Begi bistakoa
"Kontatu didate New Yorken, Broadway eta 26 karrikaren kantoian…”
Garai batean gauez GAC bizikleta zaharrean nindoanean bezala, arazo handiak ditut urrutira ikusteko. Irudimenaren gurpilak dinamoari ematen dion indarra nahikoa izan ez, itxuraz. Urrutira ikusi ezin, eta gertukoari igartzen ez.
Roman Krznaric intelektual australiarrak The good ancestor (Arbaso ona) liburuan dio kontsumismoak eta sare sozialek gaur eguna soilik ikustera behartzen gaituztela.
Ondorioz, "katedral pentsaera" lantzea proposatzen du: ehun urtean mundua erabat aldatuko denez, gure gaurko begirada urrutira luzatzea, gure garaian gizarteak hartutako erabakiek marraztuko dutelako atzetik datozen belaunaldien errealitatea.
“…negu gorrian gizon batek gauero jendeari otoi aterpea eskatzen diela bilutsik daudenentzat…”
Orain hurrena, herriko gazte batzuk bizi duten testuinguruaren analisiaren ondorioz sortutako proposamen politikoei buruz aritu zaizkigu: egiturazko langabezia, bizi ereduaren pobretzea, emantzipatzeko ezintasuna, interbentzio kulturala, hipersexualizazioa, autoritarismoa, hezkuntza sistemaren arrakalak… Laburtuz, eredu kapitalista utzi eta langileen beharrak aseko dituen eredu berria sortzeaz.
Eta nik egungo langileen arazoez edo etorkizunari begira ari ote diren galdetu diot neure buruari.
“Mundua ez da era horretan aldatzen, pertsonen hartu-emanak ez dira hobekitzen, zamaroa ez da hola laburtzen, baina…”
Hurrengo egunean, Elkar-ekin taldeak, herritar xume eta animoso batzuek osaturiko lantaldeak, azken hilabeteotan egin duen lanaren berri eman zigun urteko batzar irekian. Kanpotik pobreziari eta sarri heriotzari ihesi datozenei laguntzeko sortutako lantaldea da. Bigarren eskuko produktuz osatutako denda bat badute, eta ia musutruk duintasunari eusteko behar den dena topa dezake bertan gurera iritsi berriak: konpainia, arropak, informazioa, besarkadak… eta, ahal den neurrian, lana.
“…baina batzuek gau batez ohea dute, aterbean haize hotzik ez eta, beraiei zihoakien elurra karrikan ari da…”
Krznaricek dio klimaren krisiari eta ondoriozko krisi ekonomiko, sozial, etiko eta gainontzeko krisi guztiei ezin diegula gertuko betaurrekoekin begiratu. Herriko gazteek diote urrutira begiratzeko gertu dugunari erreparatu behar diogula, Elkar-ekin lantaldekoek gaur gauean elurra egiten badu nola moldatuko diren jakin nahi dute.
Orain, aspaldiko hartan baino bizikleta hobea dut, baina arazoa ez da aldatu: urrutira begiratzen badut, ez ditut muturraren aurrean ditudan bideko zuloak ikusten. Eta gertukoari erreparatzen badiot, urrutixeago zer dagoen ikusi ezin.
Bertolt Brechti galdetu beharko diot.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Badira, garun distiratsua izanik, "zehaztasun gutxiko" definizioekin, gauza bera, beste era batera esanda, aldatzen eta itxuraldatzen adituak direnak. Berea zen, eta hainbat hamarkadatan errepikatu den proiektu in eternum bat izan da. Hasiera batean hori zen hegemoniko... [+]
Abenduaren 26an, aireko eraso batean, Israelgo armadak bost kazetari palestinar hil zituen. Haiekin 130 kazetari palestinar hil zituzten. Albiste horrek gauza pare bat gogorarazi dizkit, lehenengoa, benetako kazetariek jasaten duten jazarpena munduko edozein lekutan, adibidez,... [+]
Azken hilabete hauetan hainbat institututan lan egitea egokitu zait eta, uneren batean edo bestean, ikasleekin lan merkatuak eskaintzen dituen aukerez hitz egin behar izan dut. Ikasleen tipologia askotarikoa da eta hiri berean asko aldatzen da auzo batetik aldamenekora,... [+]
Historikotzat nekez har daitekeen argazkiaren erdian agertzen den neskatoa idazten ari da, zer eta izenorde zerrenda bat: ni, zu, hura, gu, zuek, haiek. Beherantz begira egonik, neskatoaren begirada nolakoa den antzeman ezinik gelditu naiz ni.
