Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
asteazkena 2025eko urtarrilaren 08an
Itsasoa, Haizea, Eta; Itsas-Ontziaren Bidez; Biziera Berri Baten Bila
Betidanik, eta zer esanik ez azken urte hauetan, gizarteak inposatzen digun biziera formula hausteko, irtenbide bila jende asko dabil. Batzu pertsonal mailan, beste batzu talde gisara, bainan denak biziera atseginago baten bila, monotonia eta aspergarritasunetik alde eginaz. Asko dira baserri mundua aukeratzen dutenak, beste batzu mendian edo munduan zehar trekinak edo bidaiak antolatuz. Euskal Herrian eta mundu horretan ezagunak dira adibidez "Nairobitarra" egin zutenak. Beste asko daude hain ezagunak ez direnak, bainan hor daudenak. Beste kaso bat, Lacabekoak...
Oraingo honetan itsasoaz, haizeaz, ela ontziaz baliaturik. biziari alternatiba berri bat eman nahi dion hirukote batengana jo dugu. Hauen asmoa ez da nola nahikoa, kriston ontzia egin eta hasteko Magallanes eta Elkanok egindako bidaia, berriz egitea...
Hasiera batean lau baziren ere, une honetan hiru bakarrik geratzen dira. Gaur egun batek lan egiten du Lekeition, batez ere jan ahal izateko, eta beste biak bitartean jadanik daukaten materialaren bidez egunero ontzian lan egiten dute. Bata Asturiaskoa da, bestea Soriakoa, eta hirugarrena, neska, Iruñeakoa. Joan den martxoan etorri ziren Lekeitiora, eta bertan Isauntza Ontzi-olan lanean hasi ziren. Harrigarria baldin bada ere, hiru muturretan zeuden pertsona hauek helburu bakar batek bildu ditu, bata Soriakoa zen, bestea bertara ikastera joana, eta bestea lehenengoa bezala piraguista, eta beraz kirol honen mundu ingurnan ezagutu ziren.
Hirukote hau Hasieran Lekeitiora iritsi zenean, itsasoarekin zer ikusirik ez zuen eta gainera, munduari buelta emateko ontzi bat, beraiek bere eskuz egiteko asmoz, jendea nahiko ezeptikoa jarri zen beraiekiko. Ez ote ziren izango azken orduko moderno txepel horietako batzu? Beraiek esan zigutenez, Lekeition arrantzaleak beraien artean apostutan ibiltzen ziren ontzia egingo zen ala ez...
Isauntza Ontzi-olara joanez gero, oso aurreratua dagoen ontzi hau ikus daiteke, eta egun, Lekeitio mailan ondo ikusirik daudela esan daiteke, batez ere lan egiten ari direla garbi utzi dutelako, eta egiten ari diren lana ona delako. Egia esan aldizkari, eta telebistan atera izan dira ere, eta beraiek esan digutenez, bazkal ondoko mahai inguru batean baino gehiagotan, bere proiektoari buruz luzaz hitzegiten da. Herri mailan jende xeheak eman diezaiekeen laguntza guztia ematen dio.
Ontzia egiteko proiekto hau duela lau urte finkatu zen. Magallanes eta Elkanok egin zuten munduaren buelta berriz egitea, beranduago sortu zen idea izan zen. Ontzia egiteko proiekto hau, batez ere bizitzari alternatiba berri bat ematean oinarritzen da. Garai hartan ez zuten ez dirurik, ez mediorik, ezer ez. Orduan lanean hasteko erabakia hartu zuten, eta era berean irabazten zuten guztia ontzi hau egiteko behar zen zuran inbertitzen hastea. Gehiegi irabazten ez zutenez, bizitza normalean hartzen diren bakazio eta egiten diren "eztra" guztiak bukatu zitzaizkien, dena zura erosteko erabiltzen zuten. Era berean inoiz baino lan gehiago egiten ere hasi ziren. Zurarekin batera, zura moldatzeko behar zuten oinarrizko tresneria ere erosten hasi ziren. Zura lortu bezain laister, tresnen bidez, oraindik non montatu ez zutenean, piezak egiten hasi ziren, batez ere pieza nagusiak: gila, erroda, kodasta, e.a.... Lekeitora etortzerako, pieza guzti hauek moztuta ekarri zituzten, eta montatzen hasi.
