frenu bat. Aisiaren arazo hau biltzeko bi gauza esan beharko lirateke: kreatibitatea deusexten duela gaur egun dugun modeloak eta irtenbidea gure kultura nazionala berreskuratzeko lanean dagoela.
A.–Drogaren puntua ikutu duzu, "droga berriak" aipatuz. Eta horretaz ponentzia oso bat zenuten. Gogoratzen gara denok nola orain dela gatxi "droga bigunen legeztatzea" eskatzen zela gazte mugimenduen kongresuetan. Zuek orain drogaren azterketa egiten duzue aldiz.
J.–Drogaren analisia ikuspegi kolektibo batetik egin behar da, ezin du bakoitzak bere aldetik jokatu, askoz ere esanahi sakonagoa bait du. Gizarte bat deuseztatu nahi du, jendearengan egon daitekeen kontzientzia ezabatuz. Alde batetik ebasio bezala ematen da drogaren fenomenoa baina beste aldetik helburu politiko batzuk ditu.
Droga batzuen azterketa arrazoi batengatik egiten genuen, alkoola droga dela badakigu baina gizarte batek nolabait asumitu duela ikusten dugu, kultura hori askotan aski difusoa bada ere. Alkoola beste herri batzuetan sartu egin dute kanpotik, hemen ere funtzio hori agian beteko zuen baina gaur egun nahiko asimilatua dago. Dena dela ere, oraingo droga berriek oso esanahi ezberdina dute.
Despenalizazioaren gorabeheran ez gara sartzen. Ez dugu uste hemen dagoenik gure esijentziak bide horietatik sartzeko hainako demokraziarik. Gainera, drogaren kontsumoa despenalizatua dago.
A. Horretaz erabaki zehatzik hartu al duzue? Gauza bat bait da teoriatan-eta aritzea eta beste bat oso ezberdina neurri konkretuak hartzea.
J.–Estrainekoa, epe laburrera, drogaren mendera etorri den jendeari lagundu, DEE bezalakoak, holako elkarteak, kontzientzia lan on bat egin,... Hau da, ideologia mailan borrokatu batetik. Bestetik, lanean ari diren erakunde kontsekuenteei lagundu. Eta baita, burgesiak erabiltzen duen-moral bikoitza salatu, beste drogekin, tabakoarekin, alkoolarekin eta farmakoekin egiten dituen irabazi ikaragarriak. Komisaldegietan eta kartzeletan drogatuei ematen zaien tratua salatu. Auzo eta herrietan gazte asanbladak sortzca ere bai.
A.–Baina eztabaidak izango zenituzten.
J. - Bai, baina klarifikatzea zen azken finean gauza. Alegia, batek igoal esaten zizula <<.hi, nik ere erretzen diat baina prozesuan parte hartu nahi diat>> eta neurri pertsonalean planteiatzen zen eztabaida. Baina azkenean jendeak ulertu du arazoa globalizatu egin behar dela, problema oso latza dela Euskal Herri mailan, eta heroinarako pausoa berehala ematen dela. estadistikek erakusten duten bezala. Jendeak ulertu du fenomenoak atzetik gauza asko dakarrela, sistemak bere kontraesanen tapaki gisa erabiltzen duela, delinkuentzia bezala. Ebasio bezala, istiluak estaltzeko. Eta gainera gure artean helburu politikoa gogorragoa du.
A.–Delinkuentzia eztabaidatu duzue beste ponentzia batean.
J.–Delinkuentziarekin beste hainbeste gertatzen da, sistemak bere zikinkeria estaltzeko erabiltzen duela. Injustizi egoera batetik partitzen da, eta sistemak ere bere funtzionamenduaren akatsak-justifikatzeko aitzakitzat hartzen du. Hala ere esan beharra dago delinkuentearen jarrera insolidarioa dela, inongo kontzientziarik ez du. Hala ere, nahiz eta delinkuentziarekin ados ez gauden, ulertzen dugu bere sustraiak gizartearen egoeran dituela. Sistema justiziagabea gaindituz goazen neurrian delinkuentzia gainditzea ere posible izango da. Hiri handietan ematen den jende pilatzea, etxe kaxkarretan, askok sekula zuhaitz bat ere ikusten ez dutela.... hori sortzea normala da.
Epe laburrera irtenbide posible batzuk ikusi dira, tailerrak eta beste. baina ez karitatezko laguntzak. Inportantea jende hori berreskuratzea da, baina beti petatxuak jartzca izanen da holako edozein politika. «Txorizo» handienak oligarkak bait dira,
A.–Zuen belaunaldikoei dudarik gabe aurreagokoei baino gehiago egokitu zaizue "txorizo" eta "kinki" jendearekin bizi beharra. Posible al da horiekin ezer lortzerik?
J.–Drogazaleekin ere oso zail da lan egitea, baina zerbait egin litekeela iruditzen zaigu. Delinkunteena zailagoa da. Delinkuentea erabat insolidarioa da, bizi duen egoeragatik kapaz da bere lagunik handiena saltzeko, kontsumoan erabat sartuta bizi da, eta moto handi bat nahi du edo... horretara doa. gero eta gehiago nahi du, horretan sartua bizi da. Jende horrekin zer eginik ez dago. Baina hala ere ahal duguna egiten saiatuko gara. Dena dela, garbi dago helburua gizarte hau aldatzea dela.
A.–Horretan ere azken garaian ideiak puska but aldatu dira. Lehen makina bat bider entzun dugu, beren modura baina horiek ere sistemaren kontra ari direla eta abar.
