Exekuta dezatela
Gogoan dut lagunak direla garrantzitsuena bizitza honetan”, irakurri nuen duela ez hainbeste liburu batean. Edo hori dut gogoan nik, ez dakit zehazki hala zioen. Tira, garrantzitsuena ez dakit, baina ondasun preziatua bai, gutako askoren kasuan urria, eta, beraz, urregorria balitz bezala zaindu beharrekoa.
Whatsapp –edo Telegram– taldeetara eduki diskriminatzaileak iristen zaizkigu, txiste edo meme forman, eta kanpainak egiten dira, horiek zabal ez ditzagun, eta are bidaltzaileari hori zabaldu izana aurpegiratzeko. Esaterako, taldekide batek eduki sexista bat bidaltzen badu, kanpainak iradokitzen digu zer egin dezakegun. Noski, mezua ez zabaltzea ariketa erraz samarra iruditzen zait. Besterik da bidaltzaileari –maiz lagunari– errieta egitea, edo taldean sortu den bozkarioari etena jartzea. Hori biolentoa da, eta harreman batzuk alda ditzake –normalean higatze aldera, ez hainbeste sendotze aldera–. Zorionez, ez dut halako mezu motarik jasotzen whatsapp taldeetan, nire estandarren arabera, betiere.
Rage Against The Machine talde amerikarraren "Killing in the name" abesti dagoeneko klasikoak honela dio behin eta berriz: "And now you do what they told ya". Alegia, gutxi gorabehera, eta itzulpena zutabe honetarako hutsala izanik, "eta esan zizutena egiten duzu orain".
Irriño zuztarbako batez erantzuten duzu, ez duzulako giroa gehiegi mikaztu nahi, goizeko hirurak direlako, eta ez diozu "ez nago heriotza-zigorraren alde" belarrira oihukatu nahi
Bada, askoz lehenagotik ezagutzen ez nuen lagun euskaldun batekin nengoela, gau arrunt bateko ordu txikitan, kanta hori jarri zuten tabernan, ozen. Halako batean, estribilloa zetorrela-eta, gerturatu zitzaidan laguna, eta konplizitatez belarriratu zidan lagunartean erabili ohi zuten aldaera: "¡Que ejecuten a Atutxa!".
Ez da segur aski estribillo horrekin egindako hitz-jokorik ezagunena, baina ezagutzen nuen propio moldatutako –eta dezente bihurritutako– mondegreen hori ere. Pentsatzen dut Eusko Legebiltzarreko lehendakari ohi Juan Mari ate-biratzaileari egindako keinua dela, baina Bizkai Buru Batzarreko lehendakari Itxasorentzat berdin balioko luke. Edo, zergatik ez, prezio berean, bien packarentzat. Bi pájaro tiro batez.
Eta irriño zuztarbako batez erantzuten duzu, ez duzulako giroa gehiegi mikaztu nahi, goizeko hirurak direlako, eta ez diozu "ez nago heriotza-zigorraren alde!" belarrira oihukatu nahi, ezezko keinu kondeszendiente batekin batera, kezkatzen zaituelako lagunaren erreakzioak. Zeren agian erantzuna isiltasuna izan baitaiteke, noiz arte luzatuko den ez dakizun isiltasuna. Whatsapp –edo Telegram– talde batean zuk zerbait esan eta inork erantzuten ez duenean bezala.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Askotan gertatu izan zait etxetik lanbroari so egon ostean, blai bukatuko dudala jakin arren, aterkirik ez hartzea. Zergatik ote? Beharbada, aterkia hartzeko gogorik eza? Beharbada, bustiko ez naizen itxaropena? Kontuak kontu, ondorioa beti berbera izan da. Esaerak dio, euri... [+]
Gogoan daukat, 16 urterekin, Bergarako epaitegi aurrean egindako euskararen aldeko elkarretaratze batean identifikatu ninduela Ertzaintzak lehen aldiz. Euskal Herrian epaitegiak euskalduntzeko aldarria zilegi zela pentsatzen genuen, baina, orduan ere, faltako zen baimenen bat,... [+]
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Nafarroako Energia Planaren eguneraketa oharkabean igaro da. Nafarroako Gobernuak jendaurrean jarri zuen, eta, alegazioak aurkezteko epea amaituta, gobernuko arduradun bakar batek ere ez digu azaldu herritarroi zertan oinarritzen diren bere proposamenak.
