Abenturak Moskun barrena
Oker ez banago hau da Haritz Larragetaren lehen liburua, euskaraz eta gaztelaniaz argitaratua, eta haurrei zuzendua.
Idazlea hasieratik zuzentzen zaio irakurleari, “Anna Kopek ezagutzen duzue?” galderarekin, eta horrela ekiten dio berehala Jokin eta Uxue neba-arreben istorioa kontatzeari. Ama kazetaria dute eta munduko futbol txapelketaren berri eman behar du Moskutik. Hori dela-eta, hirurak joango dira Errusiako hiriburura zenbait aste pasatzera.
Liburuan, estilo errazean eta narratzaile orojakileak irakurleari informazio asko emanez, bi gazteen abentura kontatzen zaigu; hoteleko giroa, hizkuntzarekin dituzten zailtasunak, nola ateratzen diren beraiek bakarrik hoteletik kanpo buelta bat ematera, emakume bitxi batekin izaniko enkontrua eta horren ondorioz izango duten egun bateko abenturazko zurrunbiloa. Matrioxka errusiar panpina bitxi biren istorioa eta horiek elkartzean denbora gelditzeko duten ahalmena dugu abenturaren muina; matrioxkak eskuratu eta boterea eskuratu nahi dutenen aurrean panpinak bereizi eta gordetzea defendatzen duen emakume talde batekin egiten dute bat bi neska-mutilek, eta arriskuak, abenturak, une larri eta atseginak igaroko dituzte inoiz ahaztuko ez dituzten egunetan.
Erraz irakurtzen den liburua dela esan dugu, irakurleak hasi eta irakurtzen jarraitu nahi duen liburua; baina, egia da ere, errealista izan nahi duen egoera batean sinesteko zailak diren gertakariak planteatzen direla. Kontakizunak oso tonu sinplea du eta idazkera literario aldetik hainbat hutsune ere baditu. Esaterako, badirudi Jokin eta Uxue direla narratzaileak –beraiek sorturiko blog batean, amaieran iradokitzen den bezala–, baina narratzailea beste bat da, orojakilea.
Alde horretatik, gustura irakur daitekeen liburu baten aurrean gaudela esan dezakegun arren aitortu behar da literarioki gehiago landu beharrekoa dela, eta hori esaten dut apustu handia egin delako liburuaren edizioan –ilustrazioen aldetik, koloretan eta oso adierazkorrak, Marko-Maëlaren eskutik eta azal gogorreko edizioa eginez–, eta badirudielako hauxe dugula Anna Kopek misteriotsuaren istorioak jasoko dituen bilduma bateko lehen alea.
Puntobobo
Itxaso Martin Zapirain
Erein, 2024
----------------------------------------------------
Izenburuak eta azaleko irudiak (Puntobobo, artile-mataza eta trapuzko panpina) osasun mentala, puntua egitea eta haurtzaroa iradokiko dizkigute, baina adabaki gehiago... [+]
Itsasoa bete urre
Dani Martirena
Irudiak: Ana Ibañez
Txalaparta, 2022
--------------------------------------------
Liburu honetara barneratzen den irakurleak sentsazio ugari izango ditu. Deigarria da azaleko letren urre kolorea eta zuritasuna, goialdean ageri den... [+]
Migranteak
Issa watanabe
1545 argitaletxea, 2024
-------------------------------------------
Ezagutzen ez nuen 1545 argitaletxeak 2024an itzuli eta kaleratu du Issa Watanaberen Migranteak liburua. Animalia talde batek egiten duen migrazio prozesua kontatzen du; eta... [+]
DETAILE XUME BAT
Adania Shibli
Itzulpena: Aitor Blanco Leoz
Igela, 2024
----------------------------------------------
Egunotan, Israelgo soldadu batek bideo-joko batean balego bezala droneak erabilita Palestinako ospitaleak, eskolak, errefuxiatu-eremuak bonbardatzen... [+]
Fun Home. Familia-istorio tragikomiko bat
Alison Bechdel
Txalaparta, 2024
---------------------------------------------
Fun Home. Familia-istorio tragikomiko bat (2006) nobela grafikoaren lehen argitalpenarekin egin zen ezaguna Alison Bechdel komikilaria, nahiz eta berak... [+]
PLEIBAK
Miren Amuriza Plaza
Susa, 2024
--------------------------------------------------
Miren Amurizaren bigarren eleberria argitaratu du Susak Durangoko azokaren atarian: Pleibak. Aurretik egindako grabazio baten gainean kantatzen ari zarelako antzerkia egitea da... [+]
Non sense liburua
Edward Lear
Itzultzailea: Juan Kruz Igerabide
Denonartean, 2024
----------------------------------------------
Edward Lear idazle eta ilustratzaileak 1846an argitaratu zuen esku artean dugun obra hau. Igerabidek liburuaren hitzaurrean dioen bezala,... [+]
Hetero
Uxue Alberdi
Susa, 2024
----------------------------------------------------
Negazionismoaren, manosferaren eta trollen aroan ezinbestekoa da literaturaren ekarpena, errealitatearen tolesei begira jartzeko tresna paregabea delako: inguruan ditugun zapalkuntza... [+]
Guardasolak euria nahi du
Patxi Zubizarreta
Ilustrazioak: Irrimarra
Ibaizabal, 2024
---------------------------------------------
Duela 30 urte argitaratu zuen Patxi Zubizarretak Marigorringoak hegan liburuxka; J. M. Lavarellok ilustratua eta Edebé argitaletxe... [+]
Begiak zerumugan
Idazlea: Miren Agur Meabe
Ilustratzailea: Ane Pikaza
Elkar, 2020
-------------------------------------------------------
Askotariko testuak eta liburuak argitaratu ditu Miren Agur Meabek. Literatur genero guztiekin aritu da: haur eta gazte literatura,... [+]
Barrengaizto
Beatrice Salvioni
(Itzulpena: Fernando Rey)
Txalaparta, 2024
------------------------------------------------
Barrengaizto izenburua aukeratu du Fernando Reyk Beatrice Salvioni-ren La malnata itzultzeko. Reyk dio idazlearen ahotsa izaten ahalegindu dela,... [+]
PELLOKERIAK
Ruben Ruiz
Ilustrazioak: Joseba Beramendi, Exprai.
Elkar, 2022
-----------------------------------------------
Ruben Ruizek kontakizun laburrez osaturiko obra berri bat eskaini digu. Ez dira mikroipuinak, kontakizunek, modu independentean irakur badaitezke... [+]
Memet
Noemie Marsily eta Isabella Cieli
A fin de centos, 2022
--------------------------------------------------
Kolore gorriko kanpineko kremailera ireki eta atetxotik begira gaude Lucyrekin batera. Portada honekin hartzen du irakurlea Memet komikiak. Hitz gutxiko... [+]
Bihotz-museo bat
Leire Vargas
Elkar, 2024
-----------------------------------------------------
Gazte-egarri da euskal kultur sistema. Horixe zioen Leire Vargasek Berria-n idatzitako zutabean. Odol freskoa nahi du industriak: askotarikoa eta dibertsoa. Azkenean, baina,... [+]
Norberak maite duena. Hitza gogoan, irakurketa biziz
Miren Billelabeitia
Pamiela, 2022
------------------------------------------------
Miren Billelabeitia institutuko irakaslea da, literaturzalea eta Literatura unibertsala irakasgaia ematen du duela zenbait urtetatik... [+]