Argazkilariaren lanari soraio,... [+]
Pertsona nagusiekin edo aniztasun fisiko eta neuronalak dituzten pertsonekin lanean zaudenean, dugun gizartean gaitasunaren ideiak espezie bezala asko mugatzen gaituela ohartzen zara. Hau da, dugun sistemak gauzak modu espezifiko batean egiteagatik jartzen zaitu balioan, eta... [+]
Idatzi nahi nuen gabonetako argien alde, eta urteroko ohitura bilakatu aldarrikatzea, kaleak argitzen dituzten aro honetan, espazio publiko apain, alai eta gozagarri bat, klase ikuspegitik. Baina, noski, espazio publiko epelak ere bai, zenbait gazte liburutegietan liburuak... [+]
Barkatu hariztiak, artadiak, zumardiak, lertxundiak, lizardiak, haltzadiak, gaztainadiak, urkidiak, gorostidiak, sagastiak, pinudiak eta zuhaitzen elkarte guztiak, baina, gaur, pagadiak du hitzordua negu-mugako ospakizunak direla eta.
Errazagoa egiten zait negu-mugako... [+]
Badator Euskaraldia, berriz ere. Urte berriko udaberrian izango da oraingoan, antza. Dagoeneko aurkeztu dute eta, egia esanda, harritu egin nau; ez Euskaraldiak berak, ezpada beraren leloak: Elkar mugituz egingo dugu.
Irakurri edo entzun dudan lehenengoan, burura etorri zait... [+]
Ildo beretik dator Eusko Jaurlaritza berriaren politika. Hitzak bai, baina ekintzak ez dira argi ikusten Pradalesen gobernuak aurkeztutako aurrekontuan.
Sistema kolonial kapitalista heteropatriarkala auzitan jartzen eta borrokatzen denean, gupidarik gabe erasotzen du bueltan. Eskura dituen tresna guztiak erabiliz, instituzioak, medioak, justizia, hizkuntza, kultura, indarkeria... boterea berrindartzeko, sendotzeko eta... [+]
Ez dakit zuek ere pertzepzio bera ote duzuen –aitor dut: modu azientifikoan hasi naiz idazten hemen–. Pereza hitzaren hedatze naturalaz ari naiz. Gero eta gehiago aditzen baitut Hego Euskal Herriko bazterretan: euskaraz, espainolez eta, jakina, euskañolez... [+]
Askok, Gabonetan, ilusioa baino alferkeria handiagoa sentitzen dugu familia-otordu eta -topaketetan pentsatzean. Baina aurreratzen dizuegu ez dela otordua bera kolektiboki deseroso sentiarazten gaituena, familia tradizionala definitzen duen normatibitatea baizik. Are gehiago,... [+]
Betidanik begitandu zait esanguratsuagoa han-hemenka topa daitezkeen guruztokiei gazteleraz esaten zaien modua: humilladero. Ez al da guruztoki edo santutxo izen nahiko light, zuri edo haragoko konnotaziorik gabekoa? Azken batez, bertatik pasatzen zen oro umiliatu behar zen... [+]
Siriako Arabiar Errepublikaren amaierak harridura handia sortu du, gertatu den moduagatik: azkar eta ia erresistentziarik gabe. Halere, ez da hain arraroa herrialdea suntsituta, pobretuta eta zatitua zegoela kontutan hartzen badugu. Aspalditik siriar gehienen ardura ez zen nor... [+]