Festaren biharamuna
.jpg)
Gazteei zuzendutako bilduma berri baten lehen obra dugu Osororen Festa liburua. Elkar etxeak sorturiko Traola bilduman hiru lan argitaratu berri dira: honako hau, Sierra i Fabraren Malkoak euritan (Olasagastik euskaratuta) eta Oihana Iguaran Barandiaranen Hormak eleberri poliedrikoa.
16 urteko neska dugu nobela honetan protagonista nagusia, Sofia. Andrearekin batera etxe batean antolaturiko festara doa eta han, giroaren, alkoholaren, grinaren eta erakarpenaren ondorioz sexua du mutil batekin. Neurriak hartuta omen, baina haurdun geratzen da Sofia.
Nobela azkar irakurtzen da; elkarrizketa ugari daude eta kapitulu laburrak. Horrek irakurlea ziztu bizian darama protagonisten urduritasunetik, gozamenera, poz unera edo larritasun eta kezkara. Di-da batean igarotzen gara egoera batetik bestera eta horretan Sofia eta Andrearen ikuspuntuetatik aritzeak are gehiago bizkortzen du kontakizuna.
Bi ataletan dago banatuta Festa: alde batetik Igerilekuan atala, festara joan aurrekoak eta festan jazotakoak kontatzen dituena; eta bestetik, Igerian atala, festaren ondorengoak –ondoren gertatzen direnak, baina baita ondorioak ere– jasotzen dituena. Lehen atala askoz arinagoa da. Bigarrena, aldiz, askoz serioagoa da. Sofiak haurdun dagoela uste du, kezka egiaztatzen da eta ondoren erabaki bat hartu behar du.
Jasone Osorok aspaldi erakutsi digu bere obretan gazteen mundua islatzen eta hauentzako liburu irakurgarri eta erakargarriak egiten duen eskarmentua. Festa-n gazteen haurdunaldiaz ari zaigu, baina baita gazteen arteko harremanez, nola jokatu horrelakoetan, zein den gurasoen egitekoa, eta batez ere, nolako jauziak eman daitezkeen pertsona baten garapenean. Eta hori guztia gazteek primeran irakurriko duten liburuan, narrazio bizi eta arinak harrapatzen zaituen obran, olatuek Sofia harrapatzen duten bezala: “Olatuak izterrak zituela sentitu zuen eta bere gorputza izter artean estutzen ari zela. Olatuak besoak zituela sentitu zuen eta bere gorputza baloia balitz bezala esku hauek lurraren kontra botatzen zutela. Olatuak haginak zituela sentitu zuen eta hagin haiek gorputzean kosk egiten ziotela”. Baina olatuak ez, bizitzak egin dio kosk Sofiari festaren biharamunean.
Donostiako Gros auzoko erraldoi eta buruhandien konpartsak giroturiko kalejira eta dantza izango ditu lagun, ostiral honetan ARGIAk antolatu duen liburu aurkezpenak: Abentura erraldoia. Salba dezagun kalejira aurkeztuko dute Gorka Bereziartua eta Adur Larrea egileek.
Heldu da eguna: espetxetik aterako dute Ihintzaren aita. Une horixe du irekiera Eztizen Artolaren (Bilbo, 1999) Gurpilak eleberriak (Txalaparta, 2024). Hortik egingo du atzera, aita bisitatzeko kartzelara egiten dituen joan-etorrietan haur motxiladuna hazten, egoeraz jabetzen... [+]
Urriaren 9an Bilbon egindako prentsaurrekoan, Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak iragarri ditu aurtengo Euskadi Literatura sarien irabazleetako batzuk.
Liburuaren lehen aurkezpena irailaren 20an izango da, ostiralarekin, 18:30ean Azpeitiko Elikagunean. Bertan izango dira Miguel Arribas Kelo eta Marc Badal egileak, Markel Lizasoain itzultzailea, Maitane Gartziandia diseinatzailea eta Dani Blanco argazkilaria. Egileen azalpenak... [+]
Kartografiak herri edo lurralde baten ezaugarriak baino askoz gauza gehiago adierazten dituela jakina da. Mapak eskuan konkistatu dira kontinenteak eta eraiki dira inperioak historian zehar, eta eskoadra zein kartaboiez definitu dira identitate kultural eta politikoak. Euskal... [+]
Otsailaren 23an abiatu ginen Zaragozara (Aragoi) lagun bat eta biok. Bera Haur Hezkuntzako maistra eta ni literatur dinamizatzailea. Album! elkarteak (haur eta gazte literatura argitaratzen duten argitaletxe independenteak biltzen dituen egitura) antolatutako ikastaroak gure... [+]
Konturatu orduko apirila joan da, bere intentsitate eta kolore guztiekin. Egun beroak, epelak eta hotzak utzi dizkigu. Ostadarra eta izotza. Euri jasak eta bero sapa. Jaio berri diren arkume apurrak belardian dabiltzan bitartean, labanak eten egin du bizitza eman duten hiru... [+]
Martxoaren amaieran Donostiara etorri zen Amador Fernández-Savater bere liburu berria aurkeztera: Capitalismo libidinal [Kapitalismo libidinala]. Bisita labur batek mami handia izan dezake. Madrilera itzuli aurretik elkarrizketatu genuen, harilkatuz politika,... [+]
Ramon Oleagak eta Jose Mari Esparzak egina, 300 mapa dakartza Imago Vasconiae izeneko bildumak eta Interneten ere kontsultagarri dago. Euskal Herriaren historiaren bilakaera irudikatzeko eta "ikerketarako jatorrizko materiala izateko" ezinbesteko tresna sortu dute... [+]
Jose Mari Esparza idazle, editore eta ekintzaile menderaezinak bere lanerako txokoan hartu gaitu, Altaffaylla Kultur Elkartea eta Txalaparta argitaletxearen sorlekuan, liburuz inguraturik. Gaztetan 20 urtez aritu zen Luzuriagaren Tafallako fabrikan lanean eta orain berriki... [+]