Pentsa arduradunak
Euskadi Irratiko Faktoria magazinari esker jakin ahal izan genuen Warren Buffett AEBetako enpresari guztiahaldunak ze kezka darabilen buruan: “Estatu Batuetan orain hogei urte, prentsa arduradun bakoitzeko bi kazetari ari ziren lanean; gaur egun, ordea, kazetari bakoitzeko sei prentsa arduradun daude”.
Prentsa arduraduna, eskuarki, erakunde bati buruzko informazioa bideratzeko ardura duen pertsona da. Hau da, ordaintzen dion erakundeari gizarteratzea komeni zaion informazioa, helburuen interesen galbahetik pasatu ostean, eta komeni den dosietan neurtu eta gero, komeni den unean zabaltzea –sarri interes ekonomiko-politiko izugarriak izaten dira tartean–. Horrela, erakundeari komeni zaion bezala, kazetariak, inertziak lagunduta, irents dezan segidan bere komunikabidean zabalduko duen mezua. “Komeni” gehiegitxo gauza onerako.
Erakundeez aritu zen Warren Buffett, baina enpresei nahiz talde politikoei buruz ere ari zitekeen. Horiek gutxi ez, eta, aspaldion, kazetarion eguneroko lanean, ohikoak bihurtu dira galderarik gabeko prentsaurrekoak. Galderarik gabe? Hori ez da prentsa agerraldia, hori mitina da!
Beraz, kazetariari norabide bakarreko informazio mugatua heltzen zaio. Kazetari finak badira, baina errazkerian erortzen garenok ere tropelka ederra osatzen dugu.
Esku pilota profesionalaren esparruan nagusi diren ASPE eta BAIKO enpresen arteko lehian, polita ari da gertatzen: txapelketa mordoa eman dute lehen ASEGARCEko eta orain BAIKOko pilotariek txapel alerik irabazi gabe hiru txapelketa nagusietan.
Ondorioz , jakin-minaren arrak barrena jaten dit egoera horretara heltzeko zer gertatu den igarri ezinik. Bolada txarraren ondorioa izan daiteke, besterik gabe; plangintza desegokiaren ondorioa, akaso; giro nahasia, agian? Edo sasoiko pilotariak azkartxo bazterreratu zituzten, eta horien ordez sartutako gazteek denbora beharko dute aurrekoen mailara heltzeko? Agian, ibili-ibili eginda, zalantzaren urak eraginda, lepogaineko errota lan gehiegi egiten ari zait.
Edo, zergatik ez? Beharbada, ASPEn lan ikaragarria egin dute eta orain lan horren fruituak jasotzeko unea heldu zaie. Auskalo!
Dena den, kuriositatea piztu bazaizue, hurbildu zuzenean pilotariengana. Bestela, prentsa arduradunak “bere mutilekin” zubi-lana egiterako zure zalantzak herdoildurik egon daitezke. Azken finean, ez al daude horretarako? “Pentsa arduradunak”, zer pentsatu behar dugun esaten diguten prentsa arduradunak.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Irakurlea dagoeneko jakitun dateke Euskal Herrian askatasunaren alde egon den eta dagoen gatazka politikoaren ondorioz urte luzetan kartzelan, erbestean edota deportazioan bizi behar izan duten euskaldunak, etxerako bidean, beren bizitza berregiten hasteko izaten dituzten... [+]
Epistemologia, edo ezagutzaren teoria, filosofiaren arlo nagusietako bat da, eta historian zehar garrantzizko eztabaidak izan dira gure ezagutzaren mugen eta oinarrien inguruan. Honen baitan bi korriente indartsu topatzen dira, ezagutzara iristeko bide ezberdinak proposatzen... [+]
Getxoko Epaitegiak Europa ikastetxeko 4 urteko haurren kasua artxibatu izanaren berri izan dugu aste honetan. Horrek zera galdetzera garamatza: instantzia judizialak, polizialak… prest al daude haurren eskaerei erantzuteko? Benetan babesten al dira gure adingabeak... [+]
Gure lurraldeetan eta bizitzetan sortzen diren behar, desio eta ekimenen inguruan gero eta gehiago entzuten dugu harreman eta proiektu publiko-komunitarioak landu beharraz, eta pozgarria da benetan, merkaturik gabeko gizarte antolaketarako ezinbesteko eredua baita. Baina... [+]
Elkarrizketa berritu dugu fakultateko idazkaritzan, auskalogarrenez: urruti daude, euren matrikula egiteko, ikasleak bakarrik etortzen ziren garaiak. Aspaldixko aldatu zen joera, eta gurasoek –nabarmenago amek– gero eta paper aktiboagoa hartzen dute seme-alaben... [+]
Silogismo baten argumentuak hiru proposizio ditu, eta horietatik azkena nahitaez ondorioztatzen da beste bietatik. Logika deduktibo horrekin aztertu daiteke, nire aburuz, Nafarroan gertatzen ari den Aroztegiako gatazka sozioekologiko luze eta traumatikoa.
