Prato eta beste berde guztiak
Beti egiten du ilusio berezia artista euskaldun bat Euskal Herritik kanpo ikusteak, beti dago urduritasun eta konplizitate puntu bat. Poesia i més festibala ospatzen du urtero udan Palau fundazioak, Maresme eskualdeko herrietan emanaldiak antolatuz. Motoz egin dugu Sant Esteve de Palautorderatik Caldes d’Estrac-erako bidaia.
Verde Prato
NOIZ: Uztailak 10
NON: Caldes d'Estrac (Herrialde Katalanak)
Fundazioaren eraikinaren atzeko aldean dagoen lorategian dugu gaurko zita. Lekua eta bertako bistak ederrak dira. Giro herrikoitik, ordea, gutxi du, egia esan, Kataluniako festibal pijo horietako bat da – giro eta prezio aldetik– . Gaur kantatzera datozenak ez bezala, heldua da publikoa, orokorrean.
Looper-a eta teklatua lagun igo da Ana Arsuaga oholtza txikira eta Lourdes Iriondoren hitzekin eman dio hasiera emanaldiari. Ez da gutxi tolosarrak bere ahotsa kontrolatzeko duen gaitasuna, baina batez ere, bere ahotsa kanta berean esaldi batetik bestera ilundu edo argitzeko duena. Bada jende bat bere vibrato bereizgarria izatea ere lortzen duena eta Verde Prato da horietako bat.
Gaztetasuna nabari bazaio, ez da gaztetasun inuzente bat interpretatzerako orduan duena. Presentzia eta segurtasuna – edo itxura, behintzat– soberan ditu agertokian, kanta batetik bestera pasatzeko tartean irribarre urduri batek umiltasuna eta urduritasun puntu bat erakusten baditu ere. Hor bakarrik igartzen da zaurgarri. Baseen gainean dantzatzeko eta a capella kantatzeko arazorik ere ez du, mikrofonoarekin edo gabe –esanen nuke hauetako batean harrapatu nauela kantuan–.
Esku bat bularrean eta urdailean bestea kantatzen du dantzan edo teklatuan ez badabil eta agudoetara igotzera zihoala nekienean sufritzen banuen ere, aldiro erakutsi du erregistro zabalaren erabateko kontrola. Looper-ak eta aurreprogramaturiko baseak dituzten kantak zailak dira bukatzen, ez dago aukera handirik ez bada gutxinaka bolumena jaitsi edo bat-batean eteten direla, eta bortitzak egin zaizkit batzuetan bukaera horiek.
Hamar bat abestiko kontzertua eskaini du tolosarrak, Kondaira eder hura diskokoak gehienak, baina baita argitara eman dituen Jaikiera-ko azken biak, beste berriren bat eta bi bertsio ere. Eskertzekoa izan da bertsioak bertsio izan direla, ez kanten interpretazio soil. Hertzainaken eta Kortaturen abesti bana bere egin du Verde Pratok, armonia garbiak ateraz eta melodiak leunduz, horiei protagonismoa emanez.
Oholtza gainekoak beti du eskerrak emateko ardura, baina gauza desberdinengatik eman daitezke eskerrak: etortzeagatik, isilik egoteagatik, dantzatzeagatik… "Eskerrik asko etortzeagatik eta hain errespetutsu izateagatik", bota du musikariak. Pentsa zer bizitzeko prest igotzen den oholtzara musikaria, bueltan errespetua jasotzeagatik ere eskerrak ematen baditu modu naturalean.
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.
TU-K
Non: Ahotsenean (Plateruena, Durango)
Noiz: Abenduaren 8an
-----------------------------------------
Bufandak, aterkiak eta begi-zuloak ditu abenduaren 8ak Durangon. Azokaren azken egunari igande eguerdia eta negu giro sarkorra gehitu zaizkio eta erdi hutsik daude... [+]
Anari + Belako
Noiz: abenduaren 5ean.
Non: Iruñeko Zentral aretoan.
-----------------------------------------------
Gogoan dut Erasmuseko lehenengo hilabetean ikusi nituela aurreneko aldiz Belakokoak zuzenean. Ez nintzen haiek ikustera joan, azkenean bertan behera... [+]
Iruñeko Baluarten, ostegunean, Israelgo ereserki nazionalaren orkestrako bertsioaren egilearen pieza bat jotzear zirela aurretik zutik jarri eta aretoa utzi du publikoaren zati handi batek. Ereserki horrek “okupazio sionistari” gorazarre egiten diola kritikatu... [+]
Aspaldi ezagutu genuen gaur gaurkoz Añube taldeko abeslari den Aitor Bedia Hans. Garai berean adiskidetu ginen egun Añube taldeko gitarra jotzaile ohia den Beñat Gonzalezekin. Unibertsitateko garaian izan zen, Debagoienako bi gazteak musika zainetan... [+]
Kutixik jaialdia
Non: Intxaurrondoko Kultur Etxean, Donostian.
Noiz: Urriaren 26an.
---------------------------------------------
Donostialdean sortutako musika ekimena da Balio Dute, autogestioa zimendu eta lan-tresna gisa hartuta, "musikariak prekario, bakarti eta... [+]