Hau danok entzuteko egina izan zen
Lagun talde txiki bat lerrotan jarrita dago. Aretoan ez da musika talderik baina musikak Espora espazioa inbaditu du. Hormetatik biraka dabil, bost bozgorailutatik uluka. Musika erreproduktorean Akauzazte taldearen Dan Danok diskoa jarrita dago. Jendeak adi entzuten du. Isilik eta, askok, begiak itxita. Irudia indartsua da kanpotik ikusita, zirkuluaren barruan ez bazaude. Horrela nabil ni, begiak zabalik eta aretotik bueltaka, musikarekin batera jendearen inguruan bidaian.
Hau bi formatutan entzuteko egina izan zen. Diskoak bi aurpegi ditu. Batean hamaika abesti daude, bestean zazpi baino ez. Akauzaztek ohikoa duen moduan, abesti hauek su txikian egosi ziren Matadeixen, etxean, non bestela. Han, Izarraitz pareko babeslekuan grabatu, nahastu eta atondu zituzten. Nahasketa haiek Angel Katarainek bere gisara birmoldatu zituen 5.1 erara nahastuz. Horrela, disko hau entzutea ispiluan barna abiatzea bezalakoa da: bi begirada, bi esperientzia desberdin. Antzekoak diruditen bi mundu jartzen zaizkigu aurrez-aurre, txanpon beraren bi aurpegi.
Hau Akauzazteren unibertsoa hedatzeko egina izan zen. Taldea ohikoak dituen koordenadetan mugitzen bada ere, propioa duten gose kanibalak bultzatuta, eremu berriak esploratzen jarraitu zuten beraien zazpigarren lan honetan. Hemen Artze, Laboa, Neubauten, Swans, Cave eta abarreko erreferentziekin batera, erraietatik sortua eta inkonszientearen alde ilunetik ekarritako musikarekin batera, lurralde berriak ezagutuko ditugu. Mapan ezkutuan zeuden bailara eta kobak erakutsiko zaizkigu. Katarainek atondutako bertsioak taldeak ezinezkoak zituzkeen lekuak transitatzen ditu. Entzunaldiaren ondoren izandako solasaldian Roge taldekideak esan bezala: “Hau ezin zen galdu”.
Momentu batzuetan negar malkoak ere erori dira entzule batzuen begietatik behera. Hau beste norbaitek abesteko egina izan zen. Horrela dio lana irekitzen duen lehen esaldiak. Horrekin ematen zaio hasiera diskoari exorzismo bat bailitzan. Hau Josetxo Anituak abesteko egina izan zen. Bere heriotzaren ondoren taldekideek bete behar izan zuten hark utzitako hutsunea. Inbokazioak gorabehera, heriotza disko osoan zehar izango da gurekin. Ezinezkoa izango da mamuei izkin egitea. Hobe beraiekin batu eta esan behar digutena entzutea. Beraien presentzia eta esentzia gure artean onartzea. Horrela onartu dute entzuleetako batzuek.
Hau danok gozatzeko egina izan zen. Autoekoiztu eta libre jarri baitzen danon eskura. Horrelakoa baita Akauzazteren izaera. Zoritxarrez 5.1 bertsioa entzuteko gailu berezia behar da, gutxik eskura duten tresna. Horregatik antolatu da emanaldi hau, nahasketa berezi honetaz gozatzeko, ispiluaren bestaldean dagoena ezagutzeko. Akauzazteren unibertsoaren txoko ezezagunenak ere elkarrekin deskubritzeko.
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.
TU-K
Non: Ahotsenean (Plateruena, Durango)
Noiz: Abenduaren 8an
-----------------------------------------
Bufandak, aterkiak eta begi-zuloak ditu abenduaren 8ak Durangon. Azokaren azken egunari igande eguerdia eta negu giro sarkorra gehitu zaizkio eta erdi hutsik daude... [+]
Anari + Belako
Noiz: abenduaren 5ean.
Non: Iruñeko Zentral aretoan.
-----------------------------------------------
Gogoan dut Erasmuseko lehenengo hilabetean ikusi nituela aurreneko aldiz Belakokoak zuzenean. Ez nintzen haiek ikustera joan, azkenean bertan behera... [+]
Iruñeko Baluarten, ostegunean, Israelgo ereserki nazionalaren orkestrako bertsioaren egilearen pieza bat jotzear zirela aurretik zutik jarri eta aretoa utzi du publikoaren zati handi batek. Ereserki horrek “okupazio sionistari” gorazarre egiten diola kritikatu... [+]
Aspaldi ezagutu genuen gaur gaurkoz Añube taldeko abeslari den Aitor Bedia Hans. Garai berean adiskidetu ginen egun Añube taldeko gitarra jotzaile ohia den Beñat Gonzalezekin. Unibertsitateko garaian izan zen, Debagoienako bi gazteak musika zainetan... [+]
Kutixik jaialdia
Non: Intxaurrondoko Kultur Etxean, Donostian.
Noiz: Urriaren 26an.
---------------------------------------------
Donostialdean sortutako musika ekimena da Balio Dute, autogestioa zimendu eta lan-tresna gisa hartuta, "musikariak prekario, bakarti eta... [+]