Gerezien denbora burujabetza digitalarentzat
Badaramat denbora tarte bat haserre egunerokoan inguratzen nauen errealitate digitalarekin. Mugikorraren gehiegizko erabilera pertsonalak, seme-alaben hezkuntzaren googleizazio eta erabilera digital deterministak, erakunde publikoek korporazio digital erraldoien tresnekiko erakusten duten borondatezko sumisioak, eta oro har paisaia numerikoan ikusten den monokultibo kapitalistak sumindura zehaztugabea sortzen dit.
Mota guztietako eragile sozial, kultural eta politikoek eskatzen dizkidate datuak Google tresnen bitartez, edo harro jakinarazten, ustezko modernitatez, nirekin harremanetan jartzeko korporazio digital baten azken tresnan kontua ireki dutela, paisaia soziala haien logoekin betez. Nire pazientzia estrategikoa gaindituta dago.
Murgilduta nagoen eremu kooperatiboetan egoera ez da hobea, eta askok beste bide bat abiatu badugu ere, korporazio digitalen menpeko proiektugintza daukagu. Ekonomia soziala eraldatzaile, ekologista, feminista eta antiarrazista izatea erabat barneratutako bide bihurtzen ari bada ere, ez da bera gertatzen digitalitatearekin. Nola askatu kapitalismo digitalarekiko menpekotasunetik?
Lurralde digitala materiala eta politikoa dela aldarrikatu behar dugu, eta korporazio digitalen tresnen erabileraren inguruko kritika normalizatu
Lehenik, lurralde digitala materiala eta politikoa dela aldarrikatu behar dugu, eta korporazio digitalen tresnen erabileraren inguruko kritika normalizatu. Izan ere, proiektu kolektibo eta eraldatzaileetan joera dute kanpo faktoreei egozteko digitalizazio eredu kontziente eta kritikoa ez izatearen ardura, aitzakia gisa jarrita ezezagutza edota arrazoi teknikoak, eta ez politikoak.
Bigarrenik, elikadura, energia, zaintza eta bestelako eremuetan, burujabetzaren aldeko mugimendu eta proiektuek egin duten bidea jarraituz, gure bizitza eta lurraldeak emantzipatzeko ezinbesteko eremu bihurtu behar dugu teknologia burujabetza. Diskurtsoak, estrategia politikoak eta proiektugintza eraldatzailea saretu eta aktibatu behar ditugu ildo horretan.
Hirugarrenik, Euskal Herrian oparoa izan den eremu digitalean, bidea egiten ari diren proiektuei burujabetzarako erabaki esparruetan agentzia eman eta indartu behar ditugu, gure egunerokoan korporazioen menpekotasunetik ateratzea denontzat praktika irisgarria izan dadin.
Burujabetza digitalarentzat gerezien denbora lanketa kolektibotik ekarriko dugulakoan, sumindurak utzi, eta egunerokoan jarriko dut nire aletxoa, EH Digitala, euskal fedibertsoa, euskarazko Wikipedia, TEKS elkartea eta Torrekua bezalako proiektu eraldatzaileetan.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Greba ataritan jaso nuen zuen e-maila, posta pertsonalean. Hasieran, beste askok bezala, grebaren aurrean ze aukera ditugun jakinarazteko zela pentsatu nuen. Baina ez, grebaren aurkako mugimendu politiko eta komunikatiboa zen jasotako e-maila.
