J.M. Otermin: «Euskarak Badu Bere Emisora»

J.M. Otermin, Euskadi Irratiko Zuzendariari elkarrizketa

Euskadi Irratiko Zuzendariarekin
J.M. Otermin: «Euskarak Badu Bere Emisora»
Euskadi irratiaren barnean J. M. Otermin da zuzendaritza lanak bere bizkar hartu dituena, eta harekin izan genuen elkarrizketa atsegin eta luze bat, alde batetatik zenbait datu biltzeko eta bestetik bere eritzi batzu jasotzeko. Eritzi horietatik guri interesgarrienak iruditu zaizkigunak gerturatu nahi izan dizkiogu irakurleari eta hemen doazkizue, beraz, aurretik esandako guztiaren osagarri direlakoan.
ARGIA.- Hamahiru orduz euskara hutsean ihardutea asko da dudarik gabe, orain arte behintzat ezagutzen ez zena. Zer suposatzen du zure eritziz horrelako projektu batek?
J. M. O.- Kontxo, behin eta berriz esan izan dudana, izugarrizko desafioa da hau bai guretzat eta bai entzuleentzat. Oraintxe ikusten ari gara benetan zer den irratia euskaraz egitea. Azken batetan, euskaldun izan nahi duen gizarte honetara zuzentzen gara eta hor sarritan ez dugu guk nahi genukeen oihartzunik sumatzen. Eta orduan, zalantzarik gabe, izugarrizko muga eta desafioa da nolabait gure euskal mundu txiki hau irratiz interesdun bihurtzea.
A.- Hor batez ere jendearen aldetik ikusten duzue problema?
J. M. O.- Ez nuke hori justu justu esan nahi. Izan ere, gehiago da irrati bat erabat euskaraz egiteko eragozpen ez dut esango baina zailtasun handiak bilatzen ditugula, batez ere interes apur batetako zerbait egin nahi badugu. Beti jende jakinetara, betikoetara jotzea, derrigortuta bait gaude, eta hori tristea da. Pentsa zer den ia beti jende berdinetara jo behar izatea. Nolabait mugaturik bait gaude behar beharrezkoa dugun korse honegatik. Korse honek mina ematen digulako baina jakin behar da gutxi gorabehera euskal irrati bat egiteko orduan mugaturik gaudela, muga jakinez eta Euskal Herriak berak jartzen dizkigula muga horiek.
A.- Orain arte beti aipatu izan da hamabi orduz euskara hutsez arituko den irratia guztion esperantza eta panazea balitz bezala. Hainbestarainokoa al da?
J. M. O.- Nik uste dut momentu honetan euskararentzat ez dagoela panazearik. Garai batetan, gutxi edo asko, beharbada infantilismo ugariz pentsatzen zen bada euskararen etorkizunari begira ikastolek behar zutela panazea eta beste zerbait gehiago izan. Ikusi dugu ezetz. Zenbaitek eskatzen du irratia behar dela. Nik oraintxe bertan esango nuke eta argi eta garbi daukat ez dela irratia izango, komunikabideak izango ez diren bezala. Azken batetan, panazea sorta bat izango da gurdi hau egunen batetan aurrera jarriko diguna. Mila resorte dira lanean jarri behar ditugunak, zerbait egin behar bada euskararen alde. Gurea, horren kontzientzia nabarmena dugu, resorte bat da eta horri bere grabetasuna eta bere transzendentzia eman nahi diogu baina ez gehiago.
A.- Kontutan harturik aurretik ia beste hogei emisora daudela Euskal Herrian, ez al dago pentsatzerik beste bat ipintzeko eremurik ez dagoela?
J. M. O.- Ikaragarri dago, irrati mordo bat dago, baina dena den euskarak behar zuen hau, euskara hutsean bizi nahi dutenentzat gutxienez aukera bat izatea. Ez nuke esango zentzu horretan bat gehiago garenik, baizik, kontxo, esan daiteke eta esan behar da euskarak bere emisora baduela. Ez dago esaterik gure ikuspegitik zortzi-bederati ziren eta orain bat gehiago; nire ustez euskararen barrutitik begiratuta esan behar da euskarak baduela bat gutxienez.
J. I.
26

GaiezKomunikabidIrratiaEuskadi irruzendariak
PertsonaiazOTERMIN1