J. Planteamendu horiek agertu ziren, bai. Nahiz eta konsziente ez izan inkonszienteki sistemaren kontra ari direla alegia. Baina ez da hori delinkuentearen mundua, gehienetan behinik behin. Gustora sentitzen da sisteman bere helburuak lortzeko jendearen aurka joan arren sistema dagoenean onartzen du.
A.–Laugarren ponentzia zuen kongresuan linea politikoarena zen.
J.–Linea politikoaren ponentzia izan da kongresuaren ardatza, horren inguruan aztertu bait dira beste gaiak ere. Hasteko. militanteen erakunde hat izango da. Izan dira aurretik bestelako esperientziak ere, denak biltzeko antolaketa bat egin nahi izan eta jendea etengabe sartu eta atera. Orain organizazioa sendotu dugu. Hegoalde osoan Jarrai-ren presentzia ezarrita dago, eta militanteen formazioa osatzea da gure lana eta nolabait lan konkretuetan sartzea. Gazte elkarteak-eta bultzatu. Baina Jarrai-n sartuko dena gazte mailan lan egingo duena izango da, beste gaiak utzi eta lan oinarrizkoa hor zentratuko du. herrian bezala eskolan.
A.–Bai, askotan izan dira kexu gazteak ezker abertzalean, beti eskulan bezala erabili dituztela.
J.–Hori neurri batean egia dela aitortu beharra dago. Hasten zinen zure lana egiten, zure lan zehatz eta berezia. buina berehala sortzen zitzaizkizun beste gauzak albotik: hauteskundeak direla. Kanpainak, kartelak ipini beharra. eta abar. Esan behar da hala ere gure aldetik gauzak egin ditugula: soldaduskaren kontrako kanpaina, gazte asanbladak sortzen egin den lana, ikasle dinamika sortzekoa... Orain hau da azkartu nahi duguna, horretara zentratuz.
A.–Gazte magimendu guztiei jartzen zale beti problema bera begien aurrean: talde politiko batekiko dependentzia-independentzia. Ba al duzue autonomiarik Jarrai bezala lan egiteko?
J.–KAS blokeko indar eta erakunde guztiek onartu dute bakoitzak bloke barruan dituen funtzio eta betebeharrak. Hor garbi gelditzen da gure lana gazte mailakoa dela. Eta borroka sektorial horretan gure erabakiak direla balio dutenak, erabakiak gureak dira erabat.
Orain politiko aldetik beste abangoardia batzuk badaude, gazte mailan abangoardia gu garen bezala. Baina erabakietan ez daukagu inorenganako menpekotasunik. Linea politikoaren ponentzian esaten zen gainera orain arte egin ditugun lan asko, gestoretakoak eta, alde batera utzi beharko ditugula gazteen problematikari ongi erantzun ahal izateko.
- Euskararen puntua beti eztabaidagai holako kongresuetan. Nola tratatu duzue?
- Tratatu da, bai, eta erabaki bat izan da aklamazioz onartu dena. Euskarakak jasaten duen egoeraren azterketa gin dugu eta erabaki oso hurbilekoak hartu. Sei hilabeteko epea jarri dugu, ikasten ari direnak gogorrago landu dezaten eta oraindik hasi ez diak hasi daitezen, sakonki. Hemen sei hilabetera errepaso bat egingo ea erabakiak betetzen ari direnentz ikusteko. Aldi berean, propaganda aldetik ere euskara gehiago baloratu beharra dudarik gabe ikusi da, asko bi hizkuntzetan berdin jarrita jen.deak erdarazkoa irakurtzen bait du. Kongresuan bertan euskarak nahiko presentzia izan du.
Zuek ari zarete lanean, baina sistema ere gero eta hobeto ari da, leku guztietara iristen da. Ez al daukazue halako irukipen bat dena hartzen ari duela, kontra egiteko espaziorik ikusten al duzue?, kontra egiteko espaziorik ikusten al duzue?
J.–Neurri batean dena zirkulo batean dator. ezta? Ofentsiba gogorra izan arren, betidanik datorrena bestalde. askotan aipatzen duguna. alegia kontsumoak dena jaten duela-eta, ofentsiba politikoa da azken finean. Badakite euskal kontzientzia galtzen dugun neurrian gure iniziatiba eta kreatibitatea bukatu direla.
Helburu haundi horiek ordea; euskal nazioa eta euskal kultura eta abar, zenbait jenderekin ezin dituzu aipatu ere egin askotan. Hala ere, zintzilik ez dagoen beste jende batekin, «zintzilik» dauden zenbaitekin ere bai, kasu batzuetan, jende horrekin lan egin dezakegu neurri batean. Herri batean dauden arazo konkretuetan guk ere sartu behar dugu, hasieran begiratuta gauza txikiak edo garrantzirik gabekoak iruditu arren. Gure helburu haundiekin batzuengana helduko gara. baina beste gauza apal horietatik abiatuz zabalago ere iritsi gaitezke.
A.–Ez dakit zerbait utzi dugun aipatu gabe.
J.–Bueno, batetik errepikatzea epe laburrera nondik joko dugun. Alegia, gazte etxeetan. eta eskoletan eta abar kontzientziatze eta ekintza lanean saiatuko garela. Barrura begira, gure formazioa sakondu, bai politiko aldetik eta bai gauzak aztertzeko kapazidade aldetik. Kanpora begira, arazo konkretuetatik partituz gazte taldeak gureganatzeko lana egiten dugula.
Bigarrenik, oso aberasgarria izan da guretzat beste naziotako gazte mugimenduak ezagutzea, haien ordezkarien bidez. Galegoak, katalanak, korsoak. irlandesak, palestinarrak, txilenoak. Salvadortarrak... guretzat interes handikoak diren taldeak.
I.ZUBIONDO
4-7

