Forbestar Sabin
2017an Sabino Arrieta jeltzalea Forbes aldizkariko Euskadiko aberatsen zerrendaren bigarren postuan zela irakurri genuen. Eusko Jaurlaritzako Segurtasun sailburuordea izandakoa da, 1984tik 1989ra. Sabinok Miamin 17 milioi dolar inbertitu ditu jada Amerikako Estatu Batuetako prentsaren arabera eta beste 40 milioi euro Düsseldorf, Frankfurt, Hamburg eta München hirietan, Alemaniako prentsaren arabera.
2020an Miamin oihartzun handiko eraikin baten jabe bihurtu da, 12 milioi dolar ordaindu ondoren. Tutik ere ez da aipatu euskal prentsan. 2017an Espainiako prentsaren bitartez jakin genuen beste eraikin garrantzitsu bat erosi zuela Miamin, 5,2 milioi dolar ordaindu ondoren. Eraikin honetatik hurbil dago Atlantis eraikina, Miami Vice telesailaren ikonoa. Telesail honetan euskal jatorria zuen polizia bat agertzen zen.
"Sabinok EAJrekin loturak mantendu ditu azken urteotan. 2011 urtean Naturgitza Fundazioaren presidente bilakatu zen. Fundazio honek De Miguel auziarekin loturak zituen"
2017an Sabinoren berri izan genuen berriz, Bilbon prime eraikin bat 6 milioi eurotan saldu ondoren. Baina isilpean 2016an Düsseldorf hirian eraikin baten jabe egin zen 6 milioi eurotako operazio batean, eta 2013an Frankfurten 7 milioi eurotako beste eraikin bat erosi zuen.
Sabinok EAJrekin loturak mantendu ditu azken urteotan. 2011 urtean Naturgitza Fundazioaren presidente bilakatu zen. Fundazio honek De Miguel auziarekin loturak zituen, eta bere patronatuan Juan Mari Atutxa Segurtasun sailburu ohia ageri da. 2013an Agirre Lehendakaria Fundazioaren sorkuntzan parte hartu zuen Sabinok.
Sabinok Eusko Jaurlaritza utzi eta enpresari bezala bere ibilbidea hasi zuen, Laurak SA eta Vinilika SA enpresen jabe bihurtuz. Enpresa horiek Eusko Jaurlaritzaren dirulaguntzak jaso zituzten. 3-R planaren dirulaguntzez ari gara, Industria sailburuak, Jon Azuak, zuzendutako plana. Urte batzuk geroago Kontu Auzitegiak dirulaguntza horien irregulartasunak agerian utzi zituen. 3-R planak Joseba Grajales aberatsaren enpresen alde ere egin zuen. Gaur egun Grajales eta Azua sozioak dira Keralty izeneko osasun arloko enpresa batean. Jon Darpon Osasun sailburu ohia, Keraltyn lan egiten hasi zen hain zuzen ere, dimisioa aurkeztu ondoren.
Sabino Sidenorreko presidente izandakoa da, 1995 urtean 13 milioi euro ordaindu ondoren. Hamar urte beranduago enpresa Sidenor Gerdau talde brasildarrari saldu eta 445 milioi euro irabazi zituen Sabinok. Sidenorreko presidente zela, 2003an, Cilindros Bolueta enpresaren lursailak erosi zituen 60.000 eurogatik, 20 milioi irabaziz pelotazo horretan.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Ukrainako gudaren amaierak ondorio sakonak ekarriko ditu Europa osora. Europako elite ekonomikoek beren indar guztia jarri dute guda-zelaian eta galdu egin dute. Galtzaileek, elite globalistek, beren egitasmo kuttuna galduko dute, Europako Batasuna, eta Bruselatik europar... [+]
Azterketak amaitzearekin batera ohikoak bihurtu dira ikasleriaren artean, urteko garai honetan merkeak diren hegaldiak hartu eta adiskideekin bidaiatzea. Horrela egin dut neuk ere eta Londresera joateko aukera izan dut. Ildo beretik, bertan “euskaldun” pilarekin egin... [+]
Ez dakit nondik hasi, egia esan. Ordezkoa naizen heinean –irakaskuntzan ikasturte gutxi batzuk daramatzat lanean– eskola ugari ezagutu ditut Nafarroa, Bizkai eta Araban zehar. Lankide izan ditudan irakasleekin euskal eskolak dituen gabezien inguruan hitz egiten... [+]
Alberto Martinez Eusko Jaurlaritzako Osasun sailburuak argi dio: ez ditu mediku euskaldunak aurkitzen, eta euskarazko osasun arreta ezin da bermatu mediku egoiliar (formazioan dauden espezialista) gehienak kanpotarrak direlako. Mediku euskaldunak bilatzea perretxikotan joatea... [+]
“Gogo eta gorputzaren zilbor-hesteak: bi kate. Bi kate, biak ebaki beharrezkoak: bat gorputzaren bizitzeko, bestea gogoaren askatzeko”. Hala dio Mikel Laboaren kantak; hala izan da belaunaldiz belaunaldi, egun arte.
