Oskolak malgutzeko liburua
Soinean daramate etxea barraskiloek, bizkar-zorro kiribildua bailitzan, bizitzeko beharrezko dituztenak hara eta hona garraiatuta. Etxeak, ordea, kraskatu eta bitan bana daitezke. Bikoiztu ere egiten dira tarteka, behin-behinekoz bada ere gotorleku izatetik zama izatera igarota. Oskoldunei eskaini die Ane Labaka Mayozek (Lasarte-Oria, 1992) Barraskiloek baino bat gehiago (Erein, 2023) liburua. Besteak beste, oskola mila zatitan hautsi eta puskek berriro bat egin dezaten moduren bat asmatu nahian dabiltzan horiei.
Hiru malkok plater gainean egiten duten zaratak eteten du gurasoak bananduko direnaren berria jaso osteko sukaldeko isiltasuna. Horixe da Sararen ikuspuntu eta ahotsetik kontatutako istorioaren abiapuntua. Hamar urteko neskatoa da Sara, eta gurasoen banantzeak dakarzkion aldaketa, dolu, galdera, ziurgabetasun, beldur, erru eta bestelakoak dakarzkigu orriotan. Ertz ugarikoa den gaiaren kontakizuna xeheki mamitu du lasartearrak, bereziki, bideak lakartzen dituen emozio luiziari eta bideok berriro leuntzeko moduei erreparatuta.
Amarekin, aitarekin, lagun duen Lurrekin eta beste pertsonaia batzuekin zein bere buruarekin izandako harreman eta elkarrizketek maitasuna zertan den argitzera ere badaramate protagonista minak zeharkatutako kontakizunean. Honekin, maitasunaren akaberatzat jo ohi dena begiratzeko beste ikuspuntu bat eskaintzen dio liburuak irakurleari, finean, horixe bera baita liburuan gailentzen dena: maitasuna, formaz aldatzen bada ere.
Atentzioa ematen du egileak eszenatokiak sortu eta horiek zein, oro har, baliatutako hizkuntza eta iruditegiak haurraren ikuspuntura egokitzerakoan duen doitasunak. Horren adibide dira dagoeneko aipaturiko sukaldekoa, zeinetan protagonistak dioskun triku bat jaio zaiola eztarriko zuloan, jolas garaian ikaskideekin izandako ika-mika eta berradiskidetzeak islatzen dituztenak, hasieran arrotz zaiona kamamila eskutan Sarari “etxeago” bilakatzen zaionekoa zein psikologoarenean hareaz beteriko kutxa baten parean dagoenekoa.
Gaia jendartean hautemateko era berriak eskaintzen ditu Labakak orriotan, besteak beste, “-orde” atzizkia hausnarketa gai izanda zein eskolan eginarazten diren zuhaitz genealogikoak jopuntuan jarrita. Halaber, familia ereduen aniztasuna erdigunera ekartzeko ere probesten ditu horiek eta bestetzuek.
Besarkada modukoa da liburua oskolak hartutakoentzat: izan Sarak bizitakoaren gisakoak bizitzen ari diren gaztetxoentzat zein heldu izanagatik oskol haren zati puntazorrotzak barrunbeetan trabatuta ditugunontzat.