Gauza guztietan bezala, dirua, diru madarikatua, beraiek dioten bezala falta zaie, eta gaur, dirua edukiko balute, ontzia hilabete batean uretan jartzeko aukera edukiko lukete, bainan orain arte bezala jarraituaz, urte bat. Gero azken zehaztasunak bakarrik egin beharko lituzkete.
Proiekto honek lau urtetako lanaren balioa du, eta benetan oso zaila da diruz kuantifikatzea, ia dena, beraiek egiten bait dute. Halaz ere injeniero batengana joanez gero, berak planoak egin, eta ondoren ontzi-ola bat egingo balu, 100 milioi bat balioko lukeela esan ziguten. Berak enborra erosten dute, eta beraiek pieza egin eta montatu,... Planoak ere beraiek egin dituzte, eta gero onartarazi.
Zabaldu da planoak lehengo ontzi baten kopia direla, hau da liburutatik ateratako plano bat. Ez da egia, joan den mendeko "Goleta" baten kutsukoa duela egia da, bainan Estebanek diseinatu du. Ondoren Pasaiako injeniero baten izenpetu zuen, kobratuz noski. Gero injeniero eskolak onartu zuen, eta hor dago martxan.
Hirukote honek, diru premia haundia du, eta nahiz eta eskatu, eta karta pertsonalak bidali ez dute inondik oraingoz diru-laguntza seriorik jaso. Harrigarritzat jotzen dute, eta jotzen dugu, Lekeition ontzi bat egiten ibili ondoren munduan egon den bidairik famatuenetako bat berriz ere egiteko asmoa eduki, bidai hau euskaldunak egin zuten Magallanes eta Getariarra zen Elkano-k, eta Euskal Herriko instituzioen aldetik ere ezer. ez laguntzea. Estatuak ere ez die inolako laguntzarik ematen. Gure buruari honen arrazoiak galdetzean, galdera batzu datozkigu burura, bi euskaldunak ez direlako? Eusko Jaurlaritzaren izenean egiten ez dutelako? Denok dakigun alderdi baten izenean, edo alderdikideak ez direlako?... Ez dakigu zein izan daiteken arrazoia, bainan gure ustez, Donostiako hipodromoari diru laguntza ematen baldin bazaio horrelako esperientzia bati zergatik ez?
Beraiek diotenez, jende xehearen laguntza jaso, eta jasotzen ari dira. Publizitate etxeekin hitzegin dute, beraiek publizitatea egiteko prest bait daude, bainan ez dute inolako erantzunik jaso. Aipagarri diren laguntza hauek lirateke, Adibidez, Muerlaga Ontzi-olakoak tresneria eta zura batzuetan ere uzten diote, eta Solanotarrek, duela bost urte utzirik zuten Isuntza Ontzi-ola utzi diote, bertan ontzia egin dezaten. Beraien ustez arazoa orain planteatzen zaie, ontzia bukatu ondoren; beraien ustez mila eskakizun jasoko bait dituzte mila gauzatarako, adibidez, jadanik jaso dute zine-produktora baten eskakizuna, eta.oraindik ontzia ez dute ezta bukatu ere.
