Mugetan dantzatzea
Ausarta izan behar da negar egiteko. Behintzat publiko aurrean negar egiteko. Hori egiten duen pieza baten aurrean zapata zola bezalakoa izan behar da ez hunkitzeko. Nahiz eta gertatzen ari dena ez izan ulerterraza edo gustukoa.
Plazer estetikoa erabat kamustuta mugitzen gara areto batetik bestera. Hunkitzea bilatzen dugu atsegintasunari esker. Melodia on bat, mugimendu polit bat. Arkitektura guztietan edertasuna topa daiteke. Sobietarrek bazekiten eta DAPAkoek ere badakite, Bidebieta eta Pasaiako arkitektura mirestean.
Brutalismoaren garaiak noiz itzuliko zain egon gabe, esperimentu zintzoetan erosotasuna topatzea ez da zaila egiten. Esan nahi dut, batzuetan bada esperimentalismoa oso testuinguru pertsonalean proposatzen duenik, eta askotan kontzeptualegia da edo (eta) hotzegia. Baina zer ukitzen duen interesatzen zaigu. Hau? [burua seinalatuz] Edo hau? [bihotza seinalatuz]. Bitako bat, gutxienez.
Manu Gaignek eta Jone Amezagak sortutako Zerbait. Noizbait. Nonbait piezan biak ala biak ukitu dituzte. Dantza musikatua ikustekoak ginen, baina bestelako proposamen batekin egin dugu topo. Instrumenturik gabeko musika, koreografiarik gabeko dantza, gidoirik gabeko antzerkia.
Zerbait. Noizbait. Nonbait
Hurrengo emanaldia:
Noiz: urtarrilak 24
NoN: Donostiako Tabakalera
Errenteriako Niessen aretoko urriko emanaldian, gorputzarekin musika egiten hasi dira, reverse gisako efektua gehituz eta atzekoz aurrera planteatuz. Gong batera hurbildu da Gaigne, baina ez du esperotako eran jo. Egurra ukitu du, eta ertzak, eta haztatzeari utzi dio, erritmoa mantenduz beti ere. Ez jotzea ere jotzea delako.
Perkusioak etetean oihu egiten du Jonek. Buru gaixotasunek hiriarekin duten lotura oinarri, Ruidismoa delako mugimendutik edanaz bozinak eta kotxeak eta txoriak nahastu dituzte. Eta lurra mikrofonoz bete oinen delay-arekin jolasteko. Eta aretoko ateak ireki kanpoko soinuekin elkarrekintza egiteko. Edo sartu ez den norbaiti gonbita egiteko. Edo atera ez den norbaiti.
Utzi dute eszenatokia minutu pare batez. Eta nik uste nuen oraindik piezak jarraitzen zuela, emozioak kudeatu, pentsatu, sentitu bitartean. Hutsaren garrantzia, hark zioen bezala. Eta gogoeta horien artean bukatu da. Amezagaren negar zotinak eserlekuen alboan entzuten zirela.
Esperimentalismoa esperientzietara eramaten jakitea da arteari eskatu dakiokeen gauza ederrenetako bat. Intimitateez hitz egiteaz gain, mugetara eramatea sentsazioak eta emozioak. Mugetan topatzen diren ideiak ederragoak direlako. Gaignek eta Amezagak egindako lehen lan honek etorkizuna du muga bakar. Hurrengo saioa hilaren 24an egingo dute Donostiako Tabakaleran. Ez da berdina izango, baina ziur ez zarela damutuko. Zabalik hartzen baduzu.
Dantzaren munduan gabiltzanok askotan errepikatzen dugun ideia da dantza efimeroa dela. Elhuyar hiztegiak espainoleko "efímero"-ren ordaintzat ematen ditu honakoak: efimero, suntsikor, galkor, iragankor, iraungikor, ilaun. Ez dut gogoan nori irakurri nion... [+]
Azken urteetan Lapurdiko kontserbatorioan euskararen eta diziplina tradizionalen presentzia handitu da eta euskal dantzako ibilbideari forma ematen ari dira; irailean hasi da lehen zikloa. “Herri Elkargoa sortu zen Iparraldean eta nahi zuten herri musika eta herri... [+]
MOOR KRAD
Nork: Ertza konpainiak.
Noiz: urriaren 3an.
Non: Getxoko Muxikebarri aretoan.
---------------------------------------------
Bi urte atzera izan nuen Moor Krad obraren berri; hain zuzen, Ertza konpainiako kideek dantza pieza sortu eta estreinatu zuten... [+]
Ausartuko gara esaten Otsagabiko (Nafarroa) eta Eltziegoko (Araba) dantzak direla irailak 8 bueltako dantzarik ezagunenak. Ibilbide eta historia luzea dute eta azken hamarkadetan Euskal Herriko dantza talde askoren errepertorioetan jasoak izan dira.
Sei urte ditu. Gustura ari zen da dantzan. Baina gurasoek jakinarazi digute utzi egingo duela dantza. Arrazoia? Eskolan burla egiten diote lagunek dantzan aritzeagatik. Sei urte. Eta dagoeneko genero estereotipoen indarkeria sufritzen. Nahikoa da! Gurasoak, eskolak, irakasleak,... [+]
Lesakako ezpata-dantzariak San Fermin egunerako ezpata-dantzako entseguetan dabiltza azken hilabetean. Hamabost atera ohi dira dantzara, eta besteak titularren batek hurrengo urteetarako lekua utzi zain daude.
Transmisioa eta dantza taldeetako erreleboa aztertu nahi izan dugu Dantzan Ikasi topaketetan, eta gazte belaunaldiek lan egiteko ereduak ezagutu nahi izan ditugu “Gazteen parte-hartzea euskal dantzan” mahai inguruan: Eder Niño Barakaldoko... [+]
Iruñeko alkate Joseba Asironek prentsaurrekoan iragarri duenez, Duguna dantza taldeak jaurtiko du 2024ko Sanferminetako txupinazoa. Duguna izan da Iruñeko herritarren boto gehien jaso duen hautagaitza. Hain zuzen dantza taldearen sorreraren 75. urteurrena ospatzen... [+]
"Guri bizitza joan zaigu espaloitik begira". 80 urteko emakumearen arrangura iltzatuta geratu zitzaion Josune Zubeldiari. Hainbat belaunalditako bost emakumek hartu dute hitza emakumeek dantzetan, herriko taldeetan eta errituetan izan dituzten borroka, aldaketa eta... [+]
