Zeru zati txiki urdin bat
Baluarteko areto ilunaren erdian zeru zati txiki urdin bat ireki da. Bi aulki prest dira musikariei ongietorria egiteko. Ez dira ohiko orduak kontzertu baterako: larunbat eguerdia da, vermutaren ordua, eta oskarbi eta bero da kanpoan. Planak gehiago eskatzen du terraza bat, eguzkitako betaurrekoak eta trago freskoak, zutik dantza apur batekin edo. Vermúsica ekimenaren barruan Queralt Lahozek kontzertu akustikoen birari amaiera emanen dio Iruñean, bandako formatuari berrekin aurretik.
Dena urdin bilakatu zela kantatzen hasi zaigu, eta atrezzoko zerua bizi-bizi argitu da. Hip-hop eta musika urbanoetatik edaten duen arren, formatu honetan bere jatorri flamenkoek dir-dir egiten dute. Bitxia da, hala ere, baina erraz egin du eta erraz sartu dira kanta bat bestearen atzetik. Ahotsa eta gitarra. Jantzi gorriz oholtzako bi musikariak, kasik ilunpetan, kontra-argiekin, itzalekin jolasean.
Iraganeko amodioei, amonari eta, batez ere, norberaren maitasunari kantu egin die. Haria fin batek gela osoa betetzen du punteatutako akordeen konpainiaz. Gertukoa ematen du, naturala, egiten duen hori bizi duen horietakoa, hauskorra. Kontatu digu nola eman dituen ordu gehiago Kolonbiako jaialdi baterako joan-etorrian, herrialdean baino. Leher eginda dagoela aitortu digu, aire girotuaren albo kaltearen eta goizeko ahotsak traizionatuko zuen beldurrez. Atzealdeko zeru zatia txiki geratu zaio itsasoz bestaldetik zerua zeharkatu ostean.
Eta bat-batean, hautsi egin da. Tira, hasieratik igarri diogu malkotxoa begiaren ertzean, emozioari ezin eutsita. Formatu honekin gozatua hartu du, eta nabari zaio: "Nire kantei beste esanahi bat eman diet". Estimatzen da artista batek bere buruari taula gainean ere hala jokatzea baimentzen dionean. Eman lezake postureo hutsa, baina hemen gaudenok senti dezakegu benetan ari dela, neketik eta asebetetzetik.
Artista guztiek dute hit bat, eta Queraltena De la cueva a los olivos da. Entzuleen artean ere gehien kantatu dugu horixe, eta aulkitik altxarazi dugu abeslaria bera ere, dantzara.
Zeruak, bitarte honetan guztian, eguneko orduaren arabera hartzen duen tonu guztiak imitatu ditu: horixka, laranjago, arrosakara, eta urdin bizi-biziak.
Amaierara heldu gara, eta bertsio batekin eman nahi dio akabera kontzertuari: migratu behar izan zuten senideekin akordatu da, eta, gaur egun ere, diskurtsoak gorrotoz eta errepresioz itotzen dituztenei aurre egiteko eskaini die Auteren Al Alba. Ilunabarra. Kontzertua bikaina izan da ordura arte, baina hor kraska egin digu zerbaitek barruan, eta malkotxoa guri erori zaigu.
PPrekin eta EH Bildurekin negoziazioetan porrot egin ondoren etorri da Ahal Dugurekin adostutako akordioa. Indar politiko honek aitortu duenez, maximalismoak atzean utzi eta errealitateari heldu diote, errenta baxueneko herritarren aldeko akordioa lortuta.
“Posta publikoa eta kalitatezkoa. Eskubideen aldeko Hitzarmen eta Akordio baten alde” aldarrikapenarekin, LAB, ESK eta ELA sindikatuek lan-baldintzak eta posta-zerbitzu publikoaren kalitatea defendatzeko mobilizazioa egin zuten atzo, hilak 12, Bilboko Eliptika Plazan.