Beste aldetik horrelako idea bat martxan jartzeko, diruaz aparte ere, badaude beste arazo batzu, arazo legalak hain zuzen. Kasu konkreto honetan, bai ontzia egiteko, eta baita gidafzeko ere traba legal batzu gainditu beharrezkoak dira. Gidatzeko, norbaitek jate-kapitaina derrigorrez izan behar du, eta hirukote honen partaiderik ez da jate-kapitaina. Beste arazoetako bat zera da, ontzia egin baino lehenago planoak egin beharra daude, eta gero injeniero batek izenpetu, ondoren injeniero eskolak onartu eta abar...
Ontziak beti klasifikatu egiten dira, eta derrigorrez ontzi sailketa hortan sartu behar du, hauek egiten ari direna, jurisdizio espainolean ez du inolako legerik, eta,Madrid-eko komandantzian bi aukera eman zizkioten, 5. lista, Luxoskoa, edo 4. listan, pasajeroena. Pasajeroenean salbamentozko ikaragarrizko neurriak jarri arazten dizkizute, eta ikaragarrizko kostoa da. 5. lista, Luxozkoetan, "haziendak" ontzia baloratu ondoren, honen % 22a zerga moduan ordaintzea inposatzen du, kaso honetan 100 miloietan ontzia baloratua badago atera kontuak...
Ontziak ez du inongo baimenarik, bainan denak martxan dagoela badakite. eta noizbait, formula berezien bat aurkituko dutelakoan daude, ikerkuntza, edo delakoa...
Hamaika hilabetez asto moduan, eta gusto txarrez lanean ibili, gero hilabete bat edo bi ondo pasatzeko absurdoa da, edo bost egun lanean ibiliz gero aste burua libre edukitzeko... ez da batere atsegina.
Irakurrienak
Matomo erabiliz
#1
#2
#3
Garazi Zabaleta
#5
Gorka Bereziartua
Azkenak
2025-01-08
Leire Ibar
60 urte bete ditu Larrabetzuko Hori Bai gaztetxeak, Euskal Herriko zaharrena
1965ean sortu zen Larrabetzuko Hori Bai gaztetxea, frankismo garai betean. Ordutik ez ditu ateak itxi, eta 2025ean 60 urte bete ditu. “60 urte lotu barik” lelopean eman diote hasiera urteurrenari gaztetxeko kideek.
2025-01-08
Mikel Garcia Idiakez
Irakasle baten klaseetatik seme-alabak ateratzea erabaki dute Atarrabian: “Izuak jota ditu haurrak”
Irakasle hau egokitzen zaielarik, 6-9 urteko haurrengan beldurra, amesgaiztoak, antsietatea, negarra… orokortzen direla salatu dute Atarrabiako Atargi ikastetxeko gurasoek. Urtetako arazoa konpontzen ez dela-eta, haren klaseei planto egitea erabaki dute. Guraso elkarteko... [+]
2025-01-08
Julene Flamarique
Urteko lehen langile hila, Alaves-Baskoniaren egoitza eraikitzeko lanetan
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
2025-01-07
Julene Flamarique
Itxiera mehatxua gainean dutela itzuli dira lanera Ezkirotzeko BSHko langileak, ostiraleko bileraren zain
Abenduaren 16an iragarri zuen multinazionalak Nafarroako lantegiaren itxiera. Ekoizpenari “normaltasunez” ekitea eskatu die langileei Ezkirotzeko zuzendaritzak, baina sindikatuek “ezinezkotzat” jo dute. Lan Ministerioak bilera deitu du ostiralerako... [+]
2025-01-07
Gorka Peñagarikano Goikoetxea
Gazteen soldata %10 igo den bitartean, prezioak %31 garestitu dira 2010etik
Araba, Bizkaia eta Gipuzkoan, 18 eta 34 urte bitarteko gazte soldatadunen hileko batez bestekoak lehenbiziko aldiz gainditu du 1.500 euroko langa. 2010arekin alderatuta, ordea, 142 euro besterik ez da igo.
