Kontu izan albokoarekin!
Plastikoa non-nahi daukagu, gure bizitzan txertatuta erabat eta nahi izan arren ezinezkoa zaigu kanporatzea. Halakoa da nolabait Deustun sortutako Los Cosméticos taldearen ibilbidea eta izatea. Bilboko auzo honetako hainbat gazte aspaldi hasi ziren hardcore irekienari eta irudimentsuenari bueltak ematen, El Corazón del Sapo-ren gerizpean. Hala, Elfo Negro taldea sortu eta ehunka Gaztetxe eta squat-etan emanaldi irmo eta indartsuak egiten aritu ostean, poliki-poliki beraien soinua garatzen joan ziren; hala, Vitesse diskoarekin batera, bestelako gorpuzkera eta giroa lortu eta taldea bertan behera utzi zuten: ordurako distortsio eta intentsitatearen atzaparretan harrapatuta zeuden eta post-rockarekin liluratuta.
Hausnarketa garai baten ostean kideetako batzuk La Hora del Primate talde apurtzailean berpiztu ziren, Münsterland taldeko Jose Ramón Riojarekin batera. Garagea, distortsioa, Make Up, International Noise Conspiracy eta desparrame handia. Disko luze bat kaleratu zuten eta dozenaka kontzertu ero, eztandagarri. Ibilbide laburregia guztion zoritxarrerako. Etxafuego bat izan zen.
Ordurako bi Albertok eta Ivanek martxan zuten Los Cosméticos. 2015ean EP bat kaleratu eta erakutsi zuten post-punkaz gain, garagea, funka eta indie-a ederto ezkontzeko gai zirela. 2017an Danze! Zizek! Danze! lan luzea etorri zen eta, horrekin batera, kontzertu indartsu eta kutsagarri ugari. Gero eta noise-ago eta gero eta post-rockago, soinu sendoagoa eta “serioagoa” lortuz; soinu harresi baten bidean.
2017an Rockein! Lehiaketako lehen saria eskuratu zuten; eta hau da emaitza. Bost kantuz osatutako Puro plástico lana, hardcoretik eta garagetik erabat aldendu eta ibilbidean jasotako eraginak era moderno, ilun, indartsu eta intentso batean plazaratzen dituenak. Gaztelaniaz idatzitako kantak iraganean bezala oihukatu beharrean kontatu egiten dizkigute. Istorio surrealistak dira, domestikoak baina era berean arriskutsuak. Eta horretan datza power trio indartsu honen mamia: gitarra oso gogorrak, oinarri erritmiko oso sendoa, eta post-rocketik, noise-tik, electrotik (tantatan) zein psikodeliatik gogoz edaten duen koktela.
El país de las maravillas
Kinky boys
Autoekoizpena, 2024
---------------------------------------------
Izenaren adieratik gutxi dauka, gaur egun, Bilbon sortutako hirukoteak. Are gehiago, partaideen ibilbideak joan dira garatzen eta aldatzen. Marga Alday ezaguna... [+]
Agur Eta Ohore X Allá Va La Despedida
Chill Mafia
2024
---------------------------------------------------
Chill Mafiak inauguratu zuen aroak lurperatu du Chill Mafia. Denak ez duela zertan betirako iraun, hori argi baino argiago dugu. Eta hobe dela orain,... [+]
Errautsetatik loratzen
Añube
Autoekoizpena, 2024
-------------------------------------------------
Aspaldian sarri pentsatzen dut Debagoienan gazteek ia soilik musika urbanoa edo oi! musika, bata edo bestea, entzuten dutela; hortik kanpo apenas dagoela jende... [+]
Tuka esaten da
Tu-K
Autoekoizpena, 2024
----------------------------------------------
Musika elektronikoa Euskal Herrira iritsi da!” irakur daiteke, azken urteotan, hango eta hemengo titularretan. Kazetariek entrega datak dituzte pentsatzeko ordua iritsi aurretik,... [+]
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Every action has reaction
BLACK BACON
Artza Records / American Leather Records
----------------------------------------------------------
Badira 25 urtetik gora Kataluniako jatorria daukan eta HHH hardcore talde aitzindariaren sortzaile Alex Montiel Euskal Herrira... [+]
Punka. Punka bueltan da, edo hobe esanda, ez da inoiz joan. Lekitxotik (eta ez Lekeitiotik) datoz Zikinekoak, Mendeku Diskak-ekin argitaratu berri duten Bala Galdua Zure Buru Galduan elegantearekin.
“Eixu Zeuk” filosofia. Hori da oinarria eta helburua... [+]
AUTOSUNTSIPENA HASIA DA. 3, 2,1... ZNORT!!!
Gailu
Bidehuts, 2023
----------------------------------------------------------
Politikoki zuzena izateari gehiegizko garrantzia eman, baina politika zuzena falta den garai kupidaga-
beotan esango dut Abregotarretatik,... [+]
Lau elementuren arteko baturak ez du beti lau ematen; gehienetan hori baino gehiago. Eta zer esanik ez, hainbat proiektutan ibili eta auskalo nola eta zergatik elkartu ziren hauek: Atxe, Led Infierno, Osoron eta Txerra. Aurrekariengatik uste genuen punka egingo zutela, baina... [+]
Ezin da talde baten irakurketa egin bere taldekideen iragana kontuan hartu gabe; eta kasu honetan, are zailagoa da ariketa. Tatxerseko kide bat dago eta Tatxers taldea dakar gogora Borlak. Ekidin ezina da aurreko taldean pentsatzea, baina motz geratuko gara, chorusdun gitarra... [+]
Debagoienan izan den hardcore talde bakarrenetarikoa da Fly Shit. Asmo handirik gabe eta egiten dutenean erabat sinistuta; presak estutu gabeko, eta era berean, etenik gabeko ibilbide sendoa daukate bizkarrean. Are gehiago, ez dute inoiz kontzertu txarrik eman, ezta soberako... [+]
Oñati herri berezia da zentzu askotan, eta zer esanik ez, inguruko herrietakoen begiradapean, a ze betaurreko janzten ditugun! Ezaugarri asko dituzte herriak eta herritarrek berezkoak, eta gazte asanbladaren inguruko mugimendua ere halakoa da, iraganean zein Antixena... [+]
Zenbat gauza pasatzen zaizkigun oharkabean. Nitxoetan mugituta ere, nitxo bakoitza handiegia ez ote da dagoeneko? Tolosatik dator Alai artistaren EP hau, breakbeat, jungle, UK garage eta house estiloko elektronika perfekzionista, zapore afrokaribearrarekin lurrindua.
Eta... [+]
Gaztetxotan Eskorbutin itxura hartzen nion arren, Aramaion jaiotako Antton Carreterok beti izan du begirada luzeagoa: punka bai, jakina, eta kinya bada hobe, baina beste estilo askori erreparatzen die aurreiritziei paso eginda; canallagoei, sentikorragoei… Horiek guztiek... [+]
Madrilgo queer mugimenduan kokatzen nuen taldea, eta orain gutxi bere esentzian –zuzenekoan– ezagutzeko aukera izan nuen. Orduan jakin nuen Argentinan jaio baina gaztetan Madrilera joandako Belenek (ahotsa eta gitarra) sortu zuela taldea, eta Mariarekin (bateria eta... [+]