Aldizkari monografiko berezia sortu dugu. Egoera ere halakoa delako. Gure etxeko patxadan ia zuzenean ari gara ikusten genozidio bat nola egiten ari diren. Uneotan, zigor gabe eta normaltasunez. Euskal Herriko eta Europako gobernuak eta haien menpeko hedabideak “Israelen defendatzeko eskubidearen” izenean herri oso baten aurkako erasoa zuritzen ari dira. ARGIA osatzen dugunok ahotsa altxatzeko beharra sentitu dugu. Ez dugu horren konplize izan nahi.
Herritarrek Palestinan gertatzen ari denaz jabetzeko eta ulertzeko, ardura handia dugu kazetariok. Eta tamaina honetako sarraskiaren aurrean ez diogu gure erantzukizun profesional eta etikoari uko egin nahi. Hainbatetan esan dugu: ez gara neutralak. Nola izan neutralak genozidio baten aurrean? Horregatik sortu dugu zenbaki monografiko hau, mundu osoaren zimenduak eta lotsak astintzen ari den bidegabekeria honen aurrean, ez dugulako arazoaren parte izan nahi, konponbide justuarena baizik.
Ez da gerra, genozidioa da
Argi diogu: ez da gerra bat. Are gutxiago, Israel eta Hamasen artekoa.
Aire zabaleko munduko kartzelarik handiena izateari utzi dio Gazak. Orain 2,3 milioi pertsonen kontzentrazio-, sarraski- eta bortxazko desplazamendu-eremua da. Israelgo armadak hilabete eta erdian 14.000 palestinar baino gehiago hil ditu, horietatik %40 haurrak dira. Eta askoz gehiago daude zaurituta, traumatizatuta ala eraitsitako hondakinen artean hilotz.
Gerraz hitz egitea marko linguistiko eta politiko faltsua da. Berdinetik berdinera ari diren bi aldeko auzi gisa aurkezteak egiazko biktima birbiktimizatzen du eta genozidaren eskua itzalpean gordetzen du.
Gazako blokeoa diseinatu zuen geografo sionista Arnon Sofferrek argi adierazi zuen haren planaren helburua 2007an: “Animalia horiek are animaliago bihurtuko ditugu”. 16 urte geroago, argudio bera darabil Israelgo Defentsa ministro Yoav Gallantek: “Giza animalien aurka ari gara borrokan, eta horren arabera arituko gara haiekin”. Gizatasuna ere ezabatu nahi dute, palestinarra animalia bilakatuta, ondoren hildakoen zerrendarako zenbaki bat gehiago izan dadin. Hedabideon lana ere bada gorroto diskurtso horiek ez naturalizatzea, eta egileak salatzea, izen abizenekin.
Errudunak zigortu
Zigor kolektibo gisa populazioa bonbardatzea, bortxaz desplazamendu masiboa eragitea, elikagaiak, ura eta elektrizitatea etetea... gerra krimenak dira, Erromako Estatutuaren seigarren puntuan jasota dagoenez. Eta beraz, arduradunak, Benjamin Netanyahu buru, nazioarteko auzitegi penalera eraman behar dira gizateriaren aurkako krimenengatik epai ditzaten.
Ezerk ezin du horrelako sarraskirik justifikatu, ezta euskaldunok ondo baino hobeto ezagutu eta sufritu dugun "terrorismoaren aurkako borroka" manatuak ere. Ez dugu ahazten argudio hori erabili zutela Irakeko inbasioan ehunka mila pertsonaren hilketa justifikatzeko. Palestinako erresistentzia armatuak urriaren 7an egindako erasoa ezin da aitzakia gisa erabili. Europak ezin du beste alde batera begiratzen jarraitu hamarkadetan giltzapetuta, setiatuta eta okupatuta dagoen herri oso baten sarraskiaren aurrean. Gustatu ala ez, historiak argi erakutsi digu injustizia errotuta dagoen lekuan, erresistentzia sortuko dela beti.
Palestinako okupazioaren arazoa europarra da. Europak lapurtu zien palestinarrei haien lurra eta erakunde sionistei eman. Orduan onartu zituen Europak judutarrak “europar” gisa lehenbizikoz: Ekialde Hurbileko biztanle bilakatzean. Ordutik, 75 urtez babestu eta armatu du indar okupatzailea, baita edozein gehiegikeriaren aurrean zigorgabetasuna eskaini ere. Beraz, konponbideak Europatik ere etorri behar du. Gero eta gehiago dekolonitateaz mintzo garen garaiotan, Palestinak ere deskolonizazio prozesua behar du, eta bide horretan ezinbestekoak dira nazioarteko elkartasuna, babesa eta laguntza.
Ez gara neutralak
Hainbatetan alderatzen da Palestina eta apartheidaren menpeko Hegoafrika, palestinarren eta beltzen bazterketa sistematikoa bertsua delako, baita sistema injustu horiei aurre egiteko herritarron tresnak ere: erresistentzia babestea eta estatu genozidari boikota eta zigorrak sustatzea.