Herriko EH Bilduko zinegotzi eta legebiltzarkide den Ander Goikoetxeak egindako galdera parlamentario bati Jaurlaritzak emandako erantzunaren bidez jaso informazioa hau. Bi haize sorgailu ezartzeko asmoa dago eta Cluster Hernani izeneko proiektu zabalago baten barruan kokatzen... [+]
Hezkuntza bi arazo handik zeharkatzen dutela adierazi dute IAk: "ideia erreakzionarioen" gorakadak eta "ikasleen egoeraren okertzeak". Mobilizazioaren deialdia hedatzeko, goizean errepide mozketak egin dituzte Donostian, Iruñean eta Gasteizen. Bilbon, Euskal... [+]
Atapuercako aztarnategian hominido zahar baten aurpegi-hezur zatiak aurkitu dituzte. Homo affinis erectus bezala sailkatu dute giza-espezieen artean, eta gure arbasoek Afrikatik kanpora egindako lehen migrazioei buruzko teoriak irauli ditzake, adituen arabera.
Gasteizko 1 zenbakiko Auzitegi Kontentzioso-Administratiboak emandako epaia berretsi du EAEko Justizia Auzitegi Nagusiak. Lan poltsan parte hartzeko euskara maila altuenaren baliokide diren 3. eta 4. eskakizunak indargabetu zituen Gasteizko Auzitegiak.
Hainbat eragilek deituta, NATOren aurkako elkarretaratzea egin da Iruñeko Udaletxearen aurrean. Izan ere, gaur, martxoak 12, 39 urte bete dira Hego Euskal Herriak, Espainiar Estatua NATOn sartzeko erreferendumari ezezkoa eman ziola. Askapenako kide batek adierazi du, gaurko... [+]
Azkar! Azkar! Adi egon, ez daukat astirik eta! Ohartarazi behar zaitut, denborak agian ez baitit uzt… Pipipipi-pipipipi! Pipipipi-pipipipi!
Goiz jaiki, eguneratuta egoteko irratia piztu, dutxa hartu, ilea lehortu, orraztu, bizarra kendu edota makillatu, kafea egiten den... [+]
Europako Batzordeak 26.000 milioi euroren inportazioak zergapetuko ditu apirilaren 1etik aurrera, Donald Trumpek altzairuari eta aluminioari ezarritako muga-zergei erantzunez. Enbido-komertzialek jarraitzen badute, Euskal Herrian lehen sektoreak nozituko du gehien norgehiagoka... [+]
Ez da berria, lehen ere ezagutu ditugu horrelako egoerak. Bere garaian hartutako erabakiaren emaitzak okertzen doazenean, zuzentzeko nahiko denbora balego bezala, eta ez da egia.
Hitz politak, itxaropentsuak, euskal gizartean pozik entzuten direnak, bai, baina badut beldurra,... [+]
Azpeitiko Udalak etxebizitza hutsei ezarritako kanona abian jarri berritan –eta Euskadi osora zabal daitekeela jakinda–, etxebizitza horien jabeen eta eskuineko alderdien kexak irakurtzen eta entzuten hasiko gara. Jabetzarako Eskubidearen inguruko mantra horiek... [+]
25 bat eragilek adierazi diete elkartasuna apirilaren 11n Baionako auzitegian epaituko dituzten Intza Gurrutxaga eta Gorka Torre Euskal Herrian Euskaraz taldeko kideei. Egun batzuk lehenago, apirilaren 6an Baionan eginen den manifestazioan parte hartzeko deia ere luzatu dute.
Lurrak guri zuhaitzak eman, eta guk lurrari egurra. Egungo bizimoldea bideraezina dela ikusita, Suitzako Alderdi Berdearen gazte adarrak galdeketara deitu ditu herritarrak, “garapen” ekonomikoa planetaren mugen gainetik jarri ala ez erabakitzeko. Izan ere, mundu... [+]
Asteazken eguerdian berreskuratu du askatasuna astigartarrak, zigorra osorik beteta. Espainiako Auzitegi Nazionalak otsailean inputatu zuen ETAren zuzendaritzako ustezko beste lau kiderekin batera, Gregorio Ordoñezen hilketa leporatuta.
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.