Erresuma Batuko Exeter Unibertsitateko Chris Smarts arkeologoak, zale boluntario talde bat lagun, Understanding Landscapes proiektua jarri du abian, Covid19ak eragindako itxialdian etxetik lan arkeologikoak egin ahal izateko.
Lidar teknologia baliatu dute horretarako; gailu horrek birtualki paisaiaren elementuak ezabatzeko aukera ematen du eta, hala, begi hutsez antzeman ez daitezkeen egiturak ikus litezke.
Horrenbestez, konfinamenduak iraun bitartean, bi erromatar galtzada, historiaurreko 30 gune, 20 hilobi eta Erdi Aroko ehunka harrobi eta etxalde aurkitu dituzte.