Igerilarien gorputzak
Informatiboek esan dute, ikustea merezi duen informatibo ia bakarrak, behintzat –Iparraldearen orenaz ari naiz, noski, ironia izpirik gabe–: euskaldun bat izan da aurten gure ordezkari Mister France lehiaketan. Euskaldun, ezen ez soilik euskal herritar, gainera Miarritzeko. Eta kirol entrenatzaile. Coach, zehatzago. Masa muskular gehiegi lehiaketarako, nahita galdu behar izan zuen –badakizue, ohikoan egiten ditugun gauza horiek–. Halere, fisikoa ezinbestekoa dela ukatu gabe, burua aldarrikatu du: “Nik badut mezu bat emateko jendeari, kirola egin dezatela egunero, ongi izateko”. Tira, izan zitekeen “irakur dezatela Pierre Bourdieu egunero, ongi izateko”, baina ez dago gaizki. Domaia da, hartara, titulua Okzitaniako lehiakideak irabazi izana.
Gera gaitezen, ordea, gure misterraren mezuarekin. Kirola egin behar dugu, gainera egunero. Betidanik egon naiz kirolaren kontra, oso, ezinikusiraino. Horrexegatik ez dut sekula praktikatu. Ea, sekula, gazte garaian bai, nola ez, baina egiaz kirola egiten ari nintzenaren kontzientziarik gabe. Gero egia da urteekin herdoil moduko bat hasten zarela nabaritzen, min bat han, min bat hemen. Eta mugimendu minimo bat eskatzen dizula gorputzak berak, exijitzen. Horregatik hasi naiz praktikatzen niretzat kirol egokiena izan daitekeena: igeriketa. Eta ez hainbeste denik eta kirolik konpletoena omen delako. Igeriketa aukeratu dut, batez ere, igerilarien gorputzengatik. Halako gauza perfekturik. Ez gaizki ulertu, mesedez. Ez bilatu patologiarik: edertasunaren gorazarrea da, ez besterik. Eta kapital erotikoaren aitortza, kapital ekonomiko, sozial eta kulturalaren aldean, segur aski eliteek erabat monopolizatu ezin duten bakarra delako. Dirurik, ikasketarik, kontakturik ezean, kapital erotiko garrantzitsu baten jabe izan gaitezkeelako. Biologia alde, baina akaso kirol pixka batek lagunduta ere.
Palestinako Ilargi Gorria larrialdi zerbitzuak baieztatu du gorpuei eginiko autopsiak erakusten duela soldadu israeldarrek tiro egin zietela medikuei. Hil aurretik osasun langileetako batek soldaduek eraso egin zien unea grabatu zuen mugikorrarekin, eta bideoan ikus daiteke... [+]
Euskal Herriko Agintaritzaren Aldizkariaren bidez ezagutarazi da Cañaveras Solar enpresak egingo duela zentrala. Cañaveras Solar enpresaren zuzendaria Rafael Benjumea da, oligarkiako Benjumea familiako kidea. 15 milioi eurotik gorako kostua izango du proiektuak... [+]
“Etapa berri baten hasiera” eta “historikoa” moduko hitzekin aurkeztu du Eusko Jaurlaritzaren Hezkuntza Sailak Euskal Eskola Publikoa Eraldatzeko I. Plan Estrategikoa, Eusko Legebiltzarrean. Edukiak oraindik ontzeko eta zehazteko daudela, plana hamar... [+]
Bost greba egun deitu dituzte apirilerako, "lanez gainezka" daudela eta giza baliabide eta material "oso murritzak" dituztela argudiatuta. ELA sindikatuaren esanetan, udalak "ez du mugimendurik egin nahi".
Osakidetzan egun, ez dago bermatuta euskarazko zerbitzua. Zerbitzu gehienetan ez dago hizkuntza irizpiderik eta herritar euskaldunek bere burua nabarmendu beharra daukate, egoera oso zaurgarrian, euskarazko zerbitzua jaso ahal izateko.
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
.jpg)
Astearteko greba egunak %100eko jarraipena izan du, sindikatuen arabera. Hilaren 11rako eta 15erako deituta daude beste bi lanuzteak. 335 langile kaleratu nahi ditu Japoniako pneumatikoen multinazionalak Basauriko (Bizkaia) plantatik.
Aberri Eguna elkarrekin ospatzeko xedez sortu zen Euskal Herria Batera plataforma. Aurten, ikusgarri bat eskainiko dute apirilaren 11n, Manex Fuchs antzerkilariaren, Lorea Agirre idazlearen eta Martxel Rodriguez dantzariaren eskutik.
Apirilaren 4an, ostiralarekin, Ipar Euskal Herriak Lurralde Kolektibitate baterantz bilakaera instituzional bat behar duela egiaztatuz, Batera plataformak herritarren mobilizazio dinamika baten abiatzea aurkeztu du. Hitzordua emana da maiatzaren 10ean, larunbatez, Ezpeletan,... [+]
Fabrika itxi eta 106 beharginak kaleratzeko asmoa dauka enpresako zuzendaritzak, eta zabalik dago lan-erregulazioari buruzko kontsulta-aldia.
Abenduan ezagutarazi ziren Espainia, Maroko eta Portugalen jokatuko den Munduko Futbol Txapelketako egoitzak. Donostia eta Bilbo zerrendan ageri ziren. Donostiako sei auzo elkartek, gutun bidez, FIFAri eskatu diote atzera botatzeko hiriaren egoitza izendapena; FIFA bera ere... [+]