Zero. Transhumanismoa ate-joka erdi aro berrian
Aitor Zuberogoitia
Jakin, 2024
-----------------------------------------------------------
Hasieran saiakera filosofiko-soziologikoa espero nuen, baina ez da hori liburu honetan aurkitu dudan bakarra. Izan ere, biografia... [+]
Ihes plana
Agustín Ferrer Casas
Itzulpena: Miel A. Elustondo
Harriet, 2024
---------------------------------------------------------
1936ko azaroaren 16an Kondor legioko hegazkinek Madrilgo zenbait museori egin zieten eraso. Eta horixe bera da liburu honetara... [+]
Etxe bat norberarena
Yolanda Arrieta
Alberdania, 2024
Gogotsu heldu diot irakurketari. Yolanda Arrietaren obra aski ezaguna zait eta iragan maiatzean argitaratu zuen proposamen honetan murgiltzeko tartea izan dut,... [+]
Rosvita. Teatro-lanak
Enara San Juan Manso
UEU / EHU, 2024
Enara San Juanek UEUrekin latinetik euskarara ekarri ditu X. mendeko moja alemana zen Rosvitaren teatro-lanak. Gandersheimeko abadian bizi zen idazlea zen... [+]
Idazketa labana bat da
Annie Ernaux
Itzulpena: Leire Lakasta
Katakrak, 2024
Segundo erabakigarriak
Manu López Gaseni
Elkar, 2024
--------------------------------------------------
Nobela labur hau irakurtzen hasi eta harrapatuta sentitzen zara, eta horretan badu zerikusia idazleak ezarritako erritmo bizi eta azkarrak. Lehen hamar... [+]
Dragoiak eguzkia IRENTSI zuenekoa
Aksinja Kermauner
Alberdania, 2024
-------------------------------------------------------
Hamarnaka liburu idatzi ditu Aksinja Kermauner idazle esloveniarrak. Euskaraz plazaratutako lehenengoa dugu hau, Patxi Zubizarretak itzulia eta... [+]
Puntobobo
Itxaso Martin Zapirain
Erein, 2024
----------------------------------------------------
Izenburuak eta azaleko irudiak (Puntobobo, artile-mataza eta trapuzko panpina) osasun mentala, puntua egitea eta haurtzaroa iradokiko dizkigute, baina adabaki gehiago... [+]
Itsasoa bete urre
Dani Martirena
Irudiak: Ana Ibañez
Txalaparta, 2022
--------------------------------------------
Liburu honetara barneratzen den irakurleak sentsazio ugari izango ditu. Deigarria da azaleko letren urre kolorea eta zuritasuna, goialdean ageri den... [+]
Migranteak
Issa watanabe
1545 argitaletxea, 2024
-------------------------------------------
Ezagutzen ez nuen 1545 argitaletxeak 2024an itzuli eta kaleratu du Issa Watanaberen Migranteak liburua. Animalia talde batek egiten duen migrazio prozesua kontatzen du; eta... [+]
DETAILE XUME BAT
Adania Shibli
Itzulpena: Aitor Blanco Leoz
Igela, 2024
----------------------------------------------
Egunotan, Israelgo soldadu batek bideo-joko batean balego bezala droneak erabilita Palestinako ospitaleak, eskolak, errefuxiatu-eremuak bonbardatzen... [+]
Fun Home. Familia-istorio tragikomiko bat
Alison Bechdel
Txalaparta, 2024
---------------------------------------------
Fun Home. Familia-istorio tragikomiko bat (2006) nobela grafikoaren lehen argitalpenarekin egin zen ezaguna Alison Bechdel komikilaria, nahiz eta berak... [+]
PLEIBAK
Miren Amuriza Plaza
Susa, 2024
--------------------------------------------------
Miren Amurizaren bigarren eleberria argitaratu du Susak Durangoko azokaren atarian: Pleibak. Aurretik egindako grabazio baten gainean kantatzen ari zarelako antzerkia egitea da... [+]
Non sense liburua
Edward Lear
Itzultzailea: Juan Kruz Igerabide
Denonartean, 2024
----------------------------------------------
Edward Lear idazle eta ilustratzaileak 1846an argitaratu zuen esku artean dugun obra hau. Igerabidek liburuaren hitzaurrean dioen bezala,... [+]
Hetero
Uxue Alberdi
Susa, 2024
----------------------------------------------------
Negazionismoaren, manosferaren eta trollen aroan ezinbestekoa da literaturaren ekarpena, errealitatearen tolesei begira jartzeko tresna paregabea delako: inguruan ditugun zapalkuntza... [+]