2025-01-07
Leire Ibar
‘Behin betiko’ lelopean egingo du Sarek urtarrilaren 11n Bilboko manifestazio nazionala
Konponbide prozesuari eta etxeratze prozesuari behin betiko amaiera emateko aldarrikatuko dute, eta euskal preso behin betiko etxean nahi dituztela. Laguntza ekonomikoa jasotzeko Bizumkada Nazionala ekimena jarri dute martxan.
2025-01-07
ARGIA
Robert Hirigoien hil da, Herri Urratsen sortzaileetakoa
Urtarrilaren 4an hil zen Robert Hirigoien euskaltzalea (Larresoro, Lapurdi, 1944). Ostegunean eskainiko diote azken agurra, jaioterrian (10:00etan). Herri Urrats festaren sortzaileetako bat izan zen, baita Lapurtarren Biltzarrarena, Kanboko ikastolarena eta euskara eta euskal... [+]
.jpg)
2025-01-07
Leire Ibar
Baztango Batzar Nagusiak elkartasuna adierazi die Aroztegiko obra gelditzeagatik auzipetutako zazpi herritarrei
Aroztegiko auzipetuei elkartasuna adierazi eta absoluzioa eskatzeko mozio bat onartu du Baztango Batzar Nagusiak. Urtarrilaren 2an egindako bileran, mozioaren aldeko bozketan aldeko 25 bozka, kontrako bi eta hiru abstentzio izan dira.
2025-01-07
Gorka Peñagarikano Goikoetxea
Ultraeskuinari proposatu diote gobernua osatzeko Austrian, hesia ezarri ziezaioketen arren
Irailean egin ziren hauteskundeak eta aise nagusitu zen FPÖ alderdia, botoen ia %30 eskuratuta. Bazen aukera ultraeskuinari hesia ipintzeko, baina ez dira ados ipini demokristauak eta sozialdemokratak.
Laborantza bozen usaina
Berriz hasi dira laborarien manifestaldiak frantses estatu guzian. Sindikatu desberdinek aldarrikapenak hedatzen badituzte ere, entzun den lehena eta komunikabide nagusietan gomit izan dena, FNSEA "nagusia" izan da. Zer du saltzeko? Gezur andana bat ahal bezainbat boz... [+]
2025-01-07
Jon Torner Zabala
Autobus zerbitzua zabaldu dute Ipar Euskal Herrian, mugikortasuna hobetzea helburu
Urtarrilaren 6az geroztik autobus linea berriak daude Zuberoan, Nafarroa Beherean eta Lapurdin. Halaber, zerbitzuen maiztasuna ere hobetu da, Euskal Hirigune Elkargoko Mugikortasun Sindikatuak eta RATP konpainiak elkarlanean bultzatutako egitasmoari esker. Bestetik, 12 urtez... [+]
.jpg)
2025-01-07
Leire Ibar
Barakaldoko hilketa matxista salatzeko asteartean mobilizazioak antolatu dituzte
84 urteko andrea erail zuen bere semeak urtarrilaren 3an euren etxebizitzan. Kolpeka hil zuela azaldu dute zenbait iturrik. Astearte arratsaldean egingo dira elkarretaratzeak Barakaldon eta Euskal Herriko lau hiriburutan.
2025-01-07
Gedar
Beste eraso arrazista bat Miarritzen
Uber gidari batek jasan zuen erasoa: bortizki jo eta irain arrazistak egin zizkion bezero gazte batek. Baionan eta Arrigorriagan ere izan dira eraso arrazistak berriki.
2025-01-07
Mikel Aramendi
ANALISIA
Itsasontzigintzaren itzal luzea ageri da Hego Koreako krisian
Hego Koreako krisia autoktonoa ala inportatua ote zen galdetzen nion neure buruari duela hilabete hura sutu zenean. Baretu ez baizik mindu egin denez auzia, batere argi ez dudan erantzunaren bila jarraitu beharko dugu. Geografikoki urrutiko kontua bada ere, oso gertuko ondorioak... [+]
Eguneraketa berriak daude