Agentearen substantzietako batek, dioxinak, gizakiengan ere ondorio kaltegarriak izan zituen berehala: gibeleko eta azaleko arazoak, hormona desorekak… Baina dioxina erloju-bonba bat da, fetuetan kalteak areagotzen baitira.

Hala, garai hartan 4,8 milioi vietnamdarrek arnastu zuten dioxina, hainbat eremu oraindik kutsatuta daude eta hiru belaunaldi geroago ez dirudi agente laranjaren eraginak atzera egingo duenik. Nguyen Van Phuc beteranoaren hitzetan: “AEBek, belaunaldiz belaunaldi, vietnamdarrak hiltzen jarraituko dute”.