Harritzarrak arrastatzeko metodo egiptoarra
Hatnubeko (Egipto) alabastro harrobi zaharreko idazkun batzuetan oinarrituta, Keops faraoiaren garaian harritzarrak nola mugitzen zituzten deskribatu du Frantziako Ekialdeko Arkeologia Institutuko eta Liverpooleko Unibertsitateko arkeologo talde batek.
(Argazkia: Egiptoko Antzinaroko Ministerioa)
Arrapala zabal baten alde banatan eskailerak zeuden, eta horietan, zutoin bertikalak sartzeko zuloak. Alabastrozko blokeak erdiko arrapalatik arrastatzen zituzten egurrezko leren bidez, eta zutoin bertikalak polea moduan erabiltzen zituzten blokeei aurrera bultza egiteko, soka sistema baten laguntzaz.
Sistema horri esker, %20 arteko maldak gainditzeko gai ziren.