Apartheida bere azalean bizi eta borrokatu zuen Desmond Tuturen hitzak gaurkotasun handikoak dira: "Injustiziaren aurrean neutrala bazara, zapaltzailearen alde egotea erabaki duzulako da". ARGIAko kideok argi daukagu nondik idazten dugun. Palestinan eta Israelen okupatuak eta okupatzaileak daude, baztertuak eta pribilegiatuak, erresistenteak eta erasotzaileak.
Kazetaritzak mundua ulertzeko, eraldatzeko eta hobetzeko jarduna beharko luke. Kazetaritza independenteak ez du zerikusirik boteredunen argudioak akritikoki zabaltzearekin edo “bi aldeen” argudioak jasotzearekin. Ausardiaz jokatzeko garaiak dira eta horregatik sortu dugu aldizkari berezia, palestinarren erresistentzia eta Israelen okupazioa hobeto ulertzeko asmoz. Palestinan deskolonizazioa, justizia eta berdintasunean oinarritutako konponbide justuaren alde gauden euskal herritarrok beste euskarri bat izan dezagun.
Ez gara genozidio baten propagandaren parte izango. ARGIAn ez dugu Israelen genozidioa justifikatuko edo zurituko. Ez gure izenean. Genozidioa gelditu.
Yahya Sinwar Hamaseko burua hil ondoren, Ekialde Erdiko gerrak nola jarraituko duen aurrera mintzagai da hilketaren biharamunean. AEBek, Joe Bidenen ahotik, berehala iragarri dute orain su-etenak bidea libre izan dezakeela. Bide beretik jo dute Mendebaldeko hainbat buruzagik... [+]
Israelek dio ostegunean Hamasen buru Yahya Sinwar hil duela eraso batean, Israelgo armadarentzat "gizonik bilatuena". DNA frogak egiten ari dira gorpuari, albistea baieztatu asmoz. Israelek eskola baten aurka egindako bonbardaketa horretan 28 pertsona hil eta 160 baino... [+]
Istiluak izan dira Ertzaintzarekin eta Espainiako Poliziarekin Bilbon eta Iruñean. Sare sozialetan jakinarazi dutenez, gutxienez bina pertsona atxilotu dituzte batean zein bestean, eta aske daude dagoeneko.
Erantzukizuna Israelgo Estatu Sionistarena da, bera baita, biztanleriaren zati handi baten, soldadu, kolono eta abarren laguntzarekin, garbiketa etnikoa eta genozidioa egiten ari dena inguruko herrialde eta herrien aurka.
Mendebaldeko estatuek ere laguntzen diete, armak... [+]
Urtebete igaro da, diotenez. Ez dut sekula ulertu mendebaldarrok daukagun ohitura harroputz hau: nahiz eta gatazkak ia mende bateko iraunaldia izan, datak nahierara moldatzen ditugu, garrantzia nolanahi oparituz. Azkeneko sasoia ezberdina izan al da beren lurraldean preso... [+]
Azken egunetan gutxienez Nazio Batuen Erakundeko bost kasko urdin zauritu ditu Israelgo armadak, UNIFIL Nazio Batuen Libanorako Indar Behin-Behinekoak duen egoitza nagusiaren kontrako erasoetan, Naqoura herrian. Netanyahuk esan du kasko urdinak “giza ezkutu” gisa... [+]
Ingelesez zabalduriko bideo baten bidez eman die abisua Israelgo Lehen ministroak: Israelgo armadarekin kolaboratu ezean, libanoarrei ere bideratuko die palestinarrek pairaturiko "sufrikarioa".
Israelgo armadak bortizki egin du eraso igandetik astelehenerako gauean, Hamasen urriaren 7ko erasoaldiaren urtemugarekin bat eginez. Libanoko Beirut hiriburuaren hegoaldea bonbardatu du, eta Gaza erdiguneko beste ospitale bat ere bai.
Urtea bete da Hamasen urriaren 7ko erasoak gertatu zirenetik. Ordutik, Israelek Gaza suntsitu du eta guda inguruko herrialdeetara zabaltzen ari da pixkana. Urtebete honetako gertaera nagusiei errepasoa emango diegu kronologia honetan.
Ostegun arratsaldean hasiko dira baraualdiak, eta bost gune antolatu dituzte ekimenari lotuta: Bilbon, Altsasun, Donostian, Gasteizen eta Iruñean. Larunbat eguerdian, berriz, manifestazio handi bat egingo dute Bilbon, palestinar erresistentziarekin elkartasunez eta... [+]
Ez bazara gai ikusteko palestinarren belaunaldi ugariri Israelek egindako gehiegikerien eta Hamasen krimenen arteko lotura kausala, ez duzu arrastorik ere giza izaerari buruz.
Irailaren 17ko astean, Israelgo lehen ministro Benjamin Netanyahuk erabaki zuen Hezbollah-rekin Libanon zuen misil trukea beste maila batera eskalatzea, eta erabateko gerra hastea.
Astearte gauean Iranek ehunka misilekin egin dio eraso Israeli. Base militar eta azpiegitura energetikoen aurka zuzendu du erasoa. Gutxienez zazpi pertsona hil dira erasootan, CNNn irakur daitekeenez. Ez dago garbi Israelgo defentsa sistema zenbat misil neutralizatzeko gai izan... [+]