Gogoan dut nire gurasoak askotan joaten zirela... [+]
Otsailean bost urte bete dira Iruña-Veleiako epaiketatik, baina oraindik hainbat pasarte ezezagunak dira.
11 urteko gurutze-bidea. Arabako Foru Aldundiak (AFA) kereila jarri zuenetik epaiketa burutzera 11 urte luze pasa ziren. Luzatzen den justizia ez dela justizia, dio... [+]
MAITE: (biharko eguna antolatzen bere buruaren baitan) Jaiki, gosaldu, bazkaria prestatu, arropa garbitu, etxea garbitu, gizon hori jaiki, seme-alabak jaiki, hiru horien gosaria prestatu, haiek agurtu, erosketak egin, lanera joan, seme-alabak eskolatik jaso, merienda eman,... [+]
Matxismoa normalizatzen ari da, eskuin muturreko alderdien nahiz sare sozialetako pertsonaien eskutik, ideia matxistak zabaltzen eta egonkortzen ari baitira gizarte osoan. Egoera larria da, eta are larriagoa izan daiteke, ideia zein jarrera matxistei eta erreakzionarioei ateak... [+]
“Kasu, ez gitxu lo!”. Gure denbora eta manerekin baina heldu gira.
Azaroaren 25ean Baionako elgarretaratzera joan ez joan eta autoak nola partekatu pentsatzetik (joan-jina bi oren), bat-batean Lartzabalen elgarretaratze bat antolatu genuen, eta 47 emazte bildu!... [+]
Nahiz eta Nazio Batuen Erakundeak (NBE) 1977an nazioarteko egun bat bezala deklaratu zuen eta haren jatorriaren hipotesi ezberdinak diren, Martxoaren 8aren iturria berez emazte langileen mugimenduari lotua da.
Aurrekoan, ustezko ezkertiar bati entzun nion esaten Euskal Herrian dagoeneko populazioaren %20 atzerritarra zela. Eta horrek euskal nortasuna, hizkuntza eta kultura arriskuan jartzen zituela. Azpimarratzen zuen migrazio masifikatua zela arazoa, masifikazioak zailtzen baitu... [+]
Ez dut beti ulertzen nola aritzen ahal diren lur planeta honetako zati okitu, zuri, gizakoi eta kapitalistako aho zabal mediatikoak, beraiena, hots, gurea, zibilizazioa dela espantuka. Berriak irakurtzen baldin baditugu, alta, aise ohartuko gara, jendetasuna baino, barbaria dela... [+]
Administrazioko hainbat gai, LGTBI+ kolektiboko kideen beharrizanak, segurtasun subjektiboa, klima aldaketa, gentrifikazioa, ikus-entzunezkoak erabiltzeko modu berriak, audientzia-datuak jasotzeko moduak, dislexia, ikuspegi pedagogiko aktibo eta irisgarriak, literatur... [+]
Auzitan jar ez daitekeen baieztapen orokor eta eztabaidaezinaren gisan saldu digute hizkuntzak jakitea printzipioz ona dela, baina baditu bere "ñabardurak", edo esanahi ezkutuagokoak. Hemengo ustezko elebitasun kontzeptuaren azpian dagoen baina kamuflatzen den... [+]
Otzandu egin gara, katalanak eta euskaldunok, ekaitzaren ondoren. Saiatu ginen, bai; sendo ekin genion, eta gogor kolpatu gaituzte; ezin izan genien gure helburu zuzen, ezinbesteko, sakratuei eutsi. Eta porrotaren mingostasuna dastatu dugu, eta bigundu egin gara irabazleen... [+]