Goxoki musikadunak
Ez CD, ez binilo, ez USB. Txupatxusa. Duplak txupatxus gisako euskarri bat baliatu du Folklore izenburua duen bere lan berriko kantak zabaltzeko. Goxoki musikadunak diseinatu dituzte, Duplatxusak. Goxokiek estalkian QR kode bat daukate, sakelako telefonoaren bidez irakurri ahal izateko, eta, haren bidez, haien webgunean kantak entzun edo deskarga daitezke.
Oso ideia originala da, berritzailea, bitxia. Duplako bi kideen izaerarekin bat datorrena, erabat. Argi dago gaur egun musika eta kultura kontsumitzeko era aldatu dela, eta hori onartuta, aukera berri bat proposatu dute.
Aguraingoak dira. Landa ingurune batean musika hiritarra egiten dute, elektronika, hip-hop eta pop musikaren arteko nahasketa. Errimak eta melodiak ongi landuta eta zainduta, bizitasunarekin, erraz eta batere lotsarik gabe aritzen dira, graziarekin eta erritmoarekin, gatzarekin eta piperrarekin. Nabarmena da daukaten etorria.
Etorkinen tragedia, arrazakeria, matxismoa, homofobia, harremanak, maitasuna, dirua, drogak, eta beste hainbat gairi buruz mintzo dira, gazteek izan ditzaketen kezkei buruz, ironiarekin ere aritzen dira pertsonen itxurakeria eta haien kontraesanei buruz, “progresistak, modernoak eta ezkertiarrak” omen direnei buruz, eta nor den bezalakoa izatea, nahi duena izatea aldarrikatzen dute.
Duplaren proiektua 2018ko neguan martxan jarri zuten. Denbora honetan, hainbat ikus-entzunezko sortu dituzte, Youtuben jarri dituzten bideoklipak, eta, taldekideen hitzetan, “lehenengo lan kontzeptuala” Durangoko Liburu eta Disko Azokan aurkeztu dute, Folklore izenburua duena.
Haien jendaurreko emanaldiak ikusgarriak izaten dira, ahotsarekin eta bateria batekin, elektronika eta antzerkia uztartuta. Ikuskizunak. Youtuben dauden haien bideoklipak ere bai. Horrela, gero eta ezagunagoak egiten ari dira. “Etorri gurekin eta ulertu zein den gure martxa, ikusiko duzula nola dagoen jendea dantzan, utzi beldur denak eta sartu gure saltsan, egingo dugula eztanda”, Badator kantan diotenez.
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]
Zuloa
Merina gris
Sonido Muchacho, 2025
-------------------------------------------------------
Euskal Herrian ez da orain arte horrelako musika elektronikorik egin. Esango nuke Merina Grisek historian euskaraz egin den elektronika eta hyperpop diskorik landuena egin... [+]
Bidai on bat
Braulio
Autoekoizpena, 2024
-----------------------------------------------------
Nik ez nioke talde bati Braulio izena jarriko; eta seguruenik inork gutxik hasiko luke lan bat sei minutuko iraupena duen kanta batekin. Baina hauei parra die eta horri esker... [+]
Ultra
La Furia
Baga Biga, 2024
---------------------------------------------------------
Cascanteko La Furia-k bosgarren diskoa plazara atera du. Mimoz eta erraietatik, berarentzat funtsezkoak diren osagai horiekin, prestatu du honako pozima, pozoitsua eta aldi berean... [+]
Zerrautsa
Olaia Inziarte
Panda, 2024
-------------------------------------------
Depresio garaian idatzitako hamalau kanta. Halaxe aurkeztu zuen Olaia Inziartek orain aipatu ezin den euskarazko lehenengo late night-ean. Diskoa irekitzen du Zerrautsa pieza bru-ta-lak... [+]
Alosia
Perlata
Autoekoizpena, 2024
----------------------------------------------------
Arrasateko Perlata taldeak lan berria kaleratu du. Hainbat disko ditu bizkarrean, eta azkeneko lana bere jaioterriko punk, Oi! eta rockaren zubi-lana egindako Jesusi Etxeberria... [+]
Xabier Badiola
Xabier Badiola
Gaztelupeko Hotsak, 2023
-------------------------------------------------
Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]
Nick Linbött
Nick Linbött
Kaset ekoizpenak, 2024
------------------------------------------------
Komiki jantzi vintage-arekin, rock-and-rollaren hastapenaren eta Gerra Hotzaren bizipenak bete-betean bizi izan zituzten belaunaldiko pertsonaia batzuen akorduan,... [+]
Ciudad de Polvo
Sal del Coche
Humo Internacional, 2022
-----------------------------------------------
Tira, jada bukatu denez Gramsci zitatzeko moda, ekarri dezakegu lerro hauetara oportunismo akusaziorik gabe. Are gehiago Sal del Cochekoek ere hala ekartzen badute:... [+]
Deus
Kaskezur
Usopop, 2024
-----------------------------------------------------
Deus dugu galtzeko” diote baztandarrek. Eta hala da. Disfrutatzeko egin dute beti musika, haziz joan diren lau musikari trebeen arteko joko eta jolasean. 2008an taldea sortu zutenetik... [+]
Laberintuak
Maniaks
Autoekoizpena, 2024
------------------------------------------
Ohikoa da gaztaroaren borborrean musika taldeak sortzea, eta non eta Arrasaten are gehiago. Baina talde bat sasoian eusteak esfortzu eta konpromiso handia eskatzen du, eta tira egin ezean... [+]
Ezpatei Disdira!
Tatxers
Humo Internacional, 2024
-----------------------------------------
Pop melodia itsaskorren gerrillariak. Vietcong txikiak nola, bata bestearen atzetik, tranpekin edo tranparik gabe berriz harrapatzen gaituzte Tatxersekoek. Himnogintzaren maisuak,... [+]
El país de las maravillas
Kinky boys
Autoekoizpena, 2024
---------------------------------------------
Izenaren adieratik gutxi dauka, gaur egun, Bilbon sortutako hirukoteak. Are gehiago, partaideen ibilbideak joan dira garatzen eta aldatzen. Marga Alday ezaguna... [+]
Agur Eta Ohore X Allá Va La Despedida
Chill Mafia
2024
---------------------------------------------------
Chill Mafiak inauguratu zuen aroak lurperatu du Chill Mafia. Denak ez duela zertan betirako iraun, hori argi baino argiago dugu. Eta hobe dela orain,... [+]
Errautsetatik loratzen
Añube
Autoekoizpena, 2024
-------------------------------------------------
Aspaldian sarri pentsatzen dut Debagoienan gazteek ia soilik musika urbanoa edo oi! musika, bata edo bestea, entzuten dutela; hortik kanpo apenas dagoela jende... [+]