Amonak ere dantzatuko du hau!
Hau da bidali nahi dudan mezua: infernutik ikusten da zerua". Honela abiatzen da lehen kanta. Nazareteko Jesusen ustezko berpizkundearen pare, Raimundo El Canasterok Aste Santurako ekarri digu bere lehen lan luzea: N.T.E.R. (No Todo Es Rumba). Rumba talde gisa hasi zena, izugarrizko zapore festa bihurtu delako.
Entzuna nuen taldea, baina usainik ere ez zetorrenaz. Nafarroaldeko lagunei galdetu, eta Ibai Osinagak, txinatar aipu bat nola, hitz gutxirekin azaldu dit azaldu beharrekoa: Lizarraldekoak dira, horrek azaltzen du dena.
Dena ez dakit, baina ondo kokatzen du eztabaida. Nafarroako sustrai batzuetatik abiatuta, mundu osoko iturriak nahastu eta garatzen ditu NTER-k. Porrusalda ekletikoa harrigarriki koherentea da. Eta, garrantzitsuena, oso dibertigarria. Barre egiteko beste disko bat.
Lagun taldea da, eta lagunen gisara, etxean kozinatutako disko ikaragarri honek badu bestela lortu ezin daitekeen freskotasun hori. Hegoaldeko bazileoa, primiko mio. Beltza, el Senisa eta el Caete dira deabruaren artifizio honen egileak-. Eta lagunak saldoka. Goxokiak aipatzearren: Moises no duerme, La Wera eta Txeto.
Ezin ditugu hemen laburtu diskoak dituen harribitxi guztiak: zazpi jauzi bat 13,12 lelo ezagunarekin, eta poliziaren kontrolez abixatzen gaituzten whatsapp taldeetako audioekin; Alaitz eta Maiderren tripizko ametsa; Ray Herediaren Alegria de vivir kantaren bertsioa, udako kanta izateko esperoan; eta hiru atal dituen Taketeo kanta (a ze erritmoak eta a ze zutabeak).
Irrietatik harago, azken urteotan garatzen ari den tradizioaren eta elektronikaren arteko zubi horri aletxoa jarri diote Lizarraldeko lagunek. Orri hauetan aldarrikatu genuen Califato 3/4- ren harira, euskal futurismoaren beharra, eta Raimundo el Canasterok norabide horretan aletxoa jarri du, gure kalifato nabarro honek azken urteotako euskal musikaren ziklo berriari ekarpena eginez.
Euskal Herria jada ez da izan zena; urte batzuez putzu sakon eta iluna izandakoa jada ibai oparoa da; Ekialdetik Mendebaldera, kulturak badu eraldaketa emari berritu eta fresko bat. Ea ur laster horiek, kultur sorkuntzatik harago, gure buru eta iruditeriak ere bustitzen dituzten.
Xabier Badiola
Xabier Badiola
Gaztelupeko Hotsak, 2023
-------------------------------------------------
Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]
Nick Linbött
Nick Linbött
Kaset ekoizpenak, 2024
------------------------------------------------
Komiki jantzi vintage-arekin, rock-and-rollaren hastapenaren eta Gerra Hotzaren bizipenak bete-betean bizi izan zituzten belaunaldiko pertsonaia batzuen akorduan,... [+]
Ciudad de Polvo
Sal del Coche
Humo Internacional, 2022
-----------------------------------------------
Tira, jada bukatu denez Gramsci zitatzeko moda, ekarri dezakegu lerro hauetara oportunismo akusaziorik gabe. Are gehiago Sal del Cochekoek ere hala ekartzen badute:... [+]
Deus
Kaskezur
Usopop, 2024
-----------------------------------------------------
Deus dugu galtzeko” diote baztandarrek. Eta hala da. Disfrutatzeko egin dute beti musika, haziz joan diren lau musikari trebeen arteko joko eta jolasean. 2008an taldea sortu zutenetik... [+]
Laberintuak
Maniaks
Autoekoizpena, 2024
------------------------------------------
Ohikoa da gaztaroaren borborrean musika taldeak sortzea, eta non eta Arrasaten are gehiago. Baina talde bat sasoian eusteak esfortzu eta konpromiso handia eskatzen du, eta tira egin ezean... [+]
Ezpatei Disdira!
Tatxers
Humo Internacional, 2024
-----------------------------------------
Pop melodia itsaskorren gerrillariak. Vietcong txikiak nola, bata bestearen atzetik, tranpekin edo tranparik gabe berriz harrapatzen gaituzte Tatxersekoek. Himnogintzaren maisuak,... [+]
El país de las maravillas
Kinky boys
Autoekoizpena, 2024
---------------------------------------------
Izenaren adieratik gutxi dauka, gaur egun, Bilbon sortutako hirukoteak. Are gehiago, partaideen ibilbideak joan dira garatzen eta aldatzen. Marga Alday ezaguna... [+]
Agur Eta Ohore X Allá Va La Despedida
Chill Mafia
2024
---------------------------------------------------
Chill Mafiak inauguratu zuen aroak lurperatu du Chill Mafia. Denak ez duela zertan betirako iraun, hori argi baino argiago dugu. Eta hobe dela orain,... [+]
Errautsetatik loratzen
Añube
Autoekoizpena, 2024
-------------------------------------------------
Aspaldian sarri pentsatzen dut Debagoienan gazteek ia soilik musika urbanoa edo oi! musika, bata edo bestea, entzuten dutela; hortik kanpo apenas dagoela jende... [+]
Tuka esaten da
Tu-K
Autoekoizpena, 2024
----------------------------------------------
Musika elektronikoa Euskal Herrira iritsi da!” irakur daiteke, azken urteotan, hango eta hemengo titularretan. Kazetariek entrega datak dituzte pentsatzeko ordua iritsi aurretik,... [+]
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Every action has reaction
BLACK BACON
Artza Records / American Leather Records
----------------------------------------------------------
Badira 25 urtetik gora Kataluniako jatorria daukan eta HHH hardcore talde aitzindariaren sortzaile Alex Montiel Euskal Herrira... [+]
Punka. Punka bueltan da, edo hobe esanda, ez da inoiz joan. Lekitxotik (eta ez Lekeitiotik) datoz Zikinekoak, Mendeku Diskak-ekin argitaratu berri duten Bala Galdua Zure Buru Galduan elegantearekin.
“Eixu Zeuk” filosofia. Hori da oinarria eta helburua... [+]
Lau elementuren arteko baturak ez du beti lau ematen; gehienetan hori baino gehiago. Eta zer esanik ez, hainbat proiektutan ibili eta auskalo nola eta zergatik elkartu ziren hauek: Atxe, Led Infierno, Osoron eta Txerra. Aurrekariengatik uste genuen punka egingo zutela, baina... [+]
Ezin da talde baten irakurketa egin bere taldekideen iragana kontuan hartu gabe; eta kasu honetan, are zailagoa da ariketa. Tatxerseko kide bat dago eta Tatxers taldea dakar gogora Borlak. Ekidin ezina da aurreko taldean pentsatzea, baina motz geratuko gara, chorusdun gitarra... [+]