Budokan-en baino hobeto
Ez da lehen aldia esaten dudana, baina Bergarako Fly Shit taldeari zor diogu Deba bailaran (goikoan zein behekoan, osoan) luzaroan hardcorearen garrak piztuta eta sasoi onean irautea. Gutxi, baina ona, ederra. Ume moko batzuk zirenean osatu zuten taldea hainbatek miresten genituen taldeetatik edanez eta haiek gogora ekarriz; eta gerora ibilbide mardula egin dute, ikasitakoa biderkatuz eta aberastuz, betiere musika egiteko plazeragatik, pentsatzen dutena konpartitzeagatik eta moda zein azaleko balioetatik at dagoen eszena konkretu bat babestu eta elikatzeko.
Pandemia erdian bizi izan genuen geldiune akabaezinaz nazkatuta, kontzertu berezia egin zuten Bergarako Kartzela Zaharrean ikusleak kameraren bestaldean zituztela; helburua, haien barruak askatu eta garai zail horietan zaleekin egiten dakitena konpartitzea, egoera hotzean izan behar bazuen ere, ondo, sentikor. Bada, Rsound-ek grabatu, Tabuk (Solostudios) nahasi eta masterizatu, eta orain hilabete batzuk taldearen 25. urteurren kontzertuan –gau gogoangarria– oparitu zuten emaitza CD formatuan.
Hamar kanta borobil, zuzenean, publikoaren berotasunik gabe biluzik, baina era berean indartsu eta hunkigarri, gorputzak eskatzen zuenari jarraituta. Ez dago kanta berririk, baina –nork esango luke– badute bestelako ñabardura: Bizitza baina nola bizi? haien iraute-asmo eta aurkezpen-txartela da. Kaleak berreskuratu orduan eta orain aldarrikatzeko moduko eskola zaharreko hardcorea, azkarra. Bidai klandestinoa Bap! handien gaur egungo sasikumea izan liteke. Heriotz gurutzatuak istorio sarkorrak, post-hardcorearen esentzia eta tempo erdiak batzen dituen kanta erraldoia. Fly Shit II salto eta erritmo askoko pieza jostaria, abiadurazkoa. Badaezpadakoak RKL zenari gorazarre bizi-bizia, instrumentazioan pareko. Barneko ahotsaren bila rockeroa, pisutsua eta oso aberatsa, desberdina. Piramidean eskola zaharrekoa, iluna. Sareetan harrapatuta premonitorioa eta gaurkoa: Eta, azkenik, Bizitzak zabortegietan hit melodiko sentikorra.
Alosia
Perlata
Autoekoizpena, 2024
----------------------------------------------------
Arrasateko Perlata taldeak lan berria kaleratu du. Hainbat disko ditu bizkarrean, eta azkeneko lana bere jaioterriko punk, Oi! eta rockaren zubi-lana egindako Jesusi Etxeberria... [+]
Xabier Badiola
Xabier Badiola
Gaztelupeko Hotsak, 2023
-------------------------------------------------
Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]
Nick Linbött
Nick Linbött
Kaset ekoizpenak, 2024
------------------------------------------------
Komiki jantzi vintage-arekin, rock-and-rollaren hastapenaren eta Gerra Hotzaren bizipenak bete-betean bizi izan zituzten belaunaldiko pertsonaia batzuen akorduan,... [+]
Ciudad de Polvo
Sal del Coche
Humo Internacional, 2022
-----------------------------------------------
Tira, jada bukatu denez Gramsci zitatzeko moda, ekarri dezakegu lerro hauetara oportunismo akusaziorik gabe. Are gehiago Sal del Cochekoek ere hala ekartzen badute:... [+]
Deus
Kaskezur
Usopop, 2024
-----------------------------------------------------
Deus dugu galtzeko” diote baztandarrek. Eta hala da. Disfrutatzeko egin dute beti musika, haziz joan diren lau musikari trebeen arteko joko eta jolasean. 2008an taldea sortu zutenetik... [+]
Laberintuak
Maniaks
Autoekoizpena, 2024
------------------------------------------
Ohikoa da gaztaroaren borborrean musika taldeak sortzea, eta non eta Arrasaten are gehiago. Baina talde bat sasoian eusteak esfortzu eta konpromiso handia eskatzen du, eta tira egin ezean... [+]
Ezpatei Disdira!
Tatxers
Humo Internacional, 2024
-----------------------------------------
Pop melodia itsaskorren gerrillariak. Vietcong txikiak nola, bata bestearen atzetik, tranpekin edo tranparik gabe berriz harrapatzen gaituzte Tatxersekoek. Himnogintzaren maisuak,... [+]
El país de las maravillas
Kinky boys
Autoekoizpena, 2024
---------------------------------------------
Izenaren adieratik gutxi dauka, gaur egun, Bilbon sortutako hirukoteak. Are gehiago, partaideen ibilbideak joan dira garatzen eta aldatzen. Marga Alday ezaguna... [+]
Agur Eta Ohore X Allá Va La Despedida
Chill Mafia
2024
---------------------------------------------------
Chill Mafiak inauguratu zuen aroak lurperatu du Chill Mafia. Denak ez duela zertan betirako iraun, hori argi baino argiago dugu. Eta hobe dela orain,... [+]
Errautsetatik loratzen
Añube
Autoekoizpena, 2024
-------------------------------------------------
Aspaldian sarri pentsatzen dut Debagoienan gazteek ia soilik musika urbanoa edo oi! musika, bata edo bestea, entzuten dutela; hortik kanpo apenas dagoela jende... [+]
Tuka esaten da
Tu-K
Autoekoizpena, 2024
----------------------------------------------
Musika elektronikoa Euskal Herrira iritsi da!” irakur daiteke, azken urteotan, hango eta hemengo titularretan. Kazetariek entrega datak dituzte pentsatzeko ordua iritsi aurretik,... [+]
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Every action has reaction
BLACK BACON
Artza Records / American Leather Records
----------------------------------------------------------
Badira 25 urtetik gora Kataluniako jatorria daukan eta HHH hardcore talde aitzindariaren sortzaile Alex Montiel Euskal Herrira... [+]
Punka. Punka bueltan da, edo hobe esanda, ez da inoiz joan. Lekitxotik (eta ez Lekeitiotik) datoz Zikinekoak, Mendeku Diskak-ekin argitaratu berri duten Bala Galdua Zure Buru Galduan elegantearekin.
“Eixu Zeuk” filosofia. Hori da oinarria eta helburua... [+]
Lau elementuren arteko baturak ez du beti lau ematen; gehienetan hori baino gehiago. Eta zer esanik ez, hainbat proiektutan ibili eta auskalo nola eta zergatik elkartu ziren hauek: Atxe, Led Infierno, Osoron eta Txerra. Aurrekariengatik uste genuen punka egingo zutela, baina... [+]