Osatu dira, horretarako bitartekoak jarri, eta nahiko azkar. Ze lasaitua, dena isildu denean. Baina balantza handia izan da, eta begien atzean izu bat gehiago pilatu zaie, uneren batean pentsatu dutelako, gainera, agian, ez zirela inoiz itzuliko, edo ez guztiz. "Pasa zitezkeen bakardade mota hori ezagutu gabe" pentsatu dut.
Bakardadea zure buruarekiko, arroztu zaizun eguneroko ohekide nahitaezko horrekiko. Bere aldetik ibiltzen hasi da, eta zu, geratzen bada horretatik apur bat (zorte hori izan dugu batzuk), hor zokoan egongo zara, neurona atzean uzkurtuta, izututa. Ivan Ferreiro abeslariari entzun nion, uste dut, espresioa; "beldur kosmikoa". Ez dago zeure buruari diozun beldurra baino handiagorik, errealitate esan diozuna desitxuratu, arima, ia nortasuna gezurtatu, eta Poeren ipuin batean sartzen zaituenari. Osatuta ere betirako adi ibiliko zara beste zu hori berriro ez agertzeko.
Bakardadea inguruarekiko. "Ez dute ulertzen" erregu, berriro, izutua: “Ez, ez dute ulertzen”, berez, agian, pneumonia bat ulertzen ez dugun moduan; garuna geratzen zaigu arnasarik gabe, eta garun oxigenatuak ez daude prestatuta oreka kimikoa hautsita zer egiteko gai diren erakusteko garezurrean daraman horri.
Bakardadea psikiatra ez den eta bost minutuz entzun dizun medikuak errezeta liburua baino askoz gehiago ireki ezin duenean zerbitzu publikoetara jotzen baduzu. Bakarrik geratuko zarela adierazten zaizunean, zureari izenik jarri gabe, ez zuk, ez inguruak ulertu gabe, eta arimak eta nortasunak eta buruko kontuek sortzen duten psikologia merke eta esoterismo suntsitzaileen esku, eta, beraz, sendatu gabe. Eta, beraz, esan dizute hiltzen duen gaixotasun batzuk Osakidetzak ez dituela tratatzen. Ez daude psikiatrak denontzat. Ez daude psikiatrak ia inorentzat. Eta gaixotasun psikiatrikoek, depresioak kasu, hil egiten dute. Hilgarriak dira.
Osatu dira, beraz, horretarako bitartekoak jarri, eta nahiko azkar. Bazutelako ia berrehun euro kontsulta pribatua ordaintzeko. Zeren eta Osakidetzak jarritako epeetan, ez zuketen mediku bat beharko, leiho onena zein den seinalatuko liekeen norbait baizik, gainerako bakardadeak isiltzen dituen guztizko hartara jauzi egiteko. Eta jauzi egitean mila azalpen existentzial. Ados. Nik nahiago nuke jauziaren aurretik, serotonina pixka bat. Eta zerbitzu publiko duinak, klaseak hil ez gaitzan, beste behin.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Badira hogei urte irakasle naizela, eta Bigarren Hezkuntzatik gorako maila guztietan aritu naiz eskolak ematen; halaber, gaur da eguna argi ez dudana zein den irakaslearen betebeharra.
Hezkuntza arautuaren eskailera luzean, maila bakoitzak baditu berezko ezaugarriak. Hala... [+]
Ez da kasualitatea Hispanitatearen eguna, Guardia Zibilarena eta Pilarreko amabirjinarena data berean izatea. Hirurek egitura zapaltzaileak irudikatzen dituzte (estatua, armada eta eliza). Bestalde, indigenen erresistentzia eta Espainiako Estatuak bere armada militar eta... [+]
Pertsona batzuek kapitalismoa "besarkatzen" dute, konturatu gabe arazoa sistema berean dagoela; planeta mugatu batean hazkundea etengabe bilatzean. Energia intentsiboak ekoizteko modu guztiak mundua irensten ari dira.
