Errusiako piano tradiziorik onena
Euskadiko Orkestra Sinfonikoa + Yulianna Avdeeva
Zuzendaria: Robert Treviño. bakarlaria: Yulianna Avdeeva (pianoa).
Egitaraua: Wagner, Chopin eta Xostakovitxen lanak.
Lekua: Gasteizko Principal Antzokia.
Data: ekainaren 8an.
-------------------------------------------------
Euskadiko Orkestrak pasioz eta musikaltasun handiz beteriko saioa oparitu zuen 2022-23 denboraldia amaitzeko.
Izaera handiko hiru konpositore eta bakarlari bikain bat izan ziren Principal Antzokiko entzuleen gozagarri, dudarik gabe.
Richard Wagnerren Nurembergeko maisu kantariak obraren obertura ederrarekin hasi zen gaua. Bi tema handienak patxadaz eta dotoreziaz aurkeztu zituen orkestrak, eta segurtasunez eta soinu osoz moldatu zen taldea Robert Treviñoren aginduetara.
Baina, jakina, saioaren une nagusia Chopinen Pianorako eta orkestrarako fa minorreko 2. Kontzertua-rekin iritsi zen, egungo panoraman dugun piano-jole onenetako batek interpretatuta. Argi geratu zen zergatik irabazi zuen Yulianna Avdeevak Chopin Lehiaketa 2010ean (lehen emakumea izan zen Martha Argerichek 1965ean lortu zuenetik).
Nabarmendu ziren une oro bere diskurtso musikalaren aurkezpen dotorea, soinu ezin zainduagoa, pedalaren erabilera neurritsu eta zuzena, esaldi musikalen arnasketa egokia eta fraseatzean inprimatzen zuen erritmo fina. Kontzertua teknikaz eta pasioz egindako jarioa izan zen, dotorezia infinituarekin. Pianissimi bikain eta delikatuak eta bere distira, arintasuna eta energia behar denean, piano-jotzaile perfektu bihurtzen dute.
Jaso zituen txalo merezien aurrean, bis gisa Xostakovitxen miniatura bat eskaini zuen, bals bat, non bere pultsazioaren fin-fina beste behin agerian geratu zen.
Eta hauxe izan zen, hain zuzen ere, kontzertuaren bigarren zatiko konpositore protagonista. Euskadiko Orkestra "luzitu" egin zen, Dimitri Xostakovitxen 15. Sinfonia, la maiorrean, op. 41 obrarekin, artista errusiarraren azken lanarekin hain zuzen ere. Konposizio arraroa da, beste konpositoreen lan batzuen aipuekin, entzulea benetan lekuz kanpo uzten duena. Xostakovitxek heriotza hurbil zuenez une horretan, ulertu behar da obra honetan ez duela kontzesiorik ematen eta bere ni barnekoena aurkezten duela, entzulearen begirada harrituaren aurrean.
Orkestra espero zen mailan egon zen. Treviñok muntaketa eta soinu trinkotze lan ona egin zuen, eta horren emaitza bertsio dotore eta noblea izan zen, zalantzarik gabe.
Euskal Herriko Gazte Orkestra. Neguko topaketa
Zuzendaria: Iker Sánchez.
Narratzailea: Kepa Errasti.
Egitaraua: Britten eta Beethovenen lanak.
Lekua: Donostiako Victoria Eugenia antzokia.
Eguna: urtarrilaren 2a.
Pucciniren Il Trittico
Nork: Nafarroako Orkestra Sinfonikoak eta Bilboko Opera Abesbatzak.
Eszena zuzendaria: Paco Azorín.
Bakarlariak: C. Álvarez, A. Blancas, M. Berti, C. Isotton, K. Mattila, A. Ibarra, S. Esparza eta I. Hotea.
Non: Bilboko Euskalduna... [+]
Iruñeko Baluarten, ostegunean, Israelgo ereserki nazionalaren orkestrako bertsioaren egilearen pieza bat jotzear zirela aurretik zutik jarri eta aretoa utzi du publikoaren zati handi batek. Ereserki horrek “okupazio sionistari” gorazarre egiten diola kritikatu... [+]
Frantziako musikagileei buruz hitz egitean, Claude Debussy eta Ravel etortzen zaizkigu burura. Bada dibertitzen denik ere, bata edo bestea defendatuz garai guztietako musikagile frantziar onena bezala. Egia esan, bi jeinu absolutu dira, beren garaiko zirkunstantzien ondorio. Oso... [+]
Donizettiren Don Pasquale opera
Taldeak: EOS eta Bilboko Operako Abesbatza.
Bakarlariak: S. Orfila, M.J. Moreno, F. Demuro, D. Del Castillo, P.M. Sánchez.
Eszena-zuzendaria: Emiliano Suárez.
Eszenografia: Alfons Flores.
Lekua: Euskalduna Jauregia.
Data:... [+]
Columbus Fundazioak antolatutako kontzertua, ‘RenHacer’ Musikaldiaren barruan.
Bilboko Orkestra Sinfonikoa.
Zuzendaria: Ramón Tebar.
Bakarlaria: Joaquín Achúcarro.
Egitaraua: Guridi, Grieg eta Brahmsen lanak.
Lekua: Bilboko Euskalduna... [+]
Edizio asko dira orain arte; Espainiako Estatuko musika klasikoko jaialdirik zaharrena da. Behin amaituta, une egokia izan daiteke aurtengo edizioaren balantzea egiteko, baina baita jaialdiaren bizitza luzearen balantzea egiteko ere. Jaialdi bikaina da, oso. Baina hausnartu egin... [+]
Donostiako Musika Hamabostaldia
Euskadiko Orkestra: Zuzendaria: J. Rohrer.
Donostiako Orfeoia: Zuzendaria: J.A. Sáinz Alfaro.
Bakarlariak: C. Reiss, V. Karkacheva, M. Schmitt, H. Müller-Brachmann.
Egitaraua: Beethovenen Missa Solemnis re maiorrean, op. 123.
Egia esan, pena ematen dit kritika honi izenburu hau ipintzea. Bizeten Carmen oso opera ederra da, sentimendu unibertsalak jorratzen dituena, hala nola pasioa, jeloskortasuna, maitatuaren posesioa, independentzia... Eta hori guztia musika-lan bikaina oinarri hartuta. Baina... [+]
Albenizen Iberia Suite monumentalaren bertsio berri bat egitea meritu handiko lana da, merkatuan dauden grabazio bikainak kontuan hartuta. Hori dela eta, Luis Fernando Pérezek Musika Hamabostaldiko errezitaldian egindako lanak sekulako miresmena sortu zidan.
Orkestra handien eta obra handien kontzertuen ondoren, ezin diegu arreta jarri gabe utzi musika-patxada handiagoko, sosegu handiagoko baina edertasun berdineko proposamenei.