Tesia: Baztango... [+]
Berriki landu ditut klasean Etxahun Barkoxeren kobla eder eta hunkigarriak. Gaizo gizona! “Edertasunez praube” sortu zelako hasi zitzaizkion etxeko nahigabeak, baina hamazazpi urtetan zen pulunpaka sartu zorigaitzaren itsasoan, maite zuen Marie Rospide doterik gabeko... [+]
Azken egunak garrantzi handikoak izan dira Bartzelonan, etxebizitzaren aldeko mugimenduarentzat eta espekulatzaileen aurkako borrokarentzat. Urtarrilaren 28an, polizia-armada batek Raval auzoko Massana Zaharrari [zentro sozial okupatua] eraso egin zion goizaldean, aurrez abisatu... [+]
Zer jakin behar dut? Norekin erlazionatu behar dut? Non bizi behar dut? Ardura horiekin gabiltza gizakiok gure gizarteen baitan bizitza on baten ideia bizitzeko bidean. Ondo erantzuten ez badakigu, bazterretan geratuko garen beldurrez.
Joan den astean, kanpoan geratzearen... [+]
Idatzi honen bidez, EITBko Euskara Batzordeak eta azpian sinatzen duten EITBko organoek euren kezka eta gaitzespena agertu nahi dituzte azken hilabeteetan EITBko zuzendaritza-postuetarako abian ipini diren hautatze-prozesuak direla eta, gutxietsi egin baita euskararen... [+]
Ni ez dut nahi nire alaba ijitoz mozorrotzea kaldereroetan. Nik ez dut nahi nire alabaren eskolako haur ijitoak ijitoz mozorrotzea kaldereroetan. Ijito izatea ez delako mozorro bat. Ijito izatea ez delako urtean behin egiten den festa bat, arropa exotikoekin eta aurpegia ikatzez... [+]
Bidea pausoka egiten da, eta hasiak egina dirudiela ikasi nuen aspaldi xamar. Baina jendeak esaldi hori edukiz betetzen ere ikasi nahi du. Bakarrik ezer gutxi lor genezake, hasi orduko etsi, akaso. Sekulako jendetza biltzeak ere antolaketa zaildu eta ikusi beharrekoa gandutu... [+]
Ez zuen egoki jokatu, neurriak hartu behar ziren, bestela, ez dugu ikasten. Itxuraz, ez zen ohartzen egindakoaren inpaktuaz, normal jarraitzen zuen, batzuetan, ingurukoek baino itxura zoriontsuagoz. Gainera, altuegi hitz egiten du, hori ez zaio inori gustatzen. Darabiltzan... [+]
Hezkuntza Sailak ez ei du ulertzen publikoko langileak zergatik joan garen grebara. LAB sindikatuari galdetzea dauka. Sindikatu horrek akordioa sinatu zuen sailarekin, 2023ko apirilean. Urte bi geroago grebara deitu dute haiek ere, aurrekoetan ez bezala, Hezkuntza Sailak... [+]