GaiezPolitikaEuskal HerrTaldeakGazteakJarrai2
EgileezUBIONDO1Politika

Irakurrienak

Matomo erabiliz

“Mugikor tentelen” demanda hazi da, deskonexioa helburu

Mikel Garcia

A-25: mugimendu feministak gizonei dei egin die konplizitatea eta justifikazioa desagerrarazteko konpromisoa hartzera

ARGIA

Hurritza astindu nahi dutenak

Gorka Bereziartua

“Irtenbidea Polizia kopurua handitzea balitz, arazoa jadanik konponduta legoke”

Zigor Olabarria Oleaga

Euskarazko esamoldeak baloratzen lagundu online galdetegi honetan

Sustatu

Efemeridea: Sarako biztanleak deportatzea planteatzen hasi ziren Frantziako agintariak

ARGIA

Azkenak

2024-11-25 | Euskal Irratiak

Alokairuak mugatzeko legea indarrean jada, Lapurdiko 24 herritan

Alokairuen bidezko espekulazioa oztopatzeko neurria azaroaren 25etik goiti izanen da indarrean Ipar Euskal Herrian. Momentuko, tentsiopean diren Lapurdiko 24 herriei eraginen die: Ahetze, Angelu, Arbona, Arrangoitze, Azkaine, Basusarri, Baiona, Biarritz, Bidarte, Biriatu,... [+]

2024-11-25 | Gorka Peñagarikano Goikoetxea

'Superbotereak' liburua

Eskola-proiektuak izango dira mintzagai asteazkenean, Larraulen

Larraulgo eskolan da hitzordua, azaroaren 27an, 17:30ean. 'Superbotereak' liburuaren egile Koldo Rabadan ez ezik, hitzaurrea idatzi duen Nora Salbotx eta hainbat kide izango dira mahaiaren bueltan: Ainhoa Azpirotz (Hik Hasi-ko koordinatzailea), Irati Manzisidor... [+]

2024-11-25 | Haritz Pascual Garjon | Euskalerria irratia

Lan istripu hilgarrien gaineko datuak estaltzea leporatu dio LABek Nafarroako Gobernuari

Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.

