Euskal Literatura Berriro Ere SUSAra, Edo Zer Ote Da Literatura?
2021eko uztailaren 28a
ARGlAkoek dei egin zigutenean biok batera ezetz esatea erabaki genuen, engantxada ederra, SUSAko pelma horiei elkarrizketa bat egitea. Ez balitz eskeini ziguten diruagatik ez genuke geure etxeko epeltasuna utziko. Bainan diru mordoa zen eta eskaratzeko putzua txalupan igarota SUSAkoak zeuden kafetegiruntz abiatu ginen. Izar gorritxo pare bat atera eta whisky litro erdi baten laguntzaz irentsi genituen. Jadanik martxa piska batekin magnetofoia entxufatu genuen, hori bai, belarrietan algodoizko tapoi ederrak generamatzan. Batak besterari hitza kentzen bi ordu luzez literaturaz besterik ez zuten hitzegin, izen arraroak, liburu ezezagunak (guretzat, noski). Batek harropuzki zioen zein idaztankera berria asmatu zuen eta beste bat idazmakina berri baten asmatzaile zela esatera iritsi zen. Tontakeri guzti horien ondoren, genituen bi kasetak amaitu zirenean, esan zituzten gauzarik interesgarrienak. Hizketan hasi baino lehen abisatzen ziguten: "bainan hau offtereckordh, e?». Eta guk irribarre maltzurra ezpainekin dibujatuz, «bai, bai, noski, je, je, ez larritu...».
Ondoren daukazue, ARGIAri off the record esandako guztiak irakurtzeko aukera!!!
"Gu ez gara idazle (izan nahi dugu), gure benetako pasioa ekonomia da, ekonomia eta elektrogailuak" esan zigun batek sakeletik SUSA-sei atereaz. «Ikusi, ikusi zein ederra den azken katxarroa, ez dira bilera gutxi izan honen kostoa, distribuzioa...". Beste batek moztu eta zuzendu zion honi: «distribuzioa ez, BANAKETA'' eta hitz horren egokitasunari buruzko eztabaida luzean murgildu ziren.
Eztabaida amaitzerakoan, eta oraindik han ginela konturatu zirenean, jarraitu zuten deklarazio programatikoak egiten: "Eta kostoa? eta itxura? zein katxarro polita eta merkea!"
Hainbeste txorakeriren ondoren eta ia aldegitea erabakirik geneukanean konfidentzi bat egin ziguten, «Badakizue, azken SUSAn agertzen den ipuin horretan, "Tiro bat besterik ez'' izena duen horretan, tiroak bat baino behiago izan ziren, eszena askotan errepikatu behar izan zelako...". Honela hasi ziren eta ezin geratu, «Eta badago beste ipuin bat "Argizagia bera bezain ederra" izenekoa, ba ipui horretarako inspirazioa ez zen ilargia izan ez, kaleko farola bat baizik.
Serio jartzen saiatu ginen eta beraien influentziak zeintzuk ziren galdegin genien...
Begirada gaiztoa asmatu ziguten gu bion begietan eta kuxidadez erantzutea hobe zutela ulertu zuten:
(Hemen, SUSA-sei aldizkariaren propaganda lotsagabea egiten hasi ziren, bainan ez du merezi aipatzea)
Erraz ulertuko duzuen bezala hau dena jasan ahal izateko garagardo pare bat enkargatu genuen; beraiek bitartean kafesne bat bestearen atzetik edaten ziharduten (Bainan distira arraro bat somatzen zen beraien begi ninietan eta beraiek despistaturik zeuden une batean enkargatua gugana hurbildu eta esan zigun: "Kontuz hauekin!")
Beraietako batek zerbait esateko ireki zuen ahoa, bainan albokoak kroassant bat sartu zion hitzegiten ez uzteko-edo. Saiatu ginen beranduago berarekin hitzegiten bainan ez zen inondik ageri, beldur gara zeozer txarrik gertatu ote zaion. Dena dela SUSA-sein beraien musak, SUSAnak egiten duen sarreran taldearen arazoei buruz zeozer badago: «... orain gehiago primatzen du praktikak geure artean. Besteak..., eztabaidak, tirabirak, korronteren batekin identifikatzeak, hausturak... etorriko dira. Etorriko dira ESZISIOAK».
Hau, erraz asmatuko duzuenez off the record esan ziguten, bainan halakoxeak gara gu.
Beno ba, SUSAtarrak seigarren zenbakira iristea lortu dute. Zenbaki fatidikoa da hau euskal letretan eta batez ere literatur aldizkari batentzat (oroitu Pott)... Galdegin genien gainditzea espero ote zuten eta hona hemen erantzuna: