Epidauroko Asklepio medikuntzaren jainkoaren tenpluan (irudian), esaterako, 11 arrapala iraunkorren arrastoak daude. Elementuok ez dira orain arte berariaz aztertu, eta tenplu barrura objektu astunak edo sakrifikatzeko animaliak sartzeko erabiltzen zituztela uste izan da. Baina Debby Sneed arkeologoak beste hipotesi bat du: mugikortasun urria zuten pertsonei sarbidea errazteko jartzen zituzten arrapalak.

Batetik, sendatze-tenpluetan bereziki ugariak dira arrapalak. Bestetik, jakina da urritasun fisikoa zuten eta, ondorioz, lanik egin ezin zuten gizonezkoek pentsio moduko bat jasotzeko aukera zutela. “Ez dezagun pentsa antzinako Grezia utopia aurrerakoia zenik”, dio Sneedek, “baina zenbait arazori aurre egiteko konponbide interesgarriak zituzten”.