2024-11-25 | ARGIA

Nazio auzia “erdigunean” ipintzeko eskatu du EH Bilduk, “jauzi” bat egin eta estatusaren eztabaida abiatzeko

Jendetza elkartu da Bilboko Casillatik abiatu den manifestazioan, Nazioa gara aldarrikatzeko. Buruan, EH Bilduko Mahai Politikoko kideak joan dira, eta atzeraxeagotik jarraitu diote ERC, BNG, CUP, Compromis eta Mes Per Mallorca alderdietako kideek. Ikurrinak, Nafarroako ikurrak... [+]

2024-11-25 | Gorka Peñagarikano Goikoetxea

Gobernuarekin kritiko den ‘Haaretz’ egunkaria itotzeko neurriak hartu ditu Israelek, hura desagerraraztea helburu

Egunkariaren editoreak egindako adierazpen batzuen harira hartu du neurria Israelgo Gobernuak. "Netanyahuren erregimena krudela da eta apartheid-a ari da egiten", esan zuen Amos Shocken editoreak Londresen emandako hitzaldi batean, duela hilabete.

2024-11-25 | Jon Torner Zabala

EHUko errektoretzarako bozketaren atarian

Bengoetxeak eskatu du Ferreiraren hautagaitzaren “jardunbide irregularrak” ikertzeko

Asteartean, hilak 26, egingo dira EHUko errektoretzarako hauteskundeak. Kanpaina nahasia izaten ari da, eta, horren erakusgarri, Joxerramon Bengoetxearen taldeak eskatu izana "ustez Eva Ferreiraren hautagaitzako pertsonek edo ingurukoek egindako ekintzak eta kanpainako... [+]

2024-11-25 | Leire Ibar

Fronte Zabala itzuliko da boterera Uruguain, bost urteren ostean

95.000 botogatik gailendu da Fronte Zabala azaroaren 24an eginiko hauteskundeetan. Yamandu Orsi izango da Uruguaiko hurrengo presidentea, Álvaro Delgado eskuineko Alderdi Nazionaleko presidentegaiari aurre hartuta.

2024-11-25 | Ahotsa.info

Mikel Zabalza auzia argitzeko eskariarekin jarraituko du familiak

MULTIMEDIA - Albistea

2024-11-25 | Bertsozale.eus

Alaia Martin Etxebestek irabazi du Zarauzko finalaurrekoa

Finalerako pase zuzena eskuratu du Martinek, finalaurrekoa irabaztearekin bat. Azken finalaurrekoa datorren igandean jokatuko da, Arrasaten, eta orduan osatuko da finala.

2024-11-25 | Gorka Bereziartua Mitxelena

Hurritza astindu nahi dutenak

2024-11-25 | Marije Etxebarria Ezpeleta | Ana Perez | Steilas sindikatua

Gure gorputza gudu zelai bat da

Azaroaren 25ean, Indarkeria Matxistaren Aurkako Nazioarteko Egunean, Steilas sindikatuko Idazkaritza Feministak kartel bat argitaratu du: Gure gorputza gudu zelai bat da du leloa, eta Hego Euskal Herriko ikastetxe guztiek jaso dute. Gatazka armatuetan emakumeek eta adingabeek... [+]

2024-11-25 | Zigor Olabarria Oleaga

“Irtenbidea Polizia kopurua handitzea balitz, arazoa jadanik konponduta legoke”

Azken asteetan albiste izan da Gasteizko Errota auzoa, urriaren 8az geroztik delinkuentziaren aurkako eta segurtasunaren aldeko mobilizazioak egiten baitituzte zenbait auzokidek asteartero, bi lonja huts okupatu zituzten gazte migratzaile batzuk jo-puntuan jarrita. Inguruan... [+]

2024-11-25 | ARGIA

A-25: mugimendu feministak gizonei dei egin die konplizitatea eta justifikazioa desagerrarazteko konpromisoa hartzera

Azaroak 25 Indarkeria Matxistaren Aurkako Nazioarteko Eguna da. Mugimendu feministak Bilbo, Iruñea, Gasteiz, Donostia eta Baionan mobilizazioak egingo ditu. Mugimenduak argitaratu duen manifestuan, 2024an Euskal Herrian eraildako bost emakumeak gogoratu dituzte. Aurtengo... [+]

2024-11-25 | Mikel Garcia Idiakez

“Mugikor tentelen” demanda hazi da, deskonexioa helburu

2024-11-25 | Amaia Diaz de Monasterioguren Osinaga

Udazkena agurtzen negua besarkatzeko

Abenduak hostoen kolore marroia dauka: lurrean, intxaurrondo biluziaren azpian, geratu diren hostoena. Intxaurrondoak bukatu du bere zikloa. Atseden hartzera doa: zuztarrak indartuz, elikatuz, nutritzea du helburu. Barrura begira, barrenak osatzeko garaian dago, orain arte egin... [+]

Eguneraketa berriak daude