Zenbat txango, irteera edota lagunarteko paseotan entzun izan dugu bide guztiek Erromara eramaten dutela? Nik sarri, eta inoiz, neuk sentitu dut esan behar izana. Egia esan, uste dut beti txarto ulertu izan dudala esaera hori. Izan ere, beti imajinatu izan dut bide zuzen bat,... [+]
Behin azaldu zidaten spam hitzak adierazten duela txerrien soberakinetatik herri anglosaxoietan egiten zen oso kalitate txarreko hesteki bat. Beharbada hitza ezaguna zaizu, posta elektronikoan karpetatxo bat duzulako nahi ez dituzun mezuak jasotzen dituena. Hitz hori izan zen... [+]
Donostiako Zinemaldiak euskal zinemaren ospakizun ekitaldian euskal zinemak euskara gutxi duela esan zuen Edurne Azkaratek eszenatokiaren mikrotik, ozen. Esaldiak burrunba egiten du egiazkotasunagatik. Arkitekturaren eszenan antzerako lema errepika daiteke eta ziur naiz beste... [+]
Onintza Enbeitak bere urriaren 1eko zutabean lodifobia salatu zuen ginekologoari egindako bisita batean bizi izandakoaren harira. Denok gorputz berean sartzeko tema denok bizi dugula esan genezake, eta esaten da, eta egia da, denok entzun ditugu zerak, baina egia da baita ere... [+]
Jokabide politikoan ideologiak duen garrantziaren jakitun, arreta berezia jarri behar genioke euskaldunok geure ideologiaren gaiari, kokaleku ideologiko zehatz baten markoan erabakitzen delako beti zer egin, zer ez, nola, norekin, noren kontra, eta abar. Jokoan duguna hain... [+]
Uwa, kamsá, tukuná, uitoto, tikuna, embera, nasa-yuwe, nukak, sikuani, siano, macuna, yuruti, kichwa, achagua, bora, ettenaka. Horiek dira Kolonbian hitz egiten diren hizkuntzetako batzuk. Tamalez, Kolonbian bizi nintzenean, Cundinamarcan, nik ez nuen gure... [+]
Ikasturte hasieran hauteskundeak izan behar ziren EHUko agenda informatiboko gertaera nagusia. Gizarte eta Komunikazio Zientzien Fakultatean, gainera, hitzordu bikoitza dugu, gure zentroko batzarra ere urrian hautatuko baita. Aukera zabaldu da kudeaketa-eredu ezberdinak ezagutu... [+]
Ez dakit elkar ezagutu zuten Lapurdin. Enrique Gómez Korta 1979ko ekainaren 25ean hil zuen Batallón Vasco Español-ek Baionan. Pakito Arriaranek 1978ko azaroan ihes egin zuen Iparraldera eta urtebete eman zuen bertan, atentatuak saihestu aldera Venezuelara... [+]
Tristezia ez, ondokoa. Eta etsipen handia. Aurten bi sorkuntza erditu ditugu ("Lurrez Estali" eta "Bidasoa Mintzatuko Balitz"), arrakasta handia bildu dugu eta, hala ere, sentimendu garratz batek tinkatzen dit zintzurra.
30 bat urte daramazkit antzerkian... [+]
Irailaren 19an Europako Parlamentuaren gehiengoak honen alde eman zuen botoa: "Berehala kendu ditzatela Ukrainari emandako arma-sistemaren erabilerari jarritako murrizketa guztiak Errusiako lurraldean". Hitz arruntetan esanda: "Bota itzazue luzera handiko misilak... [+]
Euskal Herriko lurralde batzuetan euskara ofiziala da, besteetan meridianoaren arabera ofiziala ala ukatua eta, aitzitik, ipar aldera bagoaz, toleratua (ez ofiziala).
Azken boladan, epaitegi batzuk ebatzi dute funtzionario publikoek ez dutela euskara ezagutzarik izan behar eta,... [+]