Ofentsiba sionistaren atzean, Mendebaldeko burgesiaren interesak
Israelen ofentsiba inperialista beste fase batean sartu da: bonbardaketak Yemen, Libano eta Sirian; Iranen kontrako erasoak; Libanoren inbasioaren saiakera… Sionistek aspaldiko helburu bat lortu dute: Palestinatik haratago joatea, eta erasoaldia eskualde mailako gerra bihurtzea.
Ofentsibaren areagotzeak hainbat arrazoiri erantzuten die. Batetik, estatu sionistaren proiektu espantsionista ez da Palestinara mugatzen, eta eskualde osoa kolonizatzeko asmoa du. Bestetik, Gaza eta Palestinatik fokua desbideratu nahi dute, hori baita entitate kolonialak daukan tresna bakarra nazioartean izan duen zilegitasun-galera arintzeko. Sionistek badakite haien proiektu supremazista eta kolonialak bizirauteko modu bakarra honakoa dela: gerrak dimentsio askoz handiagoa hartzea, Mendebaldearen parte hartze zuzena bultzatuta. Horrela, esan ahal izango dute milaka biktima palestinarrak “Mendebalde ilustratuaren” eta “Ekialde barbaroaren” arteko zibilizazio-gerra baten “beharrezko ondorioak” direla.
Mendebaldeko izaera (eta proiektu) inperialista salatu eta borrokatu behar dugu, zibilizazio-krisia agerian uzteko eta burgesia inperialista indargabetzeko
Argitu beharra dago Palestinako genozidioa eta erasoaldiaren areagotzea ezin direla soilik eskualde mailako dinamika moduan ulertu: Mendebaldeko burgesiak mundu mailan abiatutako ofentsiba inperialistaren barruan kokatu behar dira, bloke atlantistaren hegemonia mantentzeko helburua duena. Mendebaldea ez da sionismoaren laguntzailea eta konplizea soilik, genozidio eta eskualdeko gerraren finantzatzailea eta parte-hartzaile aktiboa ere bada. Mundu mailako koiunturak zeresan handia du horretan. Iaz Netanyahuk “Ekialde Hurbil Berria” izeneko proiektua aurkeztu zuen, Mendebaldearen oniritziarekin, eskualde osoa berrantolatuko lukeen proiektua: maila politikoan, Israelek eskualdeko lidergoa asumituko luke; eta, maila ekonomikoan, India eta Europa lotuko dituen bide-ekonomiko berria bultzatuko luke, eta integrazio eurasiatikoa bermatzen zuten aurreko proiektuak ordezkatu. Asmo horrek mundu mailako polarizazioaren erronkei erantzuten die, eta Mendebaldeak Errusia eta Txinarekiko daukan dependentzia gutxitzea bilatzen du. Zentzu horretan, egungo ofentsiba sionista berrantolaketa politiko-ekonomiko horren lehenengo urratsa baino ez da.
Hortaz, eskualdeko erabateko gerrak egungo munduaren banaketa inperialistaren krisiari erantzuten dio: zehazki Mendebaldearen gainbeherari eta mundu multipolarraren sorrerari. Argi gera dadila: palestinarren genozidioa eta eskualdeko kolonizazioa bukatzeko, ez da nahikoa Israelen krimenak salatzearekin. Entitate kolonial sionista salatzearekin batera, Mendebaldeko izaera (eta proiektu) inperialista salatu eta borrokatu behar dugu, zibilizazio-krisia agerian uzteko eta burgesia inperialista indargabetzeko.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Epistemologia, edo ezagutzaren teoria, filosofiaren arlo nagusietako bat da, eta historian zehar garrantzizko eztabaidak izan dira gure ezagutzaren mugen eta oinarrien inguruan. Honen baitan bi korriente indartsu topatzen dira, ezagutzara iristeko bide ezberdinak proposatzen... [+]
Getxoko Epaitegiak Europa ikastetxeko 4 urteko haurren kasua artxibatu izanaren berri izan dugu aste honetan. Horrek zera galdetzera garamatza: instantzia judizialak, polizialak… prest al daude haurren eskaerei erantzuteko? Benetan babesten al dira gure adingabeak... [+]
Gure lurraldeetan eta bizitzetan sortzen diren behar, desio eta ekimenen inguruan gero eta gehiago entzuten dugu harreman eta proiektu publiko-komunitarioak landu beharraz, eta pozgarria da benetan, merkaturik gabeko gizarte antolaketarako ezinbesteko eredua baita. Baina... [+]
Elkarrizketa berritu dugu fakultateko idazkaritzan, auskalogarrenez: urruti daude, euren matrikula egiteko, ikasleak bakarrik etortzen ziren garaiak. Aspaldixko aldatu zen joera, eta gurasoek –nabarmenago amek– gero eta paper aktiboagoa hartzen dute seme-alaben... [+]
Silogismo baten argumentuak hiru proposizio ditu, eta horietatik azkena nahitaez ondorioztatzen da beste bietatik. Logika deduktibo horrekin aztertu daiteke, nire aburuz, Nafarroan gertatzen ari den Aroztegiako gatazka sozioekologiko luze eta traumatikoa.
