Mutterrek ez du inoiz huts egiten
Donostiako Musika Hamabostaldia
Artistak: Anne-Sophie Mutter (biolina eta zuzendaritza) & Mutter’s Virtuosi.
Egitaraua: Vivaldi, Bach, Previn eta Bologneren lanak.
Lekua eta data: Kursaal Auditorioan, abuztuaren 26an.
-------------------------------------------------
Anne Sophie Mutter oso zaharra ez izan arren, jada mitikoa egiten zaigun artista horietako bat da. Izan ere, 13 urte besterik ez zituela egin zen ezagun, Karajanek babestu eta Berlingo Filarmonikoarekin jotzera gonbidatu zuenean. 50 urte baino gehiago igaro dira, eta andre honen ospea hazi besterik ez da egin. Benetan, Karajanek ezaugarri bikainak hauteman zizkion, bai teknikoak, bai musikaltasunekoak. Gainera, kalitatean oinarritutako karrera sendoa eramaten jakin du. Esandakoa, musikaren mitoa da.
Eta, gainera, mito eskuzabala, jakinduria banatu eta bere protagonismoa sokaren talentu gazteekin partekatzen dituena. Gazte hauek, Mutter's Virtuosi izeneko taldekoak, lagun izan zituen Musika Hamabostaldiko kontzertu honetan.
Kontzertua, barrokoaren eta musika garaikidearen artean ibili zen. Edertasun diskretuko kontzertua, Kursaaleko publikoak estimatzen jakin zuena, zalantzarik gabe.
Hasteko, Vivaldiren Fa maiorreko kontzertua, hiru biolinentzako RV 551 oparitu zuten. Anne-Sophie Mutter eta beste bi biolin bakarlari, Agata Szymczewska eta Samuel Nebyu, bikain aritu ziren gainerako taldekideekin. Soinu garbia, purua, eta manierismorik eta gehiegikeriarik gabeko fraseaketa izan zen obra honen tonika orokorra.
Ondoren, bakarlari gisa, Mutterrek Bachen Biolinerako kontzertua BWV 1041 eskaini zuen. Biolin jotzaileak eskaintzen duen soinu garden eta izugarri afinatuaz gain, aipagarriena taldearekiko fusio perfektua izan zen.
Lehenengo zatia amaitzeko, denboran zehar bidaia bat egin eta Nonet eskaini zuten, André Previn Mutterren senarra izan zen orkestra-zuzendari zenaren obra. Lan hau, hain zuzen ere, Mutter's Virtuosi taldearentzat konposatu zen 2014an. Oso ederra da eta Shostakovitch-en ukituak ditu, batez ere bigarren zati ilunean. Interpretazioa bikaina izan zen.
Kontzertuaren bigarren zatian Brandenburgoko Kontzertua sol maiorrekoa BWV 1048 jo zuten, kemenez betea, eta Joseph Bologneren lan ez oso ezaguna, Biolinerako Kontzertua la maiorrekoa op.5 2., non Mutterren ezaugarriak antzeman ahal izan genituen: teknika ikusgarria, soinu magnetikoa, eta, batez ere, pasioa eta sinpletasuna.
Entzuleek taldea txalotu zuten, are gehiago hiru bisen ondoren: John Williamsen The Long Goodbye filmaren soinu-banda, Vivaldiren Lau Urtaroen Uda-ren pasarte bat, eta John Williamsen Schindlerren Zerrenda. Benetako gozokiak.
Dena
NOIZ: urtarrilaren 18an.
NON: Gasteizko Jimmy Jazz aretoan.
----------------------------------------------
Galdera bat dabilkit buruan azken aldian: zenbat aldatzen dira gauzak 30 urtetan? Bai, irakurle, asmatu duzu: hiru hamarkada bete berri ditut. Laugarren... [+]
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.
TU-K
Non: Ahotsenean (Plateruena, Durango)
Noiz: Abenduaren 8an
-----------------------------------------
Bufandak, aterkiak eta begi-zuloak ditu abenduaren 8ak Durangon. Azokaren azken egunari igande eguerdia eta negu giro sarkorra gehitu zaizkio eta erdi hutsik daude... [+]
Anari + Belako
Noiz: abenduaren 5ean.
Non: Iruñeko Zentral aretoan.
-----------------------------------------------
Gogoan dut Erasmuseko lehenengo hilabetean ikusi nituela aurreneko aldiz Belakokoak zuzenean. Ez nintzen haiek ikustera joan, azkenean bertan behera... [+]
Iruñeko Baluarten, ostegunean, Israelgo ereserki nazionalaren orkestrako bertsioaren egilearen pieza bat jotzear zirela aurretik zutik jarri eta aretoa utzi du publikoaren zati handi batek. Ereserki horrek “okupazio sionistari” gorazarre egiten diola kritikatu... [+]
Aspaldi ezagutu genuen gaur gaurkoz Añube taldeko abeslari den Aitor Bedia Hans. Garai berean adiskidetu ginen egun Añube taldeko gitarra jotzaile ohia den Beñat Gonzalezekin. Unibertsitateko garaian izan zen, Debagoienako bi gazteak musika zainetan... [+]