Aitortuko dizuet ahozabalik utzi... [+]
Urtarrilaren 16an, Madrilgo administrazioko Trantsizio Energetikorako Ministerioak irrikaz eta kezkaz itxaroten genuen “Itsaraz” proiektuaren gaineko ingurumen-inpaktu adierazpena argitaratu zuen. Ebazpenak makroproiektu honen aurkako erabaki irmoa bezain argia... [+]
Asteburu honetan 'estetikoa' hitzaren inguruan pentsatzen aritu naiz, lagun batek esandako esaldi baten harira: “Lan hau estetikoa da”. Estetikoa hitzaren etimologia aztertu dut, badirudi jatorrian zentzumenen bidez hautematea zela bere esanahia, eta gerora... [+]
Azken urteotan, industria politikaren kontzeptua hainbat mailatan indarrez berragertu da. Neoliberalismoaren mailua izandako erakundeak, Nazioarteko Diru Funtsak, gaur egun zera azpimarratzen du: merkatuek baliabideak modu eraginkorrean esleitzeko eta arazo horiek konpontzeko... [+]
Aurreko egunean, Bilbon, lagun batekin elkartu nintzen Bira tabernan. Tar-tarrean ari ginen oso gustura eta esan nion: “Noski, Giputxia zarenez, kar-kar-kar”. Eta berak nabarmendu zuen ez zela gipuzkoarra. Nik ongi ulertu gabe, jarraitu nuen esaten, “A! ez?... [+]
Zalantza asko izan ditut, meloia ireki ala ez. Ausartuko naiz, zer demontre! Aspaldian buruan dudan gogoeta jarri nahi dut mahai gainean: ez da justua erditu den emakumearen eta beste gurasoaren baimen-iraupena bera izatea. Hobeto esanda, baimen-denbora bera izanda ere, ez... [+]
Mundu mailako erasoaldi inperialista betean gaude, mendebaldeko burgesiak gidatuta. Ofentsiba inperialistak hartu duen forma gerrarena da, aldaera guztiekin: gerra ekonomikoa, gerra kognitibo eta kulturala, lawfarea; eta, noski, gerra militarra. Mendebaldeko inperialismoak... [+]
Beste detektibe triste baten telesail bat ikusi berri dut. Eskoziako irla urrun batean gertatzen dira trama guztiak. Badakizue nola funtzionatzen duten fikzio horiek: hildako asko, jende arrunta baina ez hainbeste, eta paisaia berde iluna. Oraingo honetan duela urte pila bat... [+]
Egiari zor, ez dakit zergatik ari naizen hau idazten. Gaur egungo giro liskartsuan ez dira modu honetako iritziak ondo hartzen. Beharbada, ARGIAk ez du hau argitaratuko, ez baitator bat orain arte argitaratu dituzten iritziekin (baina, azkenean argitaratzea erabaki badute,... [+]
Urtarrilaren 15ean Zedarriak izeneko lobby tekno-enpresarialak bere 6. txostena aurkeztu zuen, Euskadi eta Europar Batasuna, oparotasunaren eta lehiakortasunaren patu partekatua izenekoa. Finantzen mundutik ateratako aditu gorbatadunez osatutako Think Tank neoliberal horrek... [+]
Tipi-tapa mugitzen ditugu euskaltzaleok gure oinak Korrikaren lekukoaren atzetik, gure hizkuntzaren alde, desio dugun Euskal Herri euskalduna helburu, herri euskaldun gisa biziraun nahi dugula aldarrikatzeko.
Tipi-tapa ematen ditu lehen urratsak Afrikako, Hego Amerikako edo... [+]
Eta beste urte batez, sindikatuek prefabrikatutako grebak antolatu dizkigute. Eta guk, indibidualki, erabakia hartuko dugu grebarekin bat egin ala ez, ikastetxean inongo asanbladaren beharrik gabe.
Niri irakatsi zidaten greba eredua jada ez dago modan, antza. Nire... [+]
Bizitzak dena inguratzen du, mugatua eta hauskorra da. Bizitza onak bizitzeko, gorputzak zer egin badakiela iruditzen zait, buruak ordea, nahiz eta jakin (ondo informatuta dagoenean), askotan gorputza nahita isiltzen duela ikusten dut. Isiltze horretan burua beste buru... [+]
Eroso gaude ingurunea gure egoera fisiko/emozionalera egokitzen denean. Besteak ni kontuan hartu nauenean, izan gizaki bat, objektu bat, espazio bat. Erosotasunaren klabea produktu eta espazio diseinuan beharrizan handi gisa sartu da, erosotzat jotzen dena erosgarria delako... [+]