Gustua nirea da
Irudi batek mila hitzek baino gehiago balio omen du. Pascual Serrano kazetari eta idazleari irakurri nion ez dagoela hori baino gezur handiagorik. Duela hamar urte pasa idatzi zuen hori, irudiak berba osorik jan behar zuela ikusten hasiak ginenean. Tira, gezurtatu daitezkeela esaera zaharrak, alegia.
Beste bat: gustuez ez dago ezer idatzita. Ez dakit esaera asmatu zutenean hala ote zen, baina gaur egun ezin halakorik esan. Esaterako, nahiko hedatuta dago gustuak –neurri batean, behintzat– eraikuntza soziala direlako ustea, eta azkenaldi luzean horri buruz asko idatzi da, idazten da. Beraz, genero, arraza edo klaseagatik baztertu edo egokitzen ditugun bezala hitzak, esaerak eta esamoldeak, ezin al genuke gauza bera egin horiekin, besterik gabe, egia izateari utzi diotelako? Edo saihestu, behintzat.
Gustuei berriz helduz, eta zehazki gustu musikalei, eraikuntza soziala deseraikitzeko proposamen bat idatzita ez baina esanda utzi zuen Iñaki Segurola zenak bere ondare oparoan: kanta bat, musikari bat, disko bat entzun, bakarrik zaudela, eta zer esaten dizu? Gustatu zaizu? Ba kitto, horraino. Bestela, harago joaten hasten baldin bagara, arriskua. Ez dut uste hala denik, eta jokaldi arriskutsua iruditzen zait gainera, baina zerbait esaten dit, uste dut ulertzen dudala.
Euskarazko edo gaztelaniazko taldeak entzutean badakit horiek entzutea 'tokatzen' zaidan. Gizajoa ni: ezin jakin Stromae entzutearen plazera 'guilty' edo 'innocent' den ere
Hizkuntza Eskolako frantseseko azterketara begira, belarria pixka bat egiteko-edo, frantsesez abestutako musika entzuten aritu naiz, besteak beste. Irakasleak klasean jarritakotik tiraka, segur aski bestela entzungo ez nituzkeen bi artista entzun ditut batez ere. Hiper famatuak, erabat mainstream-ak, estadio-betetzaileak; hip-hopa eta musika elektronikoa egiten dute, dosi desberdinetan.
Tira, behin honaino iritsita, aitormena: Bigflo & Oli bata, Stromae bestea. Entzun ditut, hasieran frantsesa praktikatzeko aitzakiarekin, baina oso gustura ere bai, azkenerako. Eta kezka bat dabilkit buruan: bat ote datoz nik entzun beharko nukeenarekin, ni naizenarekin? Gustatu behar zaizkit? Zer jendek entzuten du hau? Nire ingurukoek bai? Nire estiloko frantses-hiztunek zer iritzi dute talde horiei buruz? Ez dut erreferentziarik. Euskarazko edo gaztelaniazko taldeak entzutean badakit gutxi-asko horiek entzutea tokatzen zaidan.
Tokatu esan dut? Gizajoa ni: ezin jakin Bigflo & Oli eta Stromae entzutearen plazera guilty edo innocent den ere.
Kaskoak kendu, eta entzunaldien osteko galdera beti berbera da: nola heldu naiz ni kartzela honetaraino?
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Duela aste batzuk, Diputazio kalean, Gasteizko erdigunean, bi gizonek etxerik gabeko pertsona bat bota zuten lo egiten zuen lokalaren kanpoaldeko eskailera-buru txikitik. Bota ez ezik, berehala metalezko baranda bat ere jarri zuten lonjaren aurrean. Lokala luzaroan hutsik egon... [+]
Antzokiko argiak piztu dira. Diskretuki, pasabideetan nabil: emanaldi eskolarra hastear dago. Gazteak korrika doaz beraien eserlekuetara, bizi-bizi eta alai. Ateraldiak askapenaren zaporea du, baina askatasun sentsazio hori gaztelaniaz edo frantsesez mintzo da. Goiz honetan,... [+]
Wikipedian bilatu dut hitza, eta honela ulertu dut irakurritakoa: errealitatea arrazionalizatzeko metodologia da burokrazia, errealitatea ulergarriago egingo duten kontzeptuetara murrizteko bidean. Errealitatea bera ulertzeko eta kontrolatzeko helburua du, beraz.
Munduko... [+]
Berriki zabaldu da Gazako lurralderako Egiptok egindako hirigintza-antolaketa plana. Marrazki batean jaso dira etorkizuneko kale, eraikin eta iruditeria, oraindik metraila eta lehergailuen usaina darion errealitate baten gain. Hirigintza proposamena, beste bonba jaurtiketa bat... [+]
Bizitza erdigunean jartzeko abagunea ikusi genuen feministok zein ekologistok Covid-19 pandemia garaian. Ez ginen inozoak, bagenekien boteretsuak eta herritar asko gustura itzuliko zirela betiko normaltasunera. Bereziki, konfinamendu samurra pasa zutenak haien txaletetan edo... [+]
Segurtasun falta dagoen irudipena handitu dela azaldu du Eustaten azken txostenak. Gurean, Trapagaranen, Segurtasuna orain, delinkuenteen aurka manifestaziora deitu dute herritar batzuek.
Bi izan dira sentsazio hori zabaltzeko arrazoiak. Batetik, udalak Udaltzaingoaren... [+]
Badira etxebizitzak saltzeko atarietara harpidetuta daudenak, etxe bat erosi nahiko luketelako. Tarteka etxeak ikusteko hitzorduak ere egiten dituzte, eta seguru nago saltzaileak badakiela pertsona horiek ez dutela etxea erosiko, ez bisitan etxeari aurkitzen dizkioten baina... [+]
Haurtzaroaren amaiera eleberri distopikoa idatzi zuen Arthur Clarkek, 1953. urtean: jolasteari utzi dion gizarte baten deskribapena. Eta ez al da bereziki haurtzaroa jolasteko garaia? Jolasteko, harritzeko, ikusmiratzeko eta galdera biziak egiteko unea. Ulertzeko tartea zabalik... [+]
Juan Bautista Bilbao Batxi idazleak barku batean egiten zuen lan, eta bere bidaietako kronikak bidaltzen zituen Euzkadi egunkarira. Horri esker, XX. mende hasierako mundu osoko kronika interesgarriak ditugu, euskaraz. 1915eko ekainean, hain zuzen, Murtzian egin zuen... [+]
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]
Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
Intsumituek denbora luzez egindako borroka gogorra eta mingarria izan zen, baina irabazi zuten, eta garaipen hura behin betikoa izango zela uste genuen, atzera bueltarik gabea. Baina badirudi, politikari batzuen ahotik aterata, eskalada militaristari gorazarre egin eta berriz... [+]