Gobernuak aurkeztu... [+]
Sobietar Batasuna desagertu zenetik errusofobia handituz joan da. NBEko Segurtasun Kontseiluaren 2002ko segurtasun kontzeptua oso argia da, eta planetaren segurtasun eta egonkortasunak AEBei erronka egiteko asmorik ez duen estatuen menpe egon behar dutela adierazten du. AEBei... [+]
Andoni Urrestarazu Landazabal Araiako herrian 1902ko uztailaren 16an jaio zen eta 1993ko azaroaren 21ean hil zen Gasteizen. 31 urte bete dira jadanik eta bere izena eta izana aitortzeko une aproposa dela deritzot, ez baita ongi ezagutzen utzitako ondarea. Umandi, bere herriko... [+]
Autobiografia idaztea omen da garapen pertsonalerako tresnarik eraginkorrena, askatzaileena. Iraganeko kontuei tira egin eta gogora ekartzeak, orainaldiko korapiloak askatzen laguntzen omen du. Bai, laguntzen du orainaldia ulertzen eta komeni zaigun etorkizun bat marrazten... [+]
Pandemiaren iragarpenetik Valentziako tragediarainoko errepasoa egin eta ondorioztatu dut gezurra eta forupea suhesi gisa dituen kudeaketa instituzional negargarria klase gobernariaren konstantea dela.
Ez dugu gobernari ordezko baliogarririk sistema pendular hau aldatzen ez... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]
Adimen artifiziala gizakion eremu asko ordezkatzen ari dela badakigu: erosotasuna, abiadura, efizientzia... Mundu kapitalista honen abiadura beharretan, gizakion ahalegina oztopo dela sinetsarazi digute. Gure, klase xumeen, egiteko eta sortzeko aukerak murrizteko erasoak leku... [+]
Azken asteotan, arkitekturan dihardugunontzat ez da posible izan Valentziako klima gertaera gure lan hizketaldira ez ekartzea. Uraren ibilbidea eraikinen estalkietan, estolderietan, plazetan eta parkeetan pentsatu eta diseinatu behar ditugulako. Ongi dakigu giza eskalako ur... [+]
Autoestimuak batzuetan gauza intimoa dirudi. Baina autoestimuak zerikusia baldin badu norberak bere buruaz duen irudiarekin, norbere buruari ematen zaion balioarekin, zerikusia izango dute hartu ditzakeen erabakiek ere. Zer balio du erabakirik hartu ezin duen norbaitek? Eta... [+]
Sanmartinak gure baserrietan oso ezagunak dira, txerria hiltzeko garaia baita. Jende askok, ordea, ez du jakingo antzina San Martin egunak nekazaritza urtearen amaiera ezartzen zuela. Eta hori ez zen ahuntzaren gauerdiko eztula. Izan ere, urte amaierarekin etxeko ugazabari... [+]
Aste oso batez aritu gara Collodiren Pinotxoren abenturak liburuaren inguruan, unibertsitateko ikasgelan, Haur Hezkuntzako eta Lehen Hezkuntzako irakaslegaiekin. Gure erreferentzia nagusia Galtzagorrik 2011n argitara emandako edizio ederra izan da –hitzaurrea barne, 171... [+]
“Ibiliz ikasten da ibiltzen, eta kantuan kantatzen”. Horixe izan da aste honetako ikasgaietako bat C2ko taldeetan. Helburua ez zen abesten edo oinez ikastea, gerundioa behar bezala erabiltzea baizik. Zer pentsatua eman dit jarduerak, eta irakasten nola ikasten dugun... [+]