Berramesten
1976ko azaroaren hasieran, ezagutu berria nuen gizonezko gazte batek kontatu zidan Erresuma Batuan sortuak zirela homosexualitatea askatzeko taldeak, Gay Liberation Front zeritzona kasu, eta ametsa zuela Euskal Herrian antzeko elkarte bat sortzea.
Ez nuela posible ikusten erantzun nion, gurean erlijioak botere eta indar itzela zeukala eta euskaldunak matxista hutsak zirela. Halere, beharbada beti izan naizelako baikor samarra, erabaki nuen amets zoro horretan bidelagun izatea. Azken batean, saiatzea libre.
Egia esan, konbentzituta nengoen seguru asko ametsa amesgaizto bihurtuko zitzaigula berandu baino lehen. Baina ez zen horrela izan. Gauzak uste eta espero baino hobeto eta azkarrago joan ziren gertatzen.
"1976an gizonezko gazte batek kontatu zidan Erresuma Batuan sortuak zirela homosexualitatea askatzeko taldeak, Gay Liberation Front zeritzona kasu, eta ametsa zuela Euskal Herrian antzeko elkarte bat sortzea"
Hainbat lagunekin bildu eta hitz egin ondoren, hurrengo urtarrilean jendaurreko aurkezpena egiteko gauza izan ginen. Laster, prentsan agertu, eta gero eta leku gehiagotatik hitzaldiak ematera joateko gonbitea jasotzen hasi ginen. Ekitaldiak antolatzeko ezinbestekoa zenez legalizazioa eskatu bagenuen ere, ez zitzaigun 1983ra arte heldu, Martin Villak ez gintuelako legeztatu nahi. Ia herrialde guztietara hedatu, alderdi politikoekin zein beste herri mugimenduekin harremanetan sartu, lehen manifestazioak antolatu... Konturatu ginenerako, homosexual izatearen susmoa bera zigortzen zuen Arriskutasun eta Birgizarteratze Sozialeko Legea aldarazi genuen. Jarraian, beste lege-aldaketa ugari etorriko ziren.
Legeak lege, argi izan dugu beti gizartea bera dela, jakina, garrantzitsuena. Guk jendarte justuago eta berdinzale bat amesten genuen. Harrotasunez esan dezakedan arren gizartea ere bestelakotuz joan ginela, aitortu behar da, era berean, alor horretan oraindik askotxo dugula egiteke eta egiteko.
Gurea bezalako beste talde askotxo agertu eta desagertu egin dira hamarkadotan, borrokari gehituz ñabardura, tokikotasuna… kolorea azken batean. LGTBI+ mugimenduaren presentzia, gero eta nabariagoa joan da izaten esparru guztiotan.
Denborak aldatu eta talde gehienak hustuz joan ziren, ordea. Gazteek uste bide zuten dena –edo ia dena– lortua zela. Taldeotan gutxi eta edadetuak geratu ginen, ageriko erreleborik gabe. Etsigarria egoera. Azken urteotan, alta, badirudi mugimendua berpiztu egin dela, eta lan egiteko gogo handiz hurbildu dira lagun anitz. Eskerrak! Izan ere, kontrako korronte kezkagarriak datoz. Borrokari eutsi behar diogu ezinbestez amesten segitzeko. Berramesten.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Jakina da lan ikuskariak falta ditugula geurean. Hala ere, azken egunotan datu argigarriak ematea lortu dute: lan ikuskaritzaren arabera, EAEko enpresen %64ak ez du ordutegien kontrolean legedia betetzen. Era berean, lehendakariordeak gaitzetsi du, absentismoaren eta oinarrizko... [+]
Martxoaren 8a hurbiltzen ari zaigu, eta urtero bezala, instituzioek haien diskurtsoak berdintasun politika eta feminismoz josten dituzte, eta enpresek borroka egun hau “emazteen egunera” murrizten dute, emakumeei bideratutako merkatu estereotipatu oso bati bidea... [+]
