Hiru hamarkada dira arkeologo suitzarrak Luzerna hiriaren jatorrian Brontze Aroko herrixka bat zegoela frogatu nahian ari direla.
Berriki, Zuricheko Hiri Garapenerako Bulegoko urpekariek Luzerna lakuko uretan egurrezko 30 zutoin –etxeak horien gainean eraikitzen zituzten–eta zeramikazko 5 pieza aurkitu dituzte.
Erradiokarbono azterketek diote 3.000 urte inguru dituztela. Hala, aspaldiko hipotesia baieztatu da: Brontze Aroan, Luzernako uren maila egungoaren lau bat metro azpitik zegoenean, lakuaren arroan gizakiak bizi ziren.