Jonan
Urriaren 3an ari naiz testu hau idazten. Lerrok pantailaratzen ari naizelarik, LABIk indarrean darrai. Asteartean esperokoa da bere buruaz beste egingo duela, eta azkenean EAEn ere, Nafarroan eta Iparraldean bezala, anormaltasun normalago baten bidean urrats bat etorkizunera emango duela euskal gizarteak.
Eta gauzak horrela, zutabe honetatik, Euskal Herriari (batez ere EAEko zatiari) porra erraldoi batean parte hartu dezan proposatzen diot: zein izango da Jonan Fernándezen hurrengo besaulkia?
"Euskal Herriari (batez ere EAEko zatiari) porra erraldoi batean parte hartu dezan proposatzen diot: zein izango da Jonan Fernándezen hurrengo besaulkia?"
Papisten eta negazionisten artean kokatu garen herritar despistatuok, faltan bota dugu azken urte eta erdian osasungintza publikoa indartu, zaindu eta garatzeko eskaera soziala: batzuek edozein neurri (baina batez ere musukoa eta txertoa) jarri dute borrokaren jomuga, beste batzuek edozein neurriri men egin eta kritikarik txikiena negazionisten saldora bidaltzeko aitzakia bihurtu dute.
Eta gauzak horrela, Jonan Fernández LABI zientifikoaren koordinatzaile, lehendakariaren aholkulari eta pandemiaren eszena-toki ezberdinak jasotzen dituen Biziberri dokumentuaren arduradun izatea egokitu zaigu EAEn. Eta iruditzen zait oso hautagai ona izan dela zinez, LABIk izan duen funtziorako.
Izan ere, LABI batez ere birusaren kontrako gerraren propaganda bulegoa izan da. Eta gerran dagoen herri batek ezin du onartu ezkortasunik, etsipenik, zalantzarik. Berdin da zein neurri hartu diren, esan dena lehen eta egin dena ondoren bi diren edo datuak manipulatu (behar izan) diren... Hain da luzea zerrenda: (EAEk eskura ez zeuzkanean) test eta musukoen eraginkortasuna hutsaren hurrengotzat jo eta handik hilabete batzuetara denaren oinarri; txertaketa hasi zenean Espainiar Estatuko komunitate motelena izan eta bigarren dosiaren estrategia saldu; zahar-etxeen egoera ezkutatu; birusaren kontrako gerraren aitzakian gizartearen kontrol sozio-politikoa eta puritanismoa areagotu...
Horregatik, Leitzaran autobidearen kontrako ekintzaile, HBko zinegotzi, Elkarri-Baketik-Gogora-ren arduradun eta lehendakariaren aholkulari izan den Jonan Fernández izan da hautagai egokiena: birusa beharbada ez hainbeste, baina EAEko gizartea ezin hobeki ezagutzen du. Izan ere, politikarien funtzioa arazoei nola heldu pentsatzea bada ere, ez ote da garrantzitsuagoa gizarteari nola azaldu/saldu asmatzea?
Orain ez dezala euskal gizarteak behar larririk izan Jonanen beharra izateko, hurrengoa besaulki lasaiago bat opa diot.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Badira, garun distiratsua izanik, "zehaztasun gutxiko" definizioekin, gauza bera, beste era batera esanda, aldatzen eta itxuraldatzen adituak direnak. Berea zen, eta hainbat hamarkadatan errepikatu den proiektu in eternum bat izan da. Hasiera batean hori zen hegemoniko... [+]
Abenduaren 26an, aireko eraso batean, Israelgo armadak bost kazetari palestinar hil zituen. Haiekin 130 kazetari palestinar hil zituzten. Albiste horrek gauza pare bat gogorarazi dizkit, lehenengoa, benetako kazetariek jasaten duten jazarpena munduko edozein lekutan, adibidez,... [+]
Azken hilabete hauetan hainbat institututan lan egitea egokitu zait eta, uneren batean edo bestean, ikasleekin lan merkatuak eskaintzen dituen aukerez hitz egin behar izan dut. Ikasleen tipologia askotarikoa da eta hiri berean asko aldatzen da auzo batetik aldamenekora,... [+]
Historikotzat nekez har daitekeen argazkiaren erdian agertzen den neskatoa idazten ari da, zer eta izenorde zerrenda bat: ni, zu, hura, gu, zuek, haiek. Beherantz begira egonik, neskatoaren begirada nolakoa den antzeman ezinik gelditu naiz ni.