Trumpen itzulera pizgarri izan da sendotuz doan eskuin muturreko erreakzionarioen mugimenduarentzat. Izan ere, historikoki, faxismoaren gorakada krisi ekonomikoekin lotuta egon da, baita sistemaren zilegitasun politiko eta ideologikoaren krisiarekin ere. Gaur egun, geldialdi... [+]
Batzuendako, dirutza izatea ez da nahikoa, eta euren ego hauskorrek diruaren txintxina ez ezik, protagonismoa ere eskatzen dute. Aberats okituak izatea nahikoa izango ez balitz bezala. Beti gehiago behar dute, anbizioa deritzote antsia horri, baina botere gosea eta nabarmendu... [+]
Bi neska komisarian, urduri, hiru urtetik gora luzatu den jazarpen egoera salatzen. Izendatzen. Tipo berbera agertzen zaielako nonahi. Presentzia arraro berbera neskek parte hartzen duten ekitaldi kulturaletako atarietan, bietako baten amaren etxepean, bestea korrika egitera... [+]
Iragan urtarrilaren hondarrean, Bretainiako lurraldeko bi hizkuntza gutxituei buruzko azken inkesta soziolinguistikoaren emaitzak publiko egin zituzten bertako arduradunek. Haiek berek aitortu zuten harriturik gertatu zirela emaitzak ikustean. Hain zuzen ere, egoerak eta... [+]
Silicon Valley-ko oligarkia AEBetako gobernura iritsi berritan lehertu da adimen artifizialaren (AA) burbuila. Txip aurreratuen erraldoia den Nvidia-k urtarrilaren amaieran izandako %16,8ko balio galera, egun bakar batean inoiz izan den burtsa balio galerarik handiena da... [+]
Gizakiok berezkoa dugu parte garela sentitzeko beharra. Parte izateko modu hori jasotako hezkuntza, ingurua... formateatzen joaten da.
Identitateak ezinegon asko sortzen du gizakiongan. Batzuetan, banaketak ere eragiten ditu, ezin dugulako jasan beste baten identitatearen... [+]
Fermin Muguruza jarraitzen duzu sareetan. Madrilgo kontzertuko bideo bat ikusi duzu bere kontuan: dantzari batek “Kongo askatu!” oihukatu du, bandera esku artean. Haren profila bilatu duzu: @c.kumaaa. Bilboko manifestazioaren deialdia zabaldu du. Ez zara joango,... [+]
Sare Herritarrak antolatuta, pasa den urtarrilaren 11n Bilboko kaleak bete zituen manifestazio jendetsuaren ondoren, berriz sortu da eztabaida, euskal presoei salbuespen legeriarik aplikatzen ote zaion. Gure iritzia azaltzen saiatuko gara.
Espetxe politikan aldaketa nabarmena... [+]
Duela gutxi think tank izateko jaioa omen den Zedarriak bere 6. txostena aurkeztu zuen. Beren web orrialdean azaltzen dutenaren arabera, zedarriak ebidentea ez den bidea topatzeko erreferentziak dira. Hots, hiru probintzietako jendarteari bidea markatzeko ekimena. Agerraldi... [+]
Heldu zaigu EAEn 2025-26 ikasturterako ikastetxeetan matrikula egiteko garaia, eta etxe askotan etxeko txikienak urrats berria emango du hemendik gutxira, irailean, eskolaratzea, alegia. Euskal Eskola Publikoaz Harro Topaguneko kideok apustu sendoa egiten dugu eskola publikoaren... [+]
Araba, Bizkai eta Gipuzkoarako Hezkuntza Lege berria onartu zenetik, aurrerantzean hezkuntza doakoa izango dela behin eta berriro entzuten/irakurtzen ari gara. Eragile desberdinei entzun diegu, baita Hezkuntza Sailari ere, eta hedabideei eskaintzen dizkiegun elkarrizketatan... [+]
Hilabetearen hasieran egin zuen EH Bilduk III. Kongresua, Iruñean. “Ez ohiko ondorioak” ateratzeko balio duen “ohiko kongresua” omen da, edo horrela jaso dute behintzat Zutunik ponentzian, zuzendaritzak proposatu eta militantziak aho batez onartu... [+]