Tesia: Baztango... [+]
Berriki landu ditut klasean Etxahun Barkoxeren kobla eder eta hunkigarriak. Gaizo gizona! “Edertasunez praube” sortu zelako hasi zitzaizkion etxeko nahigabeak, baina hamazazpi urtetan zen pulunpaka sartu zorigaitzaren itsasoan, maite zuen Marie Rospide doterik gabeko... [+]
Azken egunak garrantzi handikoak izan dira Bartzelonan, etxebizitzaren aldeko mugimenduarentzat eta espekulatzaileen aurkako borrokarentzat. Urtarrilaren 28an, polizia-armada batek Raval auzoko Massana Zaharrari [zentro sozial okupatua] eraso egin zion goizaldean, aurrez abisatu... [+]
Zer jakin behar dut? Norekin erlazionatu behar dut? Non bizi behar dut? Ardura horiekin gabiltza gizakiok gure gizarteen baitan bizitza on baten ideia bizitzeko bidean. Ondo erantzuten ez badakigu, bazterretan geratuko garen beldurrez.
Joan den astean, kanpoan geratzearen... [+]
Idatzi honen bidez, EITBko Euskara Batzordeak eta azpian sinatzen duten EITBko organoek euren kezka eta gaitzespena agertu nahi dituzte azken hilabeteetan EITBko zuzendaritza-postuetarako abian ipini diren hautatze-prozesuak direla eta, gutxietsi egin baita euskararen... [+]
Ni ez dut nahi nire alaba ijitoz mozorrotzea kaldereroetan. Nik ez dut nahi nire alabaren eskolako haur ijitoak ijitoz mozorrotzea kaldereroetan. Ijito izatea ez delako mozorro bat. Ijito izatea ez delako urtean behin egiten den festa bat, arropa exotikoekin eta aurpegia ikatzez... [+]
Bidea pausoka egiten da, eta hasiak egina dirudiela ikasi nuen aspaldi xamar. Baina jendeak esaldi hori edukiz betetzen ere ikasi nahi du. Bakarrik ezer gutxi lor genezake, hasi orduko etsi, akaso. Sekulako jendetza biltzeak ere antolaketa zaildu eta ikusi beharrekoa gandutu... [+]
Ez zuen egoki jokatu, neurriak hartu behar ziren, bestela, ez dugu ikasten. Itxuraz, ez zen ohartzen egindakoaren inpaktuaz, normal jarraitzen zuen, batzuetan, ingurukoek baino itxura zoriontsuagoz. Gainera, altuegi hitz egiten du, hori ez zaio inori gustatzen. Darabiltzan... [+]
Hezkuntza Sailak ez ei du ulertzen publikoko langileak zergatik joan garen grebara. LAB sindikatuari galdetzea dauka. Sindikatu horrek akordioa sinatu zuen sailarekin, 2023ko apirilean. Urte bi geroago grebara deitu dute haiek ere, aurrekoetan ez bezala, Hezkuntza Sailak... [+]
Erretiratu berri den lankide-ohi baten omenez, Historiako irakaslea. Bejondeizula!
Hezkuntza-legeek azpimarratzen dute zein garrantzitsua den ikasleengan pentsamendu kritikoa sustatzea. Baina irakasle-klaustroak, garai batean ideien eztabaidarako eta proposamenak... [+]