Argazkilariaren lanari soraio,... [+]
Pertsona nagusiekin edo aniztasun fisiko eta neuronalak dituzten pertsonekin lanean zaudenean, dugun gizartean gaitasunaren ideiak espezie bezala asko mugatzen gaituela ohartzen zara. Hau da, dugun sistemak gauzak modu espezifiko batean egiteagatik jartzen zaitu balioan, eta... [+]
Idatzi nahi nuen gabonetako argien alde, eta urteroko ohitura bilakatu aldarrikatzea, kaleak argitzen dituzten aro honetan, espazio publiko apain, alai eta gozagarri bat, klase ikuspegitik. Baina, noski, espazio publiko epelak ere bai, zenbait gazte liburutegietan liburuak... [+]
Barkatu hariztiak, artadiak, zumardiak, lertxundiak, lizardiak, haltzadiak, gaztainadiak, urkidiak, gorostidiak, sagastiak, pinudiak eta zuhaitzen elkarte guztiak, baina, gaur, pagadiak du hitzordua negu-mugako ospakizunak direla eta.
Errazagoa egiten zait negu-mugako... [+]
Badator Euskaraldia, berriz ere. Urte berriko udaberrian izango da oraingoan, antza. Dagoeneko aurkeztu dute eta, egia esanda, harritu egin nau; ez Euskaraldiak berak, ezpada beraren leloak: Elkar mugituz egingo dugu.
Irakurri edo entzun dudan lehenengoan, burura etorri zait... [+]
Ildo beretik dator Eusko Jaurlaritza berriaren politika. Hitzak bai, baina ekintzak ez dira argi ikusten Pradalesen gobernuak aurkeztutako aurrekontuan.
Sistema kolonial kapitalista heteropatriarkala auzitan jartzen eta borrokatzen denean, gupidarik gabe erasotzen du bueltan. Eskura dituen tresna guztiak erabiliz, instituzioak, medioak, justizia, hizkuntza, kultura, indarkeria... boterea berrindartzeko, sendotzeko eta... [+]
Ez dakit zuek ere pertzepzio bera ote duzuen –aitor dut: modu azientifikoan hasi naiz idazten hemen–. Pereza hitzaren hedatze naturalaz ari naiz. Gero eta gehiago aditzen baitut Hego Euskal Herriko bazterretan: euskaraz, espainolez eta, jakina, euskañolez... [+]
Askok, Gabonetan, ilusioa baino alferkeria handiagoa sentitzen dugu familia-otordu eta -topaketetan pentsatzean. Baina aurreratzen dizuegu ez dela otordua bera kolektiboki deseroso sentiarazten gaituena, familia tradizionala definitzen duen normatibitatea baizik. Are gehiago,... [+]
Betidanik begitandu zait esanguratsuagoa han-hemenka topa daitezkeen guruztokiei gazteleraz esaten zaien modua: humilladero. Ez al da guruztoki edo santutxo izen nahiko light, zuri edo haragoko konnotaziorik gabekoa? Azken batez, bertatik pasatzen zen oro umiliatu behar zen... [+]
Siriako Arabiar Errepublikaren amaierak harridura handia sortu du, gertatu den moduagatik: azkar eta ia erresistentziarik gabe. Halere, ez da hain arraroa herrialdea suntsituta, pobretuta eta zatitua zegoela kontutan hartzen badugu. Aspalditik siriar gehienen ardura ez zen nor... [+]