Hurbileko nekazarien produktuak eraldatzeko proiektua Zeberion
2013an Zeberioko Udalak nekazaritzan jardun nahi zutenentzako lur eskaintza eta kontserbera bat sortzeko proposamena egin zuen, eta lur horretan lanean jarri ziren kideek herriko eta Arratia inguruko beste nekazariekin elkarlanean kontserbera proiektu komuna bultzatu zuten. Gunearen zati handiena auzolanean moldatu, autoklabea lortzeko diru-bilketa kanpaina egin, eta Maskilu Kontserbak proiektua jaio zen. “Lehenago Garaiora edo Leintz-Gatzagara joan beharra genuen kontserbak egitera. Orain, berriz, hemen bertan egin ditzakegu, eta inguruko baserritar asko daude proiektuan sartuta”, dio Jon Garcia kideak.
Soberakinak aprobetxatzeko tresna
Elkarte bat sortzea izan zen proiektuko kideek aukeratutako formula. “Baserritarrok bazkide moduan erabiltzen dugu gunea, eta bakoitzak bere produktuak eraldatzen ditu”, dio Garciak. Hogei bazkide inguru dira gaur egun, baina egunerokoan kontserbak egiten hamar bat biltzen direla dio. “Erreminta bat da guretzat kontserbera: nekazari bezala, soberan ditugun produktuekin kontserbak egitea da asmoa”. Elkarteko kide askok otzarak egin eta kontsumo talde desberdinetan banatzen dituzte; horregatik, baratzeko garai zailenetan, maiatzaren eta ekainaren bueltan, kontserbak eta marmeladak eskaini ahal izatea garrantzitsua da haientzat. “Edozein barazki edo fruitu eralda dezakegu. Marmeladak, tomatea, pistoa, lekak, zerba, piperminak ozpinetan… denetik egiten dugu”.
Elkarteko kide guztiek dute elikagaiak manipulatzeko karneta, eta hainbat ikastaro jaso dituzte kontserberako tresneria eta makineria nola erabili ikasteko. Bazkideek beren kontserbak egiteaz aparte, kanpokoei ere eskaintzen diete zerbitzua. “Gunea kudeatzen duen jendea arduratzen da normalean kanpokoei kontserbak egiteaz, kanpokoek ezin baitute lan hori egin”, dio. Produktu guztiak erregistro sanitarioarekin ateratzen dira eraldaketa gunetik; hori bai, Maskiluko zigilua elkarteko kideenek soilik daramate.
Agroekologiaren aldeko mugimenduaren parte
“Gure izateko arrazoia agroekologiaren alde lan egitea da, eta nekazaritzari eta elikadura burujabetzari lotutako beste mugimenduekin harremana dugu”, dio Garciak. Elkarteko kide guztiak ez dira eredu agroekologikoan ari, baina denek dituzte konpromiso minimo batzuk hartuak. “Arratian nahiko ezagunak gara, eta politikoki garrantzitsua da guretzat balore minimo batzuk argi izatea eta horren alde borrokatzea”, gehitzen du.
EHNE Bizkaia sindikatuarekin, Etxaldeko emakumeekin eta beste hainbat kolektiborekin dute lotura Maskiluko kideek, eta proiektuan interesa duten nekazari berrientzako ere ateak zabalik dituztela azpimarratzen dute. “Hemen zerbait egin nahi duenari edozer erakusteko eta ahal dugun moduan laguntzeko prest gaude”.
Olatz Salvador
Noiz: martxoaren 15ean.
Non: Deustuko jaietan.
------------------------------------------------
Martxoak beti du deustuarrontzat kolore berezia; urtero ospatzen ditugu jaiak, San Jose egunaren bueltan. Bi asteburu bete festa, eta urtetik urtera Deustuko... [+]
Kirola eta oroimena uztartuko dituzte, bigarrenez, mendi-martxa baten bitartez. Ez da lehiakorra izanen, helburua beste bat delako. La Fuga izeneko mendi martxak 1938ko sarraskia gogorarazi nahi du. Ezkabako gotorlekuan hasi eta Urepelen amaituko da. Maiatzaren 17an eginen dute.
Martxoaren 19an amaitu zen proiektua aurkezteko epea, baina Errioxako PSOEk adierazi du Forestalia enpresak "interesa baztertu" duela. Enpresak bi parke eoliko eraiki nahi zituen Aragoiko lurretan, baina oraindik ez ditu lortu baimenak eta hori dute egitasmoa... [+]
Seaska Sarean inklusio egoeran dauden 165 ikasleei laguntza bermatzeko hasi dute kanpaina, antolaketa propioa eratuta. Frantziako Hezkuntza Ministerioaren jarrera salatu dute kanpaina aurkezteko prentsaurrekoan, behar bereziak dituzten haurren inklusiorako baliabide... [+]
EH Bilduk galdera sorta bat erregistratu zuen Eusko Legebiltzarrean Donostiako Metroaren igarobideko lanen gainkostua argitzeko. Informazio hori atzo jakinarazi zuen Susana Garcia Chueca Mugikortasun sailburu sozialistak.
Muga-zergak apirilaren 2tik aurrera ezarriko dira eta altzairuari eta aluminioari ezarritakoei batuko zaizkie. "Gurekin negozioa egiten duten eta gure aberastasuna eskuratzen duten herrialdeei ezarriko dizkiegu", AEBetako presidenteak adierazi duenez.
%90eko jarraipen "ia erabatekoa" izan du grebak, sindikatuen arabera. Gasteizko parkeak, lorategiak eta eraztun berdea mantentzen dituzte Enviser azpikontratako 90 langileek.
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
Ikerketa parte-hartzailea eta gogoetatsua bultzatzen du Biharamunen Lantegia kooperatibak, eta zientzia eta ikerketa herriarengana hurbiltzeko lan egiten du. Duela urte eta erditik egoitza Bidarten dauka, eta Institut Curie-rekin elkarlanean Iker Herria ikerketa zentroa sortzeko... [+]
Txotx denboraldian eredu ekologikoan ekoiztutako Euskal Sagardoaren eskaintza izango da hainbat sagardotegitan, eta hura bistaratzeko, Jatorri Deiturak eta ENEEK-Ekolurrak kupeletan paratzeko euskarria aurkeztu dute.
Intsumituek denbora luzez egindako borroka gogorra eta mingarria izan zen, baina irabazi zuten, eta garaipen hura behin betikoa izango zela uste genuen, atzera bueltarik gabea. Baina badirudi, politikari batzuen ahotik aterata, eskalada militaristari gorazarre egin eta berriz... [+]
Amenabar enpresak Bilboko Udalaren eskutik apirilaren 4rako agindu duten desalojoaren kontra azaldu dira bilkuran. Poliziak indarrez kanporatu ditu. Ostiral honetan18.30ean, Errekaldeko Plazatik hasiko den manifestaziora batzeko deia luzatu dute gazteek, baita desalojoaren... [+]
Europako Batzordeak aurkeztu duen plana ustezko gerra edo hondamendi baten aurrean “bizirauteko” kit batetik harago doa: hogeita hamar neurri proposatu ditu eskoletan, enpresetan eta herritarren artean militarismoa eta beldurra sustatuko dutenak.
Gaur, martxoak 27, ARGIA komunikabidearen egoitzan aurkeztu dugu Bizi Baratzea Orria, urtaro bakoitzean zabalduko den aldizkari berria. Horrekin batera ospatu dugu ARGIAren Bizi Baratzea proiektuak 10 urte betetzen dituela aurten. Bizi Baratzeako kolaboratzaileak eta ARGIAko... [+]
