Ikusgarriak dira berriz ere metalgintzako sektoreko grebak Bizkaian azken bi asteetan utzi dizkigun irudiak. Badago langile borrokaren amaieraz aritzen denik Euskaldunako garaiak nostalgiaz gogoratuz, baina errealitatea da lan gatazken kopuruak gora egin duela Euskal Herrian urtez urte, eta emaitzak, nahi baina mugatuagoak izan arren, hor daudela. Lan baldintzak babesteko sinatu diren hitzarmen gehienak langile borrokaren ondorio izan dira. Borroka guztiek ez dute oihartzun bera ordea.
Zaharren egoitzetako langileek –gehienak emakumeak– borrokan jarraitzen dute, grebak egiten eta kalera irteten. Sindikatuen arteko akordiorik gabe eta mobilizatzeko hainbat bide erabiliz bada ere, herrialde guztietan daude gatazkak zaintzaren esparruan.
Eta lerro buruetan aurkitzea zaila den borroka honen guztiaren testuinguruan, izan dugu Lakuan egin eta Eusko Jaurlaritzak parlamentuko lau pareta artean gorde nahi izan duen ikerketa baten berri: COVIDak gehiago hil zuen langile gutxiago zituzten zaharren egoitzetan. Ikerketak erakusten du, borrokan urteak daramatzaten emakumeek arrazoi osoz salatzen dituzten ratioek, eragin zuzena izan zutela heriotza kopuruan.
Negarrari ezin eutsirik, zera erantzun zidan langile batek ikerketari buruz galdetuta: “Minez oihuka zorabiatzen ziren, gainean kaka egiten zuten, jaten ematea behar zuten… Gehien behar gintuzten momentuan, langile bakarra ni nintzen txanda osoan, 31 pertsona zaintzeko. Ezinezkoa zen”. Ez dugu zertan Madrilera joan, salatzeko zaharren egoitzetan negozioa jarri zela zainduak izan behar zuten nagusien osasunaren aurretik; baditugu hemen aukerak zaintzako langileekin kalera ateratzeko.
Nafarroan hezkuntza publikoko milaka irakasle greba egitera daude deituta ostegun honetan eta mobilizazio ugari iragarri dituzte sindikatuek. Ratioen jaitsiera, plantillak egonkortu eta gainzama arintzea eskatzen dute, besteak beste: "Gobernuari dagokio hezkuntza publikoa... [+]
Euskal Kostaldeko ospitaleko zuzendaritzak aurkeztu duen lan denboraren berrantolaketa proiektuaren salatzeko, intersindikalak mobilizaziorako deia egin zuen asteartean. Berrantolaketa proiektu horrek 2002an sortutako hitzarmena hausten duela diote sindikatuek, besteak beste RTT... [+]
Bi urte igaro dira Espainiako Estatuan funtsa sortzeko legea onartu zutela, baina Pedro Sánchezen gobernuak oraindik ez du araudirik garatu eta ez du aurrekonturik funtsa diruz hornitzeko. Espainiako Kongresuan talde politiko guztiek aho batez eskatu diote, berriz ere,... [+]
EAEko Justizia Auzitegi Nagusiak ebatzi du hirugarren graduan dagoen presoak eskubidea duela langabezia jasotzeko. LAB sindikatuak aurrekari gisa ikusi du epaia eta urrats bat dela dio "presoen oinarrizko eskubideak aitortzera bidean".
Irunberriko etxe partikular batean lanean ari zela erorita hil da 42 urteko iruindarra. Sindikatuen esanetan, lan-segurtasun araudia "ez da betetzen" eta erantzukizunak argitzeko eskatu dute. LABen arabera, jadanik 42 dira Euskal Herrian lanean ari zirela hildakoak.
2017an izendatu zuten LABeko idazkari nagusi eta gaur egun Igor Arroyorekin partekatzen du koordinatzaile orokorraren kargua. Eredu sindikalak, aliantzak, helburu orokorrak eta etorkizuneko erronka handiak landu ditugu ondoko lerroetan. Eskuin muturraren mamua ere agertu da.
1970eko hamarkadaren erdialdean sigla dantza itzela zegoen euskal panorama soziopolitikoan, eta horien artean mordoxka bat ezker abertzalekoak. Mende erdi geroago, denboraren higaduraren edo errepresioaren ondorioz, horietako gehien-gehienak desagertuta daude, arbola bakarra... [+]
Espainiako Ministro Kontseiluak etxeko langileentzako osasun-azterketak, formazioa eta lan-arriskuak ebaluatzea ezartzen duen dekretua onartu berri du. Baina dekretu horrek arrakala garrantzitsuak ere baditu: langileari “sekretu profesionala” mantentzea eskatzen dio,... [+]
Nafarroako Foru Komunitateko hezkuntza publikoko sindikatuek (STEILAS, ANPE, AFAPNA, LAB, CCOO, ELA eta UGT) 2024ko irailaren 26ko ostegunerako greba deialdia aurkeztu dute Hezkuntza Departamentuko erregistroan.
30 urteko behargina hil da Amezketako (Gipuzkoa) paper fabrikan. Ibarra Argi Lanak enpresak azpikontratatuta zegoen. Elkarretaratzea egin dute ostiralean, 11:00etan, gertatutakoa salatzeko. 2024an hil den 38. langilea dela adierazi du LABek.
Juan Mari Aburto alkateak jai apartak izan direla esan arren, kale saltzaileek Aste Nagusian etengabeko tentsioa, jazarpena eta presentzia polizial neurrigabea bizi izan dutela kritikatu dute. Beren eskubideak babesteko neurriak adostu nahian uztailetik Bilboko Udalarekin... [+]
Esku-hartze sozialeko sektore publikoaren alde.