Hainbat lan arkeologikoren bidez frogatu dute Hernán Cortésen konkistaren ondoren giza sakrifizioek jarraitu zutela Tlatelolco hirian eta aztekek jarraitu zutela euren erlijio eta usadioekin, guztiz debekatuta zuten arren.
1521eko abuztuan Hernán Cortés konkistatzaileak Tlatelolco hiri azteka hartu, arpilatu eta suntsitu zuen. Konkistaren ondoren, pixkanaka, aztekak hiriko hondakinetara itzuli eta konkistatzaileek ezarritako arau eta muga zorrotzei egokituz joan ziren.
Baina Mexikoko Antropologia eta Historiako Institutu Nazionalak (INAH) egin duen azken kanpaina arkeologikoan, konkistaren ondorengo giza sakrifizioen frogak eta bestelako arrasto batzuk aurkitu dituzte. Guztiz debekatuta eta zigortua egon arren, aztekek beren erlijio eta usadio zaharrei eusteko ahalegina egin zuela erakusten du horrek.