Sulawesi (Indonesia) uhartearen hegoaldean, Leang Karampuang kobazuloan hiru irudi antropomorfoz eta basurde batez osatutako margolana aurkitu dute Griffith eta Southern Cross unibertsitateetako eta Indonesiako Agentzia Nazionaleko arkeologoek. Nature aldizkarian argitaratutako ikerlanaren arabera, aurkikuntza datatzeko metodo berritzailea erabili dute: pigmentuetatik hurbil dauden karbonatoak aztertzen ditu laserraren bidez.

Eta emaitza zehatza izan da: artelanak 51.200 urte ditu gutxienez. Horrek esan nahi du ezkerreko irudian dagoen eszena orain arte aurkitutako margolan figuratibo edo